ୱାଶିଂଟନ: ସ୍ବାମୀ-ସ୍ତ୍ରୀଙ୍କ ସମ୍ପର୍କ ପ୍ରେମ ଓ ଭରସାରେ ବନ୍ଧା ହୋଇଥାଏ। ଯଦି ସେମାନଙ୍କ ମଧ୍ୟରେ କୌଣସି ପ୍ରକାର ମତଭେଦ ହୁଏ, ସେଥିରେ ସମ୍ପର୍କ ଭାଙ୍ଗିବାର ସମ୍ଭାବନା ରହିଥାଏ। ଆମେରିକାର ଜଣେ ମହିଳାଙ୍କ ବିବାହ ମଧ୍ୟ ଏପରି କିଛି କାରଣ ଯୋଗୁ ଭାଙ୍ଗିବାକୁ ବସିଥିଲା। ଏହା ସମାଧାନ ପାଇଁ ମହିଳା ଏକ ଅଜବ ରାସ୍ତା ବାହାର କରିଥିବା ଜଣାପଡିଛି। ମହିଳାଙ୍କ ମୁହଁ ସହ ମିଶୁଥିବା ଅନ୍ୟ ଜଣଙ୍କୁ ଖୋଜି ଆଣି ସ୍ବାମୀଙ୍କ ଗର୍ଲଫ୍ରେଣ୍ଡ କରିଛନ୍ତି। ରିପୋର୍ଟ ମୁତାବକ, ଏପରି ଘଟଣା ନ୍ୟୁୟର୍କର ଲଙ୍ଗ୍ ଦ୍ୱୀପରେ ଦେଖିବାକୁ ମିଳିଛି। ତେହେମିନା କ୍ୱିନ୍ଟାନା ଏବଂ ବ୍ରିୟନ୍ତ କ୍ୱିନ୍ଟାନା ସ୍ବାମୀ-ସ୍ତ୍ରୀ ଅଟନ୍ତି। ହେଲେ ବ୍ରିୟନ୍ତଙ୍କୁ ଅନେକ ସମୟରେ ଅନ୍ୟ ଝିଅମାନେ ପସନ୍ଦ ଆସିଥାନ୍ତି। ବର୍ତ୍ତମାନ ଦୁହିଁଙ୍କ ବିବାହକୁ ୩ ବର୍ଷ ହୋଇଥିବାବେଳେ ବ୍ରିୟନ୍ତଙ୍କ ଅନ୍ୟ ଝିଅ ସହ ସମ୍ପର୍କ ଥିବା ତେହେମିନା ଜାଣିବାକୁ ପାଇଥିଲେ। ବ୍ରିୟନ୍ତଙ୍କୁ ତେହେମିନା ଅଧିକ ଭଲ ପାଉଥିବାବେଳେ ସେ ତାଙ୍କଠାରୁ ଅଲଗା ହେବାକୁ ଚାହଁୁ ନ ଥିଲେ। ସେଥିପାଇଁ ସେ ଚିନ୍ତା କଲେ କି ତାଙ୍କ ବିବାହକୁ ଓପନ ମ୍ୟାରେଜ୍ କରିବେ। ଯେଉଁଥିରେ ତାଙ୍କ ଦୁହଁିଙ୍କ ମଧ୍ୟରେ ତୃତୀୟ ବ୍ୟକ୍ତି ସାମିଲ ହୋଇପାରିବ। ସେଥିପାଇଁ ତେହେମିନା ବ୍ରିୟନ୍ତଙ୍କ ପାଇଁ ସୋସିଆଲ ମିଡିଆରେ ନିଜ ମୁହଁ ସହ ମିଶୁଥିବା ଝିଅଙ୍କୁ ଖୋଜିବା ଆରମ୍ଭ କଲେ। କାରଣ ସେ ଚାହୁଁ ନ ଥିଲେ କି ବ୍ରିୟନ୍ତ ଅନ୍ୟ କୌଣସି ମହିଳାଙ୍କ ପାଖକୁ ଯାଆନ୍ତୁ। ସେତେବେଳେ ତାଙ୍କୁ ଅଷ୍ଟ୍ରେଲିଆର ଜଣେ ମଡେଲ କାଏରା ଜନସନ୍ ମିଳିଗଲେ। କାଏରା ମଧ୍ୟ ଏହି ଟ୍ରିପଲ୍ ମ୍ୟାରେଜ୍ ପାଇଁ ରାଜି ହୋଇ ଅଷ୍ଟ୍ରେଲିଆରୁ ଆମେରିକା ଚାଲିଆସିଲେ। ଏବେ ସେମାନେ ଏକାଠି ମିଳି ମିଶି ରହୁଛନ୍ତି। ଯେତେବେଳେ ଦୁଇ ମହିଳା ଏକାଠି ବାହାରକୁ ଯାଆନ୍ତି, ତାଙ୍କୁ ସମସ୍ତେ ଯାଅଁାଳା ଉଭଣୀ ବୋଲି କୁହନ୍ତି।
