ୱାଶିଂଟନ ଡିସି,୨୬।୪: ଆମେରିକାର ରାଜଧାନୀ ୱାଶିଂଟନ ଡିସିରେ ଆୟୋଜିତ ପ୍ରତିଷ୍ଠିତ ‘ହ୍ବାଇଟ ହାଉସ କରେସପଣ୍ଡେଣ୍ଟସ ଡିନର’ କାର୍ଯ୍ୟକ୍ରମରେ ଏକ ଭୟଙ୍କର ଗୁଳିକାଣ୍ଡ ଘଟିଛି। ଏହି ଉଚ୍ଚସ୍ତରୀୟ କାର୍ଯ୍ୟକ୍ରମରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ, ପ୍ରଥମ ମହିଳା ମେଲାନିଆ ଟ୍ରମ୍ପ ଏବଂ ଉପ-ରାଷ୍ଟ୍ରପତି ଜେଡି ଭେନ୍ସଙ୍କ ସମେତ ଅନେକ କ୍ୟାବିନେଟ ମନ୍ତ୍ରୀ ଉପସ୍ଥିତ ଥିଲେ। ସୌଭାଗ୍ୟବଶତଃ ସମସ୍ତେ ସୁରକ୍ଷିତ ଭାବେ ବାହାରି ଆସିଛନ୍ତି।
ସୂଚନା ଅନୁଯାୟୀ, ୱାଶିଂଟନର ହିଲଟନ ହୋଟେଲରେ ଏହି କାର୍ଯ୍ୟକ୍ରମ ଚାଲିଥିବା ବେଳେ ଜଣେ ଆତତାୟୀ ସୁରକ୍ଷା ବଳୟ ଭାଙ୍ଗି ଭିତରକୁ ପ୍ରବେଶ କରିବାକୁ ଚେଷ୍ଟା କରିଥିଲା। ସେଠାରେ ମୁତୟନ ଥିବା ସିକ୍ରେଟ ସର୍ଭିସ ଏଜେଣ୍ଟଙ୍କ ଉପରକୁ ସେ ଗୁଳି ଚଳାଇଥିଲା। ଗୁଳି ଶବ୍ଦ ଶୁଣିବା ମାତ୍ରେ ସୁରକ୍ଷା କର୍ମୀମାନେ ରାଷ୍ଟ୍ରପତି ଓ ଅନ୍ୟ ସଦସ୍ୟଙ୍କୁ ଘେରି ଯାଇଥିଲେ ଏବଂ ତୁରନ୍ତ ସୁରକ୍ଷିତ ସ୍ଥାନକୁ ନେଇଯାଇଥିଲେ।
New media post from Donald J. Trump
( Donald J. Trump – TS: Apr 25 2026, 10:29 PM ET ) pic.twitter.com/BoGayJyQZH
— Commentary: Trump Truth Social Posts On X (@TrumpTruthOnX) April 26, 2026
ସୁରକ୍ଷା ଏଜେନ୍ସି ଏହି ଘଟଣାରେ କୋଲ ଥୋମାସ ଆଲେନ (Cole Thomas Allen) ନାମକ ଜଣେ ୩୦/୩୧ ବର୍ଷୀୟ ଯୁବକକୁ ଗିରଫ କରିଛି। ସେ କାଲିଫର୍ଣ୍ଣିଆର ବାସିନ୍ଦା ଏବଂ ପେଶାରେ ଜଣେ ଇଞ୍ଜିନିୟର ବୋଲି ଜଣାପଡ଼ିଛି। ତାଙ୍କ ନିକଟରୁ ସଟଗନ, ହ୍ୟାଣ୍ଡଗନ ଏବଂ ଅନେକ ଛୁରୀ ଜବତ କରାଯାଇଛି।
BREAKING: First photo of White House Correspondents’ Dinner shooter in custody pic.twitter.com/lpQiWLXOE5
— Rapid Report (@RapidReport2025) April 26, 2026
ଆଲେନ ମୁଖ୍ୟ ପ୍ରବେଶ ଦ୍ୱାର ନିକଟରେ ଥିବା ମ୍ୟାଗ୍ନେଟୋମିଟର ଆଡକୁ ଦୌଡ଼ିଥିଲେ ଏବଂ ଜଣେ ଅଧିକାରୀଙ୍କ ଉପରକୁ ଗୁଳି ଚଳାଇଥିଲେ। ତେବେ ବୁଲେଟପ୍ରୁଫ ଜ୍ୟାକେଟ ଯୋଗୁ ସୁରକ୍ଷା କର୍ମୀ ଜଣକ ରକ୍ଷା ପାଇଯାଇଛନ୍ତି। ଆଶ୍ଚର୍ଯ୍ୟର କଥା ଯେ, ଅଭିଯୁକ୍ତ ଜଣକ ସେହି ହୋଟେଲରେ ଜଣେ ଅତିଥି ଭାବେ ରହିଥିଲେ।
🇺🇸 Reported image of the White House Correspondents Dinner shooter. pic.twitter.com/71lIDTDtXu
— Commentary: Trump Truth Social Posts On X (@TrumpTruthOnX) April 26, 2026
ଘଟଣା ପରେ ରାଷ୍ଟ୍ରପତି ଟ୍ରମ୍ପ ନିଜ ସୋସିଆଲ ମିଡିଆ ପ୍ଲାଟଫର୍ମରେ ସୁରକ୍ଷା ଏଜେନ୍ସିମାନଙ୍କର ଖୁବ ପ୍ରଶଂସା କରିଛନ୍ତି। ସେ ସେହି ସମୟର CCTV ଫୁଟେଜ ଏବଂ ଆତତାୟୀ ତଳେ ପଡ଼ିଥିବାର ଫଟୋ ମଧ୍ୟ ଶେୟାର କରିଛନ୍ତି। ସେ କହିଛନ୍ତି “ସିକ୍ରେଟ ସର୍ଭିସ ଏବଂ ଆଇନ ପ୍ରୟୋଗକାରୀ ସଂସ୍ଥାମାନେ ଚମତ୍କାର କାମ କରିଛନ୍ତି। ସେମାନେ ଅତ୍ୟନ୍ତ ସାହସର ସହ ଆକ୍ରମଣକାରୀକୁ କାବୁ କରିଛନ୍ତି। ଶୋ’ ଚାଲୁ ରହିବା ଦରକାର (LET THE SHOW GO ON)।”
ସିକ୍ରେଟ ସର୍ଭିସ ଏବଂ ମେଟ୍ରୋପଲିଟାନ ପୋଲିସ ବିଭାଗ ମିଳିତ ଭାବେ ଏହି ଘଟଣାର ତଦନ୍ତ କରୁଛନ୍ତି। ବର୍ତ୍ତମାନ ପରିସ୍ଥିତି ନିୟନ୍ତ୍ରଣରେ ଅଛି ଏବଂ କାର୍ଯ୍ୟକ୍ରମ ସ୍ଥଳକୁ ସମ୍ପୂର୍ଣ୍ଣ ସୁରକ୍ଷିତ ଘୋଷଣା କରାଯାଇଛି। ଆମେରିକା ରାଷ୍ଟ୍ରପତିଙ୍କ ଉପରେ ଏହି ସମ୍ଭାବ୍ୟ ଆକ୍ରମଣ ପରେ ବିଶ୍ୱବ୍ୟାପୀ ଚାଞ୍ଚଲ୍ୟ ଖେଳିଯାଇଛି।
