Posted inଖେଳ

‘ମହିଳା ଆଇପିଏଲ୍‌ ଗେମ୍‌ ଚେଞ୍ଜର ହୋଇପାରେ’

ନୂଆଦିଲ୍ଲୀ, ୨୮ା୧୦ (ପି.ଟି.):ମହିଳା କ୍ରିକେଟରଙ୍କ ମ୍ୟାଚ୍‌ ଫି’ ପୁରୁଷଙ୍କ ସହ ସମାନ କରିବା ଲାଗି ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଯେଉଁ ନିଷ୍ପତ୍ତି ନେଇଛି ତାହା ସ୍ବାଗତଯୋଗ୍ୟ। ମାର୍ଚ୍ଚରେ ମହିଳା ଆଇପିଏଲ୍‌ରେ ତାହା ପ୍ରତିଫଳିତ ହେବ ବୋଲି ଆଶା କରାଯାଏ। ଏଣିକି ମହିଳା ଖେଳାଳିମାନେ ପ୍ରତିଟି ଅନ୍ତର୍ଜାତୀୟ ଦିନିକିଆ ମ୍ୟାଚ ପାଇଁ ୬ ଲକ୍ଷ ଟଙ୍କା ଲେଖାଏ ପାଇବେ। ବର୍ତ୍ତମାନ ସେମାନଙ୍କର ଯାହାଥିଲା ତା’ଠାରୁ ୬ଗୁଣା ଅଧିକ। ଏଣିକି ମହିଳା କ୍ରିକେଟରମାନେ ଏକ ଟେଷ୍ଟ ମ୍ୟାଚ ପିଛା ୧୫ ଲକ୍ଷ ଟଙ୍କା ଲେଖାଏ ପାଇବେ। ପୂର୍ବରୁ ସେମାନେ ଏ ବାବଦରେ ୪ ଲକ୍ଷ ଟଙ୍କା ଲେଖାଏ ପାଉଥିଲେ। ଭାରତରେ ମହିଳା କ୍ରିକେଟ ପ୍ରତି ଲୋକପ୍ରିୟତା କ୍ରମେ ବୃଦ୍ଧି ପାଇବାରେ ଲାଗିଛି। କିନ୍ତୁ ଯଦି ପୁରୁଷ ଓ ମହିଳା ସେଣ୍ଟ୍ରାଲ କଣ୍ଟ୍ରାକ୍ଟ ଅବା କେନ୍ଦ୍ରୀୟ ଚୁକ୍ତି କଥା ବିଚାରକୁ ନିଆଯାଏ ତେବେ ସେଥିରେ ଅନେକ ତାରତମ୍ୟ ରହିଛି। ‘ଏ’ କାଟେଗୋରିରେ ଜଣେ ପୁରୁଷ କ୍ରିକେଟର ୫ କୋଟି ଟଙ୍କାର ଚୁକ୍ତି କରୁଥିବା ବେଳେ ସେ କ୍ଷେତ୍ରରେ ମହିଳାଙ୍କର ମାତ୍ର ୫୦ ଲକ୍ଷ ଟଙ୍କା ରହିଛି। ବିସିସିଆଇ ଭବିଷ୍ୟତରେ ଏଥିପ୍ରତି ଧ୍ୟାନ ଦେବ ବୋଲି ଆଶା ପ୍ରକାଶ କରି କହିଛନ୍ତି ପୂର୍ବତନ ଭାରତୀୟ ମହିଳା ପେସ୍‌ ବୋଲର ଅମିତା ଶର୍ମା। ଅମିତା ଦେଶ ପାଇଁ ୫ ଟେଷ୍ଟ,୧୧୬ ଅନ୍ତର୍ଜାତୀୟ ଦିନିକିଆ ଓ ୪୧ ଟି୨୦ ଖେଳିଛନ୍ତି। ମହିଳା କ୍ରିକେଟର ହାତଗଣତି କେତେଜଣ ବର୍ଦ୍ଧିତ ହାରରେ ମ୍ୟାଚ୍‌ ଫି’ ପାଇବେ। ଏକ୍ଷେତ୍ରରେ ପୂର୍ବତନ ଖେଳାଳି ଓ ଅଧିନାୟିକାମାନେ ଆସନ୍ତା ମହିଳା ଆଇପିଏଲ୍‌କୁ ଗେମ୍‌ ଚେଞ୍ଜର ରୂପେ ଦେଖିବାକୁ ଚାହୁଁଛନ୍ତି। ପୁରୁଷ ଓ ମହିଳା ମ୍ୟାଚ ଫି’କୁ ସମାନ କରାଯାଇଥିବାରୁ ବିସିସିଆଇକୁ ବଧେଇ ଜଣାଇଛନ୍ତି ଭାରତୀୟ ମହିଳା କ୍ରିକେଟର ପୂର୍ବତନ ଅଧିନାୟିକା ଡାଏନା ଇଦୁଲ୍‌ଜୀ। ମହିଳା ଆଇପିଏଲ୍‌ ଆସୁଛି। ଏଥିରେ ଜାତୀୟ ଖେଳାଳିଙ୍କ ବ୍ୟତୀତ ବହୁ ଘରୋଇ ଖେଳାଳି ଅଂଶଗ୍ରହଣ କରିବେ। ବହୁ ଖେଳାଳିଙ୍କର ହୁଏତ ଭାଗ୍ୟରେ ପରିବର୍ତ୍ତନ ଘଟିପାରେ। ପାରିଶ୍ରମିକ ବୃଦ୍ଧି ଦ୍ୱାରା ସେମାନଙ୍କଠାରୁ ଅଧିକ ପ୍ରତ୍ୟାଶା ରହିବା ସ୍ବାଭାବିକ। ଖେଳାଳିମାନେ ସେମାନଙ୍କ ପ୍ରଦର୍ଶନରେ ଉନ୍ନତି ଆଣିବା ଲାଗି ଚେଷ୍ଟିତ ହେବେ। ମହିଳା ଆଇପିଏଲ୍‌ର ପ୍ରଥମ ସଂସ୍କରଣରେ ଅତି କମ୍‌ରେ ୫ଟି ଦଳ ଭାଗ ନେବେ। ପ୍ରତିଟି ଦଳରେ ୧୮ଜଣ ଲେଖାଏ ଖେଳାଳି ରହିବେ। ତନ୍ମଧ୍ୟରେ ୧୨ ଭାରତୀୟ ଓ ୬ ବିଦେଶୀ ରହିବେ। ମୋଟ ଉପରେ ୬୦ ଜଣ ଘରୋଇ ଖେଳାଳି ଅଂଶଗ୍ରହଣ କରିବେ। ବିସିସିଆଇ ତରଫରୁ ଏ ପର୍ଯ୍ୟନ୍ତ ସର୍ବନିମ୍ନ ବେସ୍‌ ପ୍ରାଇସ୍‌ ଘୋଷଣା କରାଯାଇ ନାହିଁ। କିନ୍ତୁ ଏକ ସିଜନରେ ଜଣେ ଖେଳାଳି ଅତିକମ୍‌ରେ ୫ ଲକ୍ଷ ଟଙ୍କା ଆୟ କରିପାରିବ, ଯଦିଓ ଏହା ଆଇପିଏଲ୍‌ ରାଶି ସହ ତୁଳନୀୟ ନୁହେଁ। ଜଣେ ଘରୋଇ ମହିଳା କ୍ରିକେଟର ୧୦ ହଜାର ଟଙ୍କାରୁ ୨୦,୦୦୦ ଟଙ୍କା ପର୍ଯ୍ୟନ୍ତ ଉପାର୍ଜନ କରିପାରିବ, ଯାହାକି ବଡ଼ ଫରକ ଆଣିଦେଇପାରିବ। ମହିଳା ଆଇପିଏଲ୍‌ ଗେମ୍‌ ଚେଞ୍ଜର ହେବ ବୋଲି ଅନ୍ୟ ଜଣେ ପୂର୍ବତନ ଅଧିନାୟିକା ଶାନ୍ତା ରଙ୍ଗାସ୍ବାମୀ କହିଛନ୍ତି। ବିସିସିଆଇର ଏହା ଏକ ଐତିହାସିକ ନିଷ୍ପତ୍ତି ବୋଲି ପୂର୍ବତନ ଅଧିନାୟିକା ମିଥାଲି ରାଜ ପ୍ରକାଶ କରିଛନ୍ତି। ମହିଳା କ୍ରିକେଟ ପାଇଁ ଶୁଭ ଲକ୍ଷଣ। ଦେଶରେ ମହିଳା କ୍ରିକେଟରଙ୍କ ସଂଖ୍ୟା ବୃଦ୍ଧି ପାଇବ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଭାରତ ବିପକ୍ଷରେ ଶ୍ରୀଲଙ୍କାର ନୂଆ ଚାଲ୍‌: ବଡ଼ ଅସ୍ତ୍ର କରିବ ପ୍ରୟୋଗ

କଲମ୍ବୋ,୨୫।୭: ଭାରତ ଏବଂ ଶ୍ରୀଲଙ୍କା ମଧ୍ୟରେ ଟି-୨୦ ସିରିଜ ଜୁଲାଇ ୨୭ରୁ ଆରମ୍ଭ ହେଉଛି। ଏହାପୂର୍ବରୁ ଉଭୟ ଦଳ ପ୍ରସ୍ତୁତି ଆରମ୍ଭ କରିଛନ୍ତି। ଶ୍ରୀଲଙ୍କା ଦଳର...

ମହିଳା ତୀରନ୍ଦାଜ: କ୍ୱାର୍ଟର ଫାଇନାଲରେ ମହିଳା ଟିମ୍

ନୂଆଦିଲ୍ଲୀ,୨୫।୭: ପ୍ୟାରିସ ଅଲମ୍ପିକ୍ସରେ ଭାରତ ଏହାର ଅଭିଯାନ ତୀରନ୍ଦାଜରେ ବିଜୟ ସହିତ ଆରମ୍ଭ କରିଛି। ଆୟୋଜକ ଫ୍ରାନ୍ସ ସହିତ ଭାରତର କିଛି ସମୟ କଡ଼ା ପ୍ରତିଯୋଗିତା...

ହିଟ୍‌ଲର୍‌ଙ୍କ ଅଫ୍‌ରକୁ ପ୍ରତ୍ୟାଖ୍ୟାନ କରିଥିଲେ ଧ୍ୟାନଚାନ୍ଦ: ଜାଣନ୍ତୁ କ’ଣ ଥିଲା ସେହି ଅଫର୍‌

ନୂଆଦିଲ୍ଲୀ,୨୫।୭: ଭାରତୀୟ ହକି କିମ୍ବଦନ୍ତୀ ତଥା ଯାଦୁଗର ମେଜର ଧ୍ୟାନଚାନ୍ଦ ଅଲିମ୍ପିକ୍ସରେ ଭାରତ ୩ଟି ସ୍ବର୍ଣ୍ଣ ପଦକ ଜିତିଥିଲେ। ଭାରତୀୟ କ୍ରୀଡ଼ାରେ ଧ୍ୟାନଚାନ୍ଦଙ୍କର ବହୁତ ଅବଦାନ...

ଟିମ୍‌ ଇଣ୍ଡିଆରେ ‘ସୁନୀଲ ନରେନ’ଙ୍କ ଏଣ୍ଟ୍ରି, ଗମ୍ଭୀର ନେଲେ ବଡ଼ ନିଷ୍ପତ୍ତି…

ନୂଆଦିଲ୍ଲୀ,୨୫।୭: ଟିମ୍‌ ଇଣ୍ଡିଆର କୋଚ୍‌ ହେବା ପରେ ଆଇପିଏଲ୍‌ ଭଳି ରଣନୀତି ଆପଣାଇବାକୁ ଯାଉଛନ୍ତି ଗୌତମ ଗମ୍ଭୀର। ଏବେ ସେ ଏଭଳି ଜଣେ ଖେଳାଳିଙ୍କୁ ଖୋଜିବାରେ...

ଭାରତ ବିପକ୍ଷ ସିରିଜ୍‌ ପୂର୍ବରୁ ଶ୍ରୀଲଙ୍କାକୁ ଲାଗିଲା ବଡ଼ ଝଟ୍‌କା

ନୂଆଦିଲ୍ଲୀ,୨୫।୭: ଭାରତ ଏବଂ ଶ୍ରୀଲଙ୍କା ମଧ୍ୟରେ ଏକ ତିନି ମ୍ୟାଚ ବିଶିଷ୍ଟ ଟି-୨୦ ସିରିଜ ଖେଳାଯିବ। ଏହି ସିରିଜ ପୂର୍ବରୁ ଶ୍ରୀଲଙ୍କା ଦୁଇଟି ବଡ଼ ଝଟ୍‌କା...

ଅଲମ୍ପିକ୍ସ ଖେଳିବେ ବିଧାୟିକା; ବାପା-ମା’ ଥିଲେ ଏମପି

ନୂଆଦିଲ୍ଲୀ,୨୫।୭: ଚଳିତ ଅଲମ୍ପିକ୍ସ ଗେମ୍ସ ଫ୍ରାନ୍ସର ରାଜଧାନୀ ପ୍ୟାରିସରେ ୨୬ ଜୁଲାଇରୁ ୧୧ ଅଗଷ୍ଟ ପର୍ଯ୍ୟନ୍ତ ଅନୁଷ୍ଠିତ ହେଉଛି। ପ୍ୟାରିସ ଅଲମ୍ପିକ୍ସ ପାଇଁ ଭାରତର ୧୧୭...

ଅଲିମ୍ପିକ୍ସର ଅତୁଟ ରେକର୍ଡ

ବିଶ୍ୱର ସର୍ବୋଚ୍ଚ କ୍ରୀଡ଼ା ପ୍ରତିଯୋଗିତା ଅଲିମ୍ପିକ୍ସର ୩୩ତମ ସଂସ୍କରଣ ଆୟୋଜନ ପାଇଁ ପ୍ୟାରିସ ପ୍ରସ୍ତୁତ। ‘ସିଟି ଅଫ୍‌ ଲାଇଟ୍ସ’ ଉପରେ ଏବେ ସମଗ୍ର ବିଶ୍ୱର ନଜର।...

ପ୍ରଥମ ଭାରତୀୟ ମହିଳା ଭାବେ ପୁଣି ଏହି ଦାୟିତ୍ୱ ନେଲେ ନୀତା ଅମ୍ବାନୀ

ପ୍ୟାରିସ, ୨୫ା୭: ପ୍ୟାରିସ ଅଲିମ୍ପିକ୍ସ ଉଦ୍‌ଘାଟନୀ ପୂର୍ବରୁ ଏଠାରେ ଅନୁଷ୍ଠିତ ଅନ୍ତର୍ଜାତୀୟ ଅଲିମ୍ପିକ କମିଟି (ଆଇଓସି)ର ୧୪୨ତମ ଅଧିବେଶନରେ ଭାରତର ଅଗ୍ରଣୀ ଫିଲାନ୍‌ଥ୍ରୋପିଷ୍ଟ ତଥା ରିଲାଏନ୍ସ...

Advertisement
Mettle Meet 2024

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri