ମହିଳା କ୍ରିକେଟ୍‌ର ଘରୋଇ କାର୍ଯ୍ୟସୂଚୀ
9:41 amAugust 9, 2022August 9, 2022

ନୂଆଦିଲ୍ଲୀ, ୯ା୮ : ଆଇସିସି ମହିଳା ଟି୨୦ ବିଶ୍ୱକପ୍‌ ୨୦୨୩ ଫେବୃୟାରୀରେ ଦକ୍ଷିଣ ଆଫ୍ରିକାରେ ଅନୁଷ୍ଠିତ ହେବ। ଅକ୍ଟୋବର ୧୧ରେ ସିନିୟର ମହିଳା ଟି୨୦ ଟ୍ରଫି ସହ ମହିଳା କ୍ୟାଲେଣ୍ଡର ଆରମ୍ଭ ହେବ। ଏହା ନଭେମ୍ବର ୫ରେ ଶେଷ ହେବ। ପରେ ସିନିୟର ମହିଳା ଇଣ୍ଟର-ଜୋନାଲ ଟି୨୦ ଓ ଟି୨୦ ଚ୍ୟାଲେଞ୍ଜର ଖେଳାଯିବ। ପରେ ୫୦ ଓଭର ଫର୍ମାଟ୍‌ରେ ସିନିୟର ମହିଳା ଦିନିକିଆ ଏବଂ ଇଣ୍ଟର-ଜୋନାଲ ଦିନିକିଆ ଖେଳାଯିବ। ଉଭୟ ସିନିୟର ମହିଳା ଇଣ୍ଟର-ଜୋନାଲ ଟି୨୦ ଏବଂ ଦିନିକିଆ ଏହି ସିଜନରେ ପୁନଃ ପ୍ରଚଳିତ ହେବ। ବୋର୍ଡ ତରଫରୁ ପ୍ରଥମେ ୧୬ ବର୍ଷରୁ କମ୍‌ସ୍ତରରେ ବାଳିକାମାନଙ୍କ ଲାଗି ଏକ ଦିନିକିଆ ଟୁର୍ନାମେଣ୍ଟ ହେବ। ଆସନ୍ତା ଜାନୁୟାରୀରେ ଦକ୍ଷିଣ ଆଫ୍ରିକାରେ ୧୯ ବର୍ଷରୁ କମ୍‌ ମହିଳା ଟି୨୦ ବିଶ୍ୱକପ୍‌ର ପ୍ରଥମ ସଂସ୍କରଣ ଆୟୋଜନ ହେବ। ଦେଶରେ ୧୯ ବର୍ଷରୁ କମ୍‌ ମହିଳା ଟି୨୦ ଟ୍ରଫି ଏବଂ ୧୯ ବର୍ଷରୁ କମ୍‌ ମହିଳା ଟି୨୦ ଚ୍ୟାଲେଞ୍ଜର ଅକ୍ଟୋବର ୧ରୁ ନଭେମ୍ବର ୭ ପର୍ଯ୍ୟନ୍ତ କରାଯିବା ଲାଗି ଧାର୍ଯ୍ୟ କରାଯାଇଛି।