ଫୁଲବାଣୀ ଅଫିସ/ଟିକାବାଲି, ୭ା୧୧:କନ୍ଧମାଳ ଜିଲା ଟିକାବାଲି ମୁଖ୍ୟାଳୟରେ ପାନୀୟ ଜଳର ଘୋର ସମସ୍ୟା ା ଆଜି ଯାଏ ଲୋକଙ୍କୁ ଠିକ୍ ଭାବେ ପାନୀୟ ଜଳ ମିଳୁ ନାହିଁ ା ଏ ନେଇ ସ୍ଥାନୀୟ ଲୋକେ ବିଭାଗୀୟ ଅଧିକାରୀଙ୍କଠାରୁ ବ୍ଲକ ପ୍ରଶାସନ ଯାଏ ଯେତେ ଅଭିଯୋଗ କରି ଆସୁଥିଲେ ହେଁ କିଛି ସୁଫଳ ମିଳୁନାହିଁ ା ଫଳରେ ରବିବାର ବଙ୍ଗଳାସାହି, ଖଦଳ ସାହିର ମହିଳାମାନେ ଉତ୍ତ୍ୟକ୍ତ ହୋଇ ରାସ୍ତା ଅବରୋଧ କରିଛନ୍ତି।
ଇଙ୍ଗଳାସାହି ଏବଂ ଖଦଳ ସାହିରେ ଆଜକୁ ୧୫ ଦିନ ହେବ ପାଇପ ଯୋଗେ ପାନୀୟ ଜଳ ମିଳୁନାହିଁ ା ସାହିରେ ଥିବା ନଳକୂପ ଦୀର୍ଘ ଦିନ ହେଲା ଅଚଳ ହେଇପଡିଛି। ଏହି ସମସ୍ୟା ବିଷୟରେ କିଛି ଦିନ ପୂର୍ବରୁ ସାହି ବାସୀନ୍ଦା ଗୋଷ୍ଠୀ ଉନ୍ନୟନ ଅଧିକାରୀ, ପାନୀୟ ଜଳ ଯୋଗାଣ ଏବଂ ପରିମଳ ବିଭାଗ କନିଷ୍ଠ ଯନ୍ତ୍ରୀ, ସ୍ଥାନୀୟ ସରପଞ୍ଚଙ୍କ ପାଖରେ ଅଭିଯୋଗ କରିଥିଲେ ମଧ୍ୟ କୌଣସି ପଦକ୍ଷେପ ନିଆଗଲା ନାହିଁ ା ଫଳରେ ଲୋକେ ବାଧ୍ୟ ହୋଇ ରାସ୍ତା ଅବରୋଧ କରିଥିଲେ। ଗୋଷ୍ଠୀ ଉନ୍ନୟନ ଅଧିକାରୀ ମନୋଜ କୁମାର ପାଢି ଘଟଣାସ୍ଥଳରେ ପହଞ୍ଚତ୍ ଲୋକଙ୍କ ସହ ଆଲୋଚନା କରିଥିଲେ। ଏଥିସହ ପଞ୍ଚାୟତ ନିର୍ବାହୀ ଅଧିକାରୀ ଏବଂ ପାନୀୟ ଜଳ ବିଭାଗ ଯନ୍ତ୍ରୀଙ୍କୁ ଡାକି ଲୋକେ କିପରି ପାଣି ପାଇବେ ତାହାର ବନ୍ଦୋବସ୍ତ କରିଥିଲେ। ଏହାପରେ ଧାରଣା ହଟିଥିଲା ା
