ଶ୍ରୀନଗର,୬।୮: ଅନୁଚ୍ଛେଦ ୩୭୦ ଉଚ୍ଛେଦ ପରେ ନ୍ୟାଶନାଲ କନଫରେନ୍ସ ନେତା ତଥା ଜମ୍ମୁ-କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲ୍ଲା ମଙ୍ଗଳବାର କହିଛନ୍ତି ଆମେ ଗ୍ରେନେଡ ମାଡ କରିବା ଲୋକ ନୁହେଁ କି ପଥରମାଡ଼ କରୁନାହିଁ। ସେ କହିଛନ୍ତି ଅନୁଚ୍ଛେଦ ୩୭୦କୁ ନେଇ ମୋଦି ସରକାରଙ୍କ ବିରୋଧରେ ଆମେ କୋର୍ଟର ଦ୍ୱାରସ୍ଥ ହେବୁ। କାରଣ ମୋଦି ସରକାର ଆମକୁ ହତ୍ୟା କରିବାକୁ ଚାହୁଁଛନ୍ତି। ଆମେ ଶାନ୍ତିରେ ବିଶ୍ୱାସ କରୁ ଓ ଶାନ୍ତିର ସହ ଲଢିବୁ ବୋଲି ସେ କହିଛନ୍ତି। ମଙ୍ଗଳବାର ସେ ତାଙ୍କ ଘରେ ଖବରଦାତାଙ୍କ ପ୍ରଶ୍ନର ଉତ୍ତର ଦେବା ସମୟରେ ଏହା କହିଛନ୍ତି। ସେ ଆହୁରି ମଧ୍ୟ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହଙ୍କ ଉପରେ ବର୍ଷିଛନ୍ତି। କହିଛନ୍ତି ଆମକୁ ଗୃହବନ୍ଦୀ କରି ରଖି ଶାହ କହୁଛନ୍ତି ଯେ ଆମେ ନିଜ ଇଚ୍ଛାରେ ଘରେ ରହିଛୁ ଯାହା ଦୁଃଖଦାୟକ।
