ନୂଆଦିଲ୍ଲୀ,୨୭।୧୨: ବିଶ୍ୱ ଟେଷ୍ଟ ଚାମ୍ପିୟନଶିପ ୨୦୧୯ରେ ଆରମ୍ଭ ହୋଇଥିଲା ଏବଂ ଏ ପର୍ଯ୍ୟନ୍ତ ଏହାର ଦୁଇଟି ଫାଇନାଲ ଖେଳାଯାଇଛ। ପରବର୍ତ୍ତୀ ଫାଇନାଲ ୨୦୨୫ରେ ଖେଳାଯିବ। ଯେଉଁଥି ପାଇଁ ସମସ୍ତ ଦଳ କଠିନ ପରିଶ୍ରମ କରୁଛନ୍ତି । ପଏଣ୍ଟ ଟେବୁଲର ଶ୍ରେଷ୍ଠ ଦୁଇ ଦଳ ଫାଇନାଲ ଖେଳିବାର ସୁଯୋଗ ପାଆନ୍ତି । ଭାରତୀୟ ଦଳ ଗତ ଦୁଇଥର ଫାଇନାଲ ଖେଳୁଛି। ଦୁଇ କିମ୍ବଦନ୍ତୀ ଅଧିନାୟକ ରୋହିତ ଶର୍ମା ଏବଂ ବିରାଟ କୋହଲି ଟିମ ଇଣ୍ଡିଆର ଏହି ସଫଳତାରେ ବହୁତ ସହଯୋଗ କରିଛନ୍ତି। ଉଭୟେ ବିଶ୍ୱ ଟେଷ୍ଟ ଚାମ୍ପିୟନଶିପ (୨୦୧୯-୨୫ *)ରେ ସର୍ବାଧିକ ରନ୍ କରିଥିବା ଶୀର୍ଷ-୧୫ ତାଲିକାରେ ମଧ୍ୟ ସାମିଲ ଅଛନ୍ତି।
ସେଞ୍ଚୁରିଅନ୍ରେ ଦକ୍ଷିଣ ଆଫ୍ରିକା ବିପକ୍ଷରେ ଖେଳାଯାଉଥିବା ବକ୍ସିଂ ଡେ’ ଟେଷ୍ଟରେ ରୋହିତ ୫ ରନ୍ କରିଥିବାବେଳେ ବିରାଟ ୩୮ରନ୍ର ଇନିଂସ ଖେଳିଥିଲେ। ଏହି ଇନିଂସ ସହିତ ବିରାଟ ଡବ୍ଲ୍ୟୁଟିସିର ସର୍ବାଧିକ ରନ୍ ସ୍କୋରରମାନଙ୍କ ମଧ୍ୟରେ ଦଶମ ସ୍ଥାନରେ ପହଞ୍ଚି ରୋହିତଙ୍କୁ ପଛରେ ପକାଇଦେଇଛନ୍ତି। ବିରାଟଙ୍କ ନାଁରେ ଏହି ଚାମ୍ପିୟନଶିପରେ ୩୫ଟେଷ୍ଟର ୫୭ ଇନିଂସରେ ହାରାହାରି ୩୮.୯୦ରୁ ୨୧୦୧ ରନ୍ କରିଛନ୍ତି। ଏଥି ମଧ୍ୟରେ ଚାରି ଶତକ ଏବଂ ନଅ ଅର୍ଦ୍ଧ ଶତକ ଅନ୍ତର୍ଭୁକ୍ତ। ଯେଉଁଠାରେ ରୋହିତ ଏକାଦଶ ସ୍ଥାନରେ ଅଛନ୍ତି। ସେ ୨୬ଟେଷ୍ଟର ୪୨ ଇନିଂସରେ ୨୦୯୭ ରନ୍ କରିଛନ୍ତି। ଏହି ଅବଧି ମଧ୍ୟରେ ତାଙ୍କର ହାରାହାରି ୫୨.୪୨ ହୋଇଛି।
ଏହା ବ୍ୟତୀତ ଅନ୍ୟ ଭାରତୀୟମାନେ ହେଉଛନ୍ତି ବିରାଟ-ରୋହିତଙ୍କ ପରେ ଚେତେଶ୍ୱର ପୂଜାରା ଏବଂ ଅଜିଙ୍କ୍ୟ ରାହାଣେ ଅଛନ୍ତି। ବିଶ୍ୱ ଟେଷ୍ଟ ଚାମ୍ପିୟନଶିପରେ ସର୍ବାଧିକ ରନ ସ୍କୋରରଙ୍କ ମଧ୍ୟରେ ଇଂଲଣ୍ଡର ଜୋ ରୁଟ ଶୀର୍ଷରେ ଅଛନ୍ତି। ସେ ହାରାହାରି ୫୦.୪୬ରେ ୪୭ଟି ଟେଷ୍ଟର ୮୬ଇନିଂସରେ ୩୯୮୭ ରନ୍ ସଂଗ୍ରହ କରିଛନ୍ତି। ଏଥିମଧ୍ୟରେ ୧୨ ଶତକ ଏବଂ ୧୬ ଅର୍ଦ୍ଧ ଶତକ ସାମିଲ। ଏଥି ସହିତ ଅଷ୍ଟ୍ରେଲିଆର ମାର୍ନସ ଲାବୁଶେନ ଏବଂ ଷ୍ଟିଭ ସ୍ମିଥ ଦ୍ୱିତୀୟ ଏବଂ ତୃତୀୟ ସ୍ଥାନରେ ଅଛନ୍ତି।
