ଏମିତି ଏକ ପଦକ୍ଷେପ, ଯେଉଁଥିରେ ଘରକୁ ଥଣ୍ଡା ରଖାଯାଉଛି। ବାସ୍ତବରେ ଗ୍ରୀଷ୍ମ ପ୍ରବାହ ଓ ଗୁଳୁଗୁଳିରୁ ମୁକ୍ତି ପାଇବାରେ ଏହା ଏକ ପ୍ରଶଂସନୀୟ କାର୍ଯ୍ୟ। ଗୁଜରାଟ ଅହମଦାବାଦର ମହିଳା ହାଉସିଂ ଟ୍ରଷ୍ଟ(ଏମ୍ଏଚ୍ଟି) ମାଧ୍ୟମରେ ଏହି କାର୍ଯ୍ୟ ଜାରି ରହିଛି। ଏହିି ଟ୍ରଷ୍ଟ ତୃଣମୂଳ ସ୍ତରରେ ଘରକୁ ଥଣ୍ଡା ରଖିବା ଲାଗି କାର୍ଯ୍ୟରେ ବିଭିନ୍ନ ପରିବାର ମହିଳାଙ୍କୁ ନିୟୋଜିତ କରିଛି। ଏବେ ସୁଦ୍ଧା ଅହମଦାବାଦର ବିଭିନ୍ନ ବସ୍ତିରେ ପାଖାପାଖି ୨୦,୦୦୦ ଘରକୁ କୁଲ୍ କରାଯାଇସାରିଲାଣି। ଏହି ସବୁ ଘରେ ଲୋକେ ଶାନ୍ତିରେ ଏବେ ରହିପାରୁଛନ୍ତି। ଏମ୍ଏଚ୍ଟି ପକ୍ଷରୁ ପ୍ରତିଘର ଛାତରେ ସୋଲାର ରିଫ୍ଲେକଟିଭ ହ୍ବାଇଟ ପେଣ୍ଟ ଦିଆଯାଉଛି। ଏହି ପ୍ରୋଜେକ୍ଟ ୨୦୧୬ରେ ଆରମ୍ଭ ହୋଇଥିଲା। ଏମ୍ଏଚ୍ଟି ବିଭିନ୍ନ ସ୍ଥାନରେ ପ୍ରଦୂଷଣ, ଜଳବାୟୁ ପରିବର୍ତ୍ତନ ଉପରେ ମଧ୍ୟ କାର୍ଯ୍ୟ ଚଳାଉଛି। ଗ୍ରାମୀଣ ଲୋକେ କିଭଳି ସହଜରେ ବିଦ୍ୟୁତ୍ ପାଇପାରିବେ, ତା’ ଉପରେ କାମ କରି ଲୋକଙ୍କୁ ବିଦ୍ୟୁତ୍ ଯୋଗାଇ ଦେଉଛି। ମହିଳା ହାଉସିଂ ଟ୍ରଷ୍ଟ ମଧ୍ୟ ସୋଲାର ପାଓ୍ବାର ଉତ୍ପାଦନ କରିବାରେ ଲୋକମାନଙ୍କୁ ସହଯୋଗ କରୁଛି। ଏହାଦ୍ୱାରା ଅନେକ ବସ୍ତିରେ ଲୋକେ ବିଦ୍ୟୁତ ବିଲ୍ ଦେୟରୁ ମୁକ୍ତି ପାଇପାରିଛନ୍ତି। ବସ୍ତିଗୁଡ଼ିକୁ ପ୍ରଦୂଷଣମୁକ୍ତ ରଖିବା ପାଇଁ ଏମ୍ଏଚ୍ଟି ମହିଳାମାନଙ୍କ ଦ୍ୱାରା ବିଭିନ୍ନ ସଚେତନାତ୍ମକ କାର୍ଯ୍ୟକ୍ରମମାନ ଆୟୋଜନ କରୁଛି। ଏହା ଦ୍ୱାରା ବସ୍ତିଗୁଡ଼ିକ ସ୍ବଚ୍ଛ ରହିବା ସହିତ ରୋଗର ପାର୍ଦୁଭାବ କମୁଛି।
