ଆଜିକାଲି ଲୋକଙ୍କ ପାଇଁ କିଛି ବି ଜିନିଷ କିଣିବା ସହଜ ହୋଇପଡ଼ିଛି। କାରଣ ଆମ ହାତରେ ଥିବା ଛୋଟ ଫୋନ୍ଟିଏ ଜରିଆରେ ସମସ୍ତ କାମ କରି ହେଉଛି। ଆଗେ ଯେଉଁଠି ଛୋଟ ଜିନିଷଟିଏ ପାଇଁ ଆମକୁ ବଜାର ଯିବାକୁ ପଡୁଥିଲା. ଏବେ ଗୋଟିଏ କ୍ଲିକ୍ରେ ଘରେ ଆସି ଜିନିଷ ପହଞ୍ଚୁଛି।
ଜଣେ ମହିଳା ଅନ୍ଲାଇନ୍ ଅର୍ଡର ଜରିଆରେ ଏକ ଜୋତା ମଗାଇଥିଲେ। କିନ୍ତୁ କମ୍ପାନୀ ଏହା ଡେଲିଭର ହେବାକୁ ୮୦୩ ଦିନରେ ପହଞ୍ଚିବ ବୋଲି କହିଥିଲା। ଏହି ଅଜବ ଘଟଣା ଆର୍ୟଲାଣ୍ଡର। କେରି କିନ୍ସେଲା ନାମକ ଜଣେ ମହିଳା ତାଙ୍କ ଟୁଇଟରରେ ଏହାକୁ ଶେୟାର କରିଛନ୍ତି, ସେ ସ୍କ୍ରିନ୍ଶଟ୍ ଶେୟାର କରି କ୍ୟାପଶନ ଲେଖିଛନ୍ତି, ‘ମୋ ପ୍ରିୟ ବନ୍ଧୁ, ଅନ୍ଲାଇନ୍ ଶପିଂ ସାଇଟ୍ ଏଏସ୍ଓଏସ୍ରୁ ନ୍ୟୁ ଓ୍ବେଲେନ୍ସର ସ୍ନିକର୍ସ ଅର୍ଡର କରିଥିଲି। ମାତ୍ର ଏହା ୮୦୩ ଦିନରେ ଡେଲିଭର ହେବ। ସେ କେବଳ ଏକ ପାର୍ଶଲ ପାଇଁ୨୬ ମାସ ଅପେକ୍ଷା କରିବେ। ଏହା ଏବେ ସୋସିଆଲ ମିଡିଆରେ ଭାଇରାଲ ହେଉଛି। ଟୁଇଟରରେ ୟୁଜରମାନେ ଏହି ପୋଷ୍ଟକୁ ପସନ୍ଦ କରିବା ସହ ଭିନ୍ନ ଭିନ୍ନ କମେଣ୍ଟ ଦେଉଛନ୍ତି। ଏହା ପରେ କମ୍ପାନୀ ତା’ର ପ୍ରତିକ୍ରିୟା ରଖିଛି। କମ୍ପାନୀ ପକ୍ଷରୁ କୁହାଯାଇଛି, ଟେକ୍ନିକାଲ କାରଣରୁ ଏପରି ହୋଇଛି। ଅର୍ଡର ଖୁବ୍ଶୀଘ୍ର ପହଞ୍ଚିଯିବ।
