ରେଙ୍ଗାଲି, ୧୬।୭ (ଦେବବ୍ରତ ପଣ୍ଡା): ଚାକିରି ପାଇଁ ଇଣ୍ଟରଭ୍ୟୁ ଦେବାକୁ ଆସିଥିବା ଜଣେ ଯୁବକଙ୍କର କମ୍ପାନୀ ପରିସରରେ ହିଁ ଅକାଳ ବିୟୋଗ ଘଟିଛି। ମୃତ ଯୁବକ ଜଣକ ହେଲେ ରାୟଗଡ଼ା ଜିଲା ଗୁଣୁପୁର ଥାନା ଅନ୍ତର୍ଗତ ଖିଲାପଦର ଗ୍ରାମର ୩୧ ବର୍ଷୀୟ ସଂଗ୍ରାମ ଗୌଡ଼। ସୂଚନା ଅନୁଯାୟୀ, ନିଜର ଓ ପରିବାରର ଭବିଷ୍ୟତକୁ ସଜାଡ଼ିବା ପାଇଁ ସଂଗ୍ରାମ ରେଙ୍ଗାଲି ସ୍ଥିତ ଶ୍ୟାମ ମେଟାଲିକ୍ସ କମ୍ପାନୀକୁ ଇଣ୍ଟରଭ୍ୟୁ ଦେବାକୁ ଆସିଥିଲେ। କିନ୍ତୁ କିଛି ବୁଝିବା ଆଗରୁ ସେଠାରେ ସେ ହଠାତ ଅଚେତ ହୋଇ ଢଳି ପଡ଼ିଥିଲେ। କମ୍ପାନୀ କର୍ତ୍ତୃପକ୍ଷ ତାଙ୍କୁ ତୁରନ୍ତ ଉଦ୍ଧାର କରି ରେଙ୍ଗାଲି ଡାକ୍ତରଖାନାକୁ ନେଇଥିଲେ। ଡାକ୍ତର ତାଙ୍କୁ ମୃତ ଘୋଷଣା କରିବା ସହ ଏକ ଅପ୍ରତ୍ୟାଶିତ ହୃଦଘାତ ଯୋଗୁ ମୃତ୍ୟୁ ହୋଇଥିବା ପ୍ରକାଶ କରିଛନ୍ତି।
