Posted inଜାତୀୟ

ଦେଶଦ୍ରୋହ ଆଇନ ହଟାଉନ କାହିଁକି

ନୂଆଦିଲ୍ଲୀ,୧୬ା୭:ଭାରତରେ ଉପନିବେଶବାଦ ଅମଳର କଠୋର ଦେଶଦ୍ରୋହ ଆଇନର ବ୍ୟାପକ ଦୁରୁପଯୋଗକୁ ନେଇ ଗୁରୁବାର ସୁପ୍ରିମକୋର୍ଟ ଚିନ୍ତାବ୍ୟକ୍ତ କରିଛନ୍ତି। ମହାମତ୍ା ଗାନ୍ଧୀଙ୍କ ଭଳି ସ୍ବାଧୀନତା ସଂଗ୍ରାମୀଙ୍କ ବିରୋଧରେ ବ୍ରିଟିଶ୍‌ ସରକାର ଏହି ପୁରୁଣାକାଳିଆ ଆଇନକୁ ଅସ୍ତ୍ର ରୂପେ ବ୍ୟବହାର କରୁଥିଲେ। ବର୍ତ୍ତମାନର କେନ୍ଦ୍ର ସରକାର ଅନେକ ଆଇନକୁ ଉଚ୍ଛେଦ କରୁଥିବାବେଳେ ଏହାକୁ କାହିଁକି ହଟାଉନାହାନ୍ତି ବୋଲି ଗୁରୁବାର ସର୍ବୋଚ୍ଚ ଅଦାଲତ ପ୍ରଶ୍ନ କରିଛନ୍ତି।
ଏଡିଟର୍ସ ଗିଲ୍ଡ ଅଫ୍‌ ଇଣ୍ଡିଆ ଏବଂ ପୂର୍ବତନ ସେନା ମେଜର ଜେନେରାଲ ଏସ୍‌.ଜି. ଭୋମ୍ବାତ୍‌କେରେଙ୍କ ପକ୍ଷରୁ ଭାରତୀୟ ଦଣ୍ଡବିଧି ଆଇନ (ଆଇପିସି) ଧାରା ୧୨୪(ଏ) (ଦେଶଦ୍ରୋହ)ର ସାମ୍ବିଧାନିକ ବୈଧତାକୁ ଚ୍ୟାଲେଞ୍ଜ କରାଯାଇଥିଲା। ଭାରତର ପ୍ରଧାନ ବିଚାରପତି (ସିଜେଆଇ) ଏନ୍‌.ଭି. ରମନାଙ୍କ ଅଧ୍ୟକ୍ଷତାରେ ଗଠିତ ତିନିଜଣିଆ ଖଣ୍ଡପୀଠ ସେମାନଙ୍କ ପିଟିଶନଗୁଡ଼ିକୁ ଗ୍ରହଣ କରି ଉକ୍ତ ଆଇନର ସମୀକ୍ଷା ପାଇଁ ରାଜି ହୋଇଛନ୍ତି। ଭିଡିଓ କନ୍‌ଫରେନ୍ସ ଜରିଆରେ ଶୁଣାଣି କରି ଖଣ୍ଡପୀଠ ଆଇପିସି ୧୨୪ (ଏ)ର ଅପବ୍ୟବହାରକୁ ନେଇ ଉଦ୍‌ବେଗ ପ୍ରକାଶ କରିବା ସହ କେନ୍ଦ୍ର ସରକାରଙ୍କୁ ନୋଟିସ କରିଛନ୍ତି। ଏଥିରେ ଥିବା ଜାମିନ-ବିହୀନ ବ୍ୟବସ୍ଥା ଅନୁସାରେ ଘୃଣା ସୃଷ୍ଟି କରୁଥିବା କିମ୍ବା ଅବମାନନା ଅଥବା ଭାରତୀୟ ଆଇନ ଦ୍ୱାରା ପ୍ରତିଷ୍ଠିତ ସରକାରଙ୍କ ବିରୋଧରେ ଅସନ୍ତୋଷ ବ୍ୟକ୍ତ କରୁଥିବା ଯେକୌଣସି ଅଭିବ୍ୟକ୍ତି ଓ ପରିପ୍ରକାଶ ଏକ ଅପରାଧ। ଏଭଳି ଅପରାଧ ଘଟାଉଥିବା ବ୍ୟକ୍ତିଙ୍କୁ ସର୍ବାଧିକ ଆଜୀବନ କାରାଦଣ୍ଡର ବ୍ୟବସ୍ଥା ରହିଛି। ତେଣୁ ଆମେ ଆଟର୍ନି ଜେନେରାଲ କେ.କେ. ବେଣୁଗୋପାଳଙ୍କୁ କିଛି ପ୍ରଶ୍ନ କରିବାକୁ ଚାହୁଁଛୁ। ଏହା ଏକ ପୁରୁଣାକାଳିଆ ଆଇନ, ଯାହାକୁ ସ୍ବାଧୀନତା ଆନ୍ଦୋଳନ ବେଳେ ମହାମତ୍ା ଗାନ୍ଧୀ, ଗୋପାଳକୃଷ୍ଣ ଗୋଖଲେ ଓ ଅନ୍ୟମାନଙ୍କୁ ଚୁପ୍‌ କରାଇବା ଲାଗି ବ୍ରିଟିଶ ସରକାର ବ୍ୟବହାର କରୁଥିଲେ। ଦେଶ ସ୍ବାଧୀନତା ପାଇବାର ୭୫ ବର୍ଷ ପରେ ମଧ୍ୟ ଏହାର କି ପ୍ରାସଙ୍ଗିକତା ରହିଛି ବୋଲି ଜଷ୍ଟିସ୍‌ ଏ.ଏସ୍‌. ବୋପାନ୍ନା ଏବଂ ହୃଷୀକେଶ ରାୟ ସାମିଲ ଥିବା ଖଣ୍ଡପୀଠ ପ୍ରଶ୍ନ କରିଛନ୍ତି। ସେହିପରି ସୂଚନା ପ୍ରଯୁକ୍ତିବିଦ୍ୟା ଆଇନ ଧାରା ୬୬ଏ’ର ଅବତାରଣା କରି ଖଣ୍ଡପୀଠ କହିଛନ୍ତି, ଜଣେ ବଢ଼େଇ ଗଛ କାଟୁ କାଟୁ ପୂରା ଜଙ୍ଗଲକୁ କାଟିଦେବା ସହ ଏହାକୁ ତୁଳନା କରାଯାଇପାରେ। ଏହାର ବ୍ୟାପକ ଦୁରୁପଯୋଗ କରାଯାଉଥିବାରୁ ସୁପ୍ରିମକୋର୍ଟ ବହୁ ପୂର୍ବରୁ ଏହାକୁ ଖାରଜ କରିଦେଇଥିଲେ। ଏଭଳି ଦଣ୍ଡବିଧାନ ବ୍ୟବସ୍ଥାକୁ ନେଇ ଜଣେ ଗୋଷ୍ଠୀବାଦୀ ଅନ୍ୟ ଗୋଷ୍ଠୀଙ୍କ ବିରୋଧରେ ମାମଲା ରୁଜୁ କରିପାରିବେ। ଯଦି ଏକ ନିର୍ଦ୍ଦିଷ୍ଟ ପକ୍ଷ ବା ଜଣେ ବ୍ୟକ୍ତି ଲୋକଙ୍କ ସ୍ବରକୁ ଶୁଣିବାକୁ ଚାହିଁବେ ନାହିଁ ତେବେ ସେମାନେ ଏହି ଆଇନକୁ ଅନ୍ୟମାନଙ୍କ ବିରୋଧରେ ଲଗାଇବା ଆଶଙ୍କା ରହୁଛି। କେନ୍ଦ୍ର ସରକାର ଅନେକ ଆଇନକୁ ଉଚ୍ଛେଦ କରୁଛନ୍ତି। ଏହାକୁ କାହିଁକି ହଟାଉନାହାନ୍ତି ବୋଲି ଖଣ୍ଡପୀଠ ପ୍ରଶ୍ନ କରିଛନ୍ତି। ତେବେ ରାଷ୍ଟ୍ର କିମ୍ବା ସରକାରଙ୍କୁ ଦୋଷ ଦିଆଯାଉ ନାହିଁ। କାର୍ଯ୍ୟକାରୀ କରୁଥିବା ସଂସ୍ଥାଗୁଡ଼ିକ ଏଭଳି ଆଇନଗୁଡ଼ିକର ଦୁରୁପଯୋଗ କରୁଛନ୍ତି। ସେମାନଙ୍କ କୌଣସି ଉତ୍ତରଦାୟିତ୍ୱ ରହୁନାହିଁ। ଏକ ଗାଁରେ ଯଦି ଜଣେ ପୋଲିସ ଅଧିକାରୀ ଜଣେ ବ୍ୟକ୍ତିଙ୍କୁ ଫସାଇବାକୁ ଚାହିଁବେ ତେବେ ସେ ଏଭଳି ଆଇନକୁ ନେଇ ତାହା ସହଜରେ କରିପାରିବେ। ଦେଶଦ୍ରୋହ ମାମଲାଗୁଡ଼ିକରେ ଦୋଷୀ ସାବ୍ୟସ୍ତ ହେବା ହାର ଅତି ନିମ୍ନ ରହିଛି। ତେଣୁ ଏହି ପ୍ରସଙ୍ଗଗୁଡ଼ିକ ଉପରେ ନିଷ୍ପତ୍ତି ନିଆଯିବା ଆବଶ୍ୟକ। ଜଷ୍ଟିସ୍‌ ୟୁ.ୟୁ. ଲଳିତଙ୍କ ଅଧ୍ୟକ୍ଷତାରେ ଗଠିତ ଅନ୍ୟ ଏକ ଖଣ୍ଡପୀଠ ଏକ ଅନୁରୂପ ପିଟିଶନର ଶୁଣାଣି କରୁଛନ୍ତି। ଜୁଲାଇ ୨୭ରେ ଏହାର ଶୁଣାଣି ପାଇଁ ଦିନ ଧାର୍ଯ୍ୟ କରାଯାଇଛି ବୋଲି ଅଦାଲତଙ୍କୁ ଅବଗତ କରାଯିବାରୁ ସିଜେଆଇ ରମନା କହିଥିଲେ, ଏହି ପ୍ରସଙ୍ଗରେ ବୁଝି ଶୁଣାଣି ପାଇଁ ତାରିଖ ସ୍ଥିର କରାଯିବ।
କେନ୍ଦ୍ର ସରକାରଙ୍କ ପକ୍ଷରୁ ପ୍ରତିନିଧିତ୍ୱ କରୁଥିବା ଆଟର୍ନି ଜେନେରାଲ କେ.କେ. ବେଣୁଗୋପାଳ ଏଭଳି ନିୟମଗୁଡ଼ିକ ସପକ୍ଷରେ ଯୁକ୍ତି ବାଢ଼ିଥିଲେ। କହିଥିଲେ, ଏହାକୁ ଆଇନରେ ରହିବାକୁ ଦିଆଯାଉ। କୋର୍ଟ ଚାହିଁଲେ ଏହାର ଦୁରୁପଯୋଗ ରୋକିବା ପାଇଁ ଗାଇଡ୍‌ଲାଇନ୍‌ ଜାରି କରିପାରିବେ। ଏଡିଟର୍ସ ଗିଲ୍ଡ ପକ୍ଷରୁ ମାମଲା ପରିଚାଳନା କରୁଥିବା ବରିଷ୍ଠ ଆଇନଜୀବୀ ଶ୍ୟାମ ଦିଓ୍ବାନ କହିଥିଲେ, ଆଇପିସିର ଧାରା ୧୨୪ଏ(ଦେଶଦ୍ରୋହ)ର ସାମ୍ବିଧାନିକ ବୈଧତାକୁ ଚ୍ୟାଲେଞ୍ଜ କରି ସାମ୍ବାଦିକଙ୍କ ସଙ୍ଗଠନ ପକ୍ଷରୁ ଏକ ପୃଥକ ପିଟିଶନ ଦାଏର କରାଯାଇଛି। ଉକ୍ତ ଆବେଦନକୁ ବର୍ତ୍ତମାନର ପିଟିଶନ ସହ ସଂଲଗ୍ନ କରାଯାଇଛି। ଏଡିଟର୍ସ ଗିଲ୍ଡ କେବଳ ଏହାର ବୈଧତାକୁ ଚ୍ୟାଲେଞ୍ଜ କରିନାହିଁ, ଦୁରୁପଯୋଗ ରୋକିବା ପାଇଁ ମଧ୍ୟ ଗାଇଡ୍‌ଲାଇନ୍‌ ପ୍ରସ୍ତୁତ କରିବାକୁ ଦାବି କରିଛି।


Enter your email to get our daily news in your inbox.

All Right Reserved By Dharitri.Com

ଉତ୍ତରପ୍ରଦେଶରେ ଅନର କିଲିଂ

ଶାହାଜାହାନ୍‌ପୁର,୮।୧୦ : ହାଥ୍‌ରସ ଗଣବଳାତ୍କାର ଓ ହତ୍ୟା ଘଟଣା ପରେ ପୁଣି ଉତ୍ତରପ୍ରଦେଶରେ ଏକ ଲଜ୍ଜାକର ଘଟଣା ଘଟିଛି। ରାଜ୍ୟର ଶାହାଜାହାନ୍‌ପୁର ଜିଲାରେ ଜଣେ ଦଳିତ...

କରୋନା ସହିତ ଲଢ଼େଇ ପାଇଁ କୋଟିଏ ୨୪ ଲକ୍ଷ ଯୋଦ୍ଧା ପ୍ରସ୍ତୁତ

ନୂଆଦିଲ୍ଲୀ,୨୦।୪: ଭାରତରେ କରୋନା ସଂକ୍ରମଣ ରୋକିବା ଲାଗି ସରକାରଙ୍କ ପକ୍ଷରୁ ଲକ୍‌ଡାଉନ୍‌ ସମୟ ସୀମାକୁ ମେ ୩ ପର୍ଯ୍ୟନ୍ତ ବୃଦ୍ଧି କରାଯାଇଛି। ସେହିପରି କରୋନା ସହିତ...

ଜେଏନ୍‌ୟୁ ହିଂସା: ତଥ୍ୟ ସୁରକ୍ଷିତ ରଖିବାକୁ ଫେସ୍‌ବୁକ୍‌-ହ୍ବାଟସ୍‌ଆପ୍‌-ଆପଲ-ଗୁଗୁଲକୁ ହାଇକୋର୍ଟ ପକ୍ଷରୁ ନୋଟିସ୍‌ ଜାରି

ନୂଆଦିଲ୍ଲୀ,୧୩।୧: ଜେଏନ୍‌ୟୁ ହିଂସା ମାମଲାରେ ତଥ୍ୟ ସୁରକ୍ଷିତ ରଖିବାକୁ ଦିଲ୍ଲୀ ହାଇକୋର୍ଟ ପକ୍ଷରୁ ଫେସ୍‌ବୁକ୍‌-ହ୍ବାଟସ୍‌ଆପ୍‌-ଆପଲ-ଗୁଗୁଲକୁ ନୋଟିସ୍‌ ଜାରି କରାଯାଇଛି। ୩ ଜଣ ପ୍ରଫେସର ସିସିଟିଭି ତଥ୍ୟକୁ...

ଚନ୍ଦ୍ରର ନିକଟତର ହେଲା ଲ୍ୟାଣ୍ଡର୍‌

ଚେନ୍ନାଇ: ଚନ୍ଦ୍ରଯାନ-୨ ଅର୍ବିଟରରୁ ପ୍ରଥମ ମୁନ୍‌ ଲ୍ୟାଣ୍ଡର ବିକ୍ରମ ଅଲଗା ହେବା ପରେ ମଙ୍ଗଳବାର ପ୍ରଥମ ଓ ବୁଧବାର ଦ୍ୱିତୀୟ ଡି-ଅର୍ବିଟାଲ ଅପରେଶନ ସକାଳ ୩...

ଗୁଜରାଟରେ ଏକ୍ସଇ ଭାରିଆଣ୍ଟ ଆକ୍ରାନ୍ତ ଚିହ୍ନଟ

ନୂଆଦିଲ୍ଲୀ,୯।୪: ଗୁଜୁରାଟରେ କରୋନା ଭୂତାଣୁର ନୂଆ ଏକ୍ସଇ ଭାରିଆଣ୍ଟ ମାମଲା ଚିହ୍ନଟ ହୋଇଛି। ଗୁଜରାଟର ଜଣେ ବ୍ୟକ୍ତି ଏକ୍ସଇ ଭାରିଆଣ୍ଟରେ ସଂକ୍ରମିତ ହୋଇଥିବା ସରକାରୀ ସୂତ୍ରରୁ...

ଫେସ୍‌ବୁକ୍‌, ଟୁଇଟର ଅଧିକାରୀଙ୍କୁ ସମନ

ନୂଆଦିଲ୍ଲୀ, ୧୮।୧: ସୋସିଆଲ ମିଡିଆ କମ୍ପାନୀ ଫେସ୍‌ବୁକ୍‌ ଓ ଟୁଇଟର୍‌ର ଅଧିକାରୀମାନଙ୍କୁ ସୂଚନା ପ୍ରଯୁକ୍ତି ସମ୍ପର୍କିତ ସଂସଦୀୟ କମିଟି ରବିବାର ସମନ ଜାରି କରିଛି। ସେମାନଙ୍କୁ...

ମୁଖ୍ୟମନ୍ତ୍ରୀଙ୍କ ଘୋଷଣା: କୋଭିଡ୍‌ ଅନାଥ ପିଲାଙ୍କୁ ପ୍ରତିମାସରେ ମିଳିବ ୧୫୦୦ ଟଙ୍କା

ପାଟନା,୩୦।୫: କରୋନା ମହାମାରୀରେ ମାଆବାପାଙ୍କୁ ହରାଇ ଅନାଥ ହୋଇଥିବା ପିଲାମାନଙ୍କ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କେତେକ କଲ୍ୟାଣକାରୀ ଯୋଜନା ଘୋଷଣା କରିଛନ୍ତି। ରବିବାର ବିହାର...

ଆର୍ଥିକ ଦୁର୍ବଳ ଶ୍ରେଣୀର ଲୋକଙ୍କୁ ରାଶନ କାର୍ଡ ଦିଅ

ନୂଆଦିଲ୍ଲୀ,୩।୬: ବାସହୀନ, ଜରି ଗୋଟାଳି, ହକର ଏବଂ ରିକ୍ସା ଚାଳକଙ୍କ ଭଳି ସମାଜର ଆର୍ଥତ୍କ ଦୁର୍ବଳ ଶ୍ରେଣୀର ଲୋକଙ୍କୁ ଚିହ୍ନଟ କରି ଜାତୀୟ ଖାଦ୍ୟ ନିରାପତ୍ତା...

Advertisement
Archives

Model This Week