ମସ୍କୋ: ଭଲପାଇବା କେତେବେଳେ କାହା ସହିତ ହେବ ତାହା କହିବା କଷ୍ଟ। ନିକଟରେ ଏପରି ଏକ ଭଲପାଇବା ଦେଖିବାକୁ ମିଳିଛି, ଯାହା ଶୁଣିବାକୁ ଆଶ୍ଚର୍ଯ୍ୟ ଲାଗିଲେ ମଧ୍ୟ ଏଭଳି ଘଟିଛି। ଜଣେ ମହିଳା ତାଙ୍କ ୩୧ ବର୍ଷର ପାଳିତ ପୁଅକୁ ବିବାହ କରିଥିବା ବିଷୟ ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଛି।
ରିପୋର୍ଟ ମୁତାବକ, ଡାନିଏଲ ଚିଜହେଭସ୍କାଏଙ୍କୁ ଯେତେବେଳେ ୧୪ ବର୍ଷ ବୟସ ହୋଇଥିଲା, ସେତେବେଳେ ରୁଷିଆର ୫୩ ବର୍ଷୀୟା ସଙ୍ଗୀତକାର ଆଶ୍ଲୁ ଚିଜହେଭସ୍କାୟା ମିଙ୍ଗାଲିମ୍ ତାଙ୍କୁ ପାଳିଥିଲେ। ଆଶ୍ଲୁ ଡାନିଏଲଙ୍କୁ ଏକ ଅନାଥାଶ୍ରମରେ ଦେଖିବା ପରେ ତାଙ୍କୁ ପୁଅ କରିଥିଲେ। ସେତେବେଳେ ସେ ଡାନିଏଲଙ୍କୁ ଗୀତ ଶିଖାଉଥିଲେ। ପରେ ଡାନିଏଲଙ୍କୁ ଘରକୁ ଆଣିବା ପରେ ଦୁହିଁଙ୍କ ମଧ୍ୟରେ ଭଲପାଇବା ଆରମ୍ଭ ହେବାକୁ ଲାଗିଥିଲା। ଡାନିଏଲଙ୍କ ବ୍ୟତୀତ ଆଶ୍ଲୁ ଆଉ ୫ ଜଣଙ୍କୁ ମଧ୍ୟ ଅନାଥଶ୍ରମରୁ ଆଣିଥିଲେ। ଆଶ୍ଲୁ ଏବଂ ଡାନିଏଲ୍ଙ୍କ ବିବାହ ପରେ ଅନାଥାଶ୍ରମ ଉକ୍ତ ୫ଜଣଙ୍କୁ ଆଶ୍ଲୁଙ୍କ ପାଖରୁ ନେଇଯାଇଥିବା ଜଣାପଡ଼ିଛି।
