ଛତ୍ରପୁର,୧୩।୨(ଡି.ଏନ.ଏ.) ଗଞ୍ଜାମ ଜିଲାରେ ହେବାକୁ ଥିବା ତ୍ରିସ୍ତରୀୟ ପଞ୍ଚାୟତ ନିର୍ବାଚନ କିଭଳି ଶାନ୍ତି ଶୃଙ୍ଖଳାର ସହ ଅବାଧ ହେବ ସେନେଇ ପୋଲିସ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଛି। ପୂର୍ବରୁ ପଞ୍ଚାୟତ ନିର୍ବାଚନ ବେଳେ ଯେଉଁସବୁ ସ୍ଥାନରେ ବିଶୃଙ୍ଖଳା କିମ୍ବା ହିଂସା ଘଟିଥିଲା ଉକ୍ତ ସ୍ଥାନ ପ୍ରତି ପୋଲିସ ପକ୍ଷରୁ ସ୍ବତନ୍ତ୍ର ଦୃୃଷ୍ଟି ରଖାଯିବା ସହ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିବା ସୂଚନା ଦିଆଯାଇଛି ା ଏଥିସହ ପୁରୁଣା ଅପରାଧୀ ଓ ବିଶୃଙ୍ଖଳା ସୃଷ୍ଟିକାରୀଙ୍କ ନଁାରେ ୧୦୭ ମାମଲାରେ ନୋଟିସ୍ ଦିଆଯାଉଛି। ଶେରଗଡ ଥାନା ପୋଲିସ ପକ୍ଷରୁ ୨୧୩, ବୁଗୁଡା ପୋଲିସ ପକ୍ଷରୁ ୩୮୬ ଜଣଙ୍କ ବିରୋଧରେ ଏଭଳି ନୋଟିସ୍ ଜାରି କରାଯାଇଛି ା ବନ୍ଧୁକ ଓ ପିସ୍ତଲ ଧାରୀମାନେ ଏଗୁଡିକୁ ସ୍ଥାନୀୟ ଥାନାରେ ଜିମା ଦେବାକୁ କୁହାଯାଇଛିା ଅତିସ୍ପର୍ଶକାତର ଓ ସମ୍ବେଦନଶୀଳ ବୁଥ୍ରେ ସଶସ୍ତ୍ର ବାହିନୀ ସହ ସ୍ବତନ୍ତ୍ର ଅଫିସର ନିୟୋଜିତ କରାଯିବ ା ସିିିସିଟିଭି ଲଗାଯିବା ସହ ଏଭଳି ବୁଥ୍ ଅଞ୍ଚଳରେ ଅଧିକ ପାଟ୍ରୋଲିଂ କରାଯିବ ବୋଲି ଗଞ୍ଜାମ ଏସ୍ପି ବ୍ରିଜେଶ କୁମାର ରଏ ସୂଚନା ଦେଇଛନ୍ତି ା
କେଉଁଠି ଗଣ୍ଡଗୋଳ ହୋଇଥିଲା, ନିକଟରେ କେଉଁଠି ହିଂସାକାଣ୍ଡ ଘଟିଛି ତାହାକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥା ଗ୍ରହଣ କରାଯିବାକୁ ସ୍ଥିର ହୋଇଛି ା ଅଧିକ ଭୋଟର କିମ୍ବା ବୁଥ୍ ଥିଲେ ତଦନୁସାରେ ଫୋର୍ସ ମୁତୟନ ହେବେ ବୋଲି କୁହାଯାଇଛି ା ନିର୍ବାଚନ ପରିଚାଳନା ଦୃଷ୍ଟିରୁ ସମଗ୍ର ଜିଲାରେ ୩ ହଜାରରୁ ଊର୍ଦ୍ଧ୍ୱ ଗାଡି ରକ୍ୟୁଜିଶନ୍ କରାଯାଇଥିବା ବେଳେ ଗଞ୍ଜାମ ପୋଲିସ ଦ୍ୱାରା ଫୋର୍ସ ପାଇଁ ୧୩୫ ଯାନବାହନ ରିକ୍ୟୁଜିଶନ୍ କରାଯାଇଥିବା ଜଣାପଡିଛି। ଲାଇସେନ୍ସପ୍ରାପ୍ତ ବନ୍ଧୁକକୁ ଥାନାରେ ଜିମା ଦେବାକୁ ପୋଲିସ ପକ୍ଷରୁ ଅଭିଯାନ କାର୍ଯ୍ୟକାରୀ କରାଯାଇଛି। ପୁରୁଷୋତ୍ତମପୁର ଓ ଖଲ୍ଲିକୋଟ ଥାନା ଅଞ୍ଚଳରେ ପୁରୁଣା ଅପରାଧୀଙ୍କୁ ପଳାତକ ଘୋଷଣା କରି ସେମାନଙ୍କ ଘର ଆଗରେ ଆମତ୍ସମର୍ପଣ କିମ୍ବା କଠୋର କାର୍ଯ୍ୟାନୁଷ୍ଠାନ ଗ୍ରହଣ ସକାଶେ ଲଟ୍କା ଟଙ୍ଗାଯାଇଛିା ଖୋର୍ଦ୍ଧା ଜିଲା ସୀମାରୁ ଆରମ୍ଭ କରି ଆରପଟେ କନ୍ଧମାଳ ଓ ଗଜପତି, ପୁଣି ଅନ୍ୟପଟେ ନୟାଗଡ ଜିଲା ସୀମା ପର୍ଯ୍ୟନ୍ତ ଗଞ୍ଜାମ ପୋଲିସ ଜିଲାର ଇଲାକା ରହିଛିା ଏଥିସହ ମାଓବାଦୀ ଉପଦ୍ରୁତ କନ୍ଧମାଳ ଜିଲା ସହ ସଂଲଗ୍ନ ଗଞ୍ଜାମ ପୋଲିିସ ଜିଲାର ସୋରଡା, ବଡଗଡ, ତାରସିଂ ଓ ଭଞ୍ଜନଗର ଥାନାର ଦୁର୍ଗମ ତଥା ଆଦିବାସୀବହୁଳ ଅଞ୍ଚଳ ରହିଛି ା ନିର୍ବାଚନ ସୁରୁଖୁରୁରେ ପରିଚାଳନା ଲାଗି ପୋଲିସକୁ ଏକ ଚ୍ୟାଲେଞ୍ଜ ରହିଛି ା
