ଓ୍ବାଶିଂଟନ/ବେଜିଂ,୧୩।୩: କରୋନା ଭୂତାଣୁର ଲିକ୍ ନେଇ ଆରୋପ ପ୍ରତ୍ୟାରୋପ ଜାରି ରହିଛି। ଏନେଇ ଚାଇନାକୁ ଦୋଷୀ ବୋଲି ସଭତଏଁ କହୁଛନ୍ତି। ତେବେ ଏଥିପାଇଁ ଆମେରିକା ଏବଂ ଚାଇନା ଉପରେ ଅଙ୍ଗୁଳି ଉଠିବା ଆରମ୍ଭ ହୋଇଛି। ଚାଇନାର ଉହାନ ଲ୍ୟାବରୁ ଏହା ଲିକ୍ ହୋଇଥିବା କୁହାଯାଉଛି। ତେବେ ଏହା ଅସାବଧାନତାରୁ ହୋଇଥିବା ଚର୍ଚ୍ଚା ହେଉଛି। କିନ୍ତୁ ଆମେରିକା ଉହାନ ଲ୍ୟାବରେ ଏହି ଗବେଷଣା ପାଇଁ ଅର୍ଥ ଯୋଗାଇ ଦେଇଥିଲା। ଆମେରିକାର ଗଣମାଧ୍ୟମର ପରବର୍ତ୍ତୀ ଅନୁସନ୍ଧାନରୁ ଜଣାପଡିଛି ଯେ ଉହାନ ଲ୍ୟାବକୁ ଜେନେଟିକ ଇଞ୍ଜିନିୟରିଂ ପରୀକ୍ଷଣ ପାଇଁ ଆମେରିକା ସରକାର ଆର୍ଥିକ ଅନୁଦାନ ଦେଇଥିଲେ।
ରାଷ୍ଟ୍ରପତିଙ୍କ ସ୍ବତନ୍ତ୍ର ସ୍ବାସ୍ଥ୍ୟ ପରାମର୍ଶଦାତା ତଥା କାର୍ଯ୍ୟଭାର ଗ୍ରହଣ କରିଥିବା ସିଡିସିର ନିର୍ଦ୍ଦେଶକ ଡକ୍ଟର ଆନ୍ଥୋନୀ ଫୌସି ଏହାକୁ ସର୍ବସାଧାରଣରେ ସ୍ବୀକାର କରିଥିଲେ। ଲାବୋରେଟୋରୀ ଅଫ ଇମ୍ୟୁନୋରେଗୁଲେଶନର ଦୀର୍ଘ ଦିନର ମୁଖ୍ୟ ତଥା ରୋଗ ପ୍ରତିରୋଧକ ତଥା ମଧ୍ୟସ୍ଥି ତଥା ସଂକ୍ରାମକ ରୋଗର ଚିକିତ୍ସା ଉପରେ ମୌଳିକ ତଥା କ୍ଲିନିକାଲ ଅନୁସନ୍ଧାନରେ ଅନେକ ଅବଦାନ ରଖିଥିବା ଫୌସି ଦୀର୍ଘ ଦିନର ନିର୍ଦ୍ଦେଶକ ଭାବରେ ଫାୟାରିଂ ଲାଇନରେ ଅନ୍ତର୍ଭୁକ୍ତ ହୋଇ ନ ଥିଲେ। ଫଳରେ କରୋନା ମହାମାରୀ ପାଇଁ କିଏ ଦାୟୀ ସେ ନେଇ ନାନା ପ୍ରଶ୍ନ ଉଠିବାରେ ଲାଗିଛି। ଗବେଷଣା ପାଇଁ ଟଙ୍କା ଦେଇଥିବା ଦେଶ ଏଥିପାଇଁ ଦାୟୀ ନା ଲ୍ୟାବରେ ଲିକ୍ କରିଥିବା ଦେଶ ଦୋଷୀ ସେନେଇ ତର୍କ ଆରମ୍ଭ ହୋଇଛି।
ଅପର ପକ୍ଷରେ ଚାଇନା ମୁଣ୍ଡରେ ଦୋଷ ଲଦିବା ପାଇଁ ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କ ସରକାର କରୋନା ଉତ୍ପତ୍ତି ବିଷୟରେ ଜନସାଧାରଣଙ୍କୁ ସୂଚନା ଦେବା ପାଇଁ ନ୍ୟାଶନାଲ ଇଣ୍ଟେଲିଜେନ୍ସ ନିର୍ଦ୍ଦେଶକ ଆବଶ୍ୟକ କରୁଥିବା ଏକ ବିଲ ପାରିତ କରିଥିଲେ।
କରୋନା ଉତ୍ପତ୍ତି ବିଷୟରେ ସୂଚନା ଏବଂ ଏହାକୁ ଚାଇନାର ଲ୍ୟାବ ସହିତ ସଂଯୋଗ କରୁଥିବା ସୂଚନା ସର୍ବସମ୍ମତି କ୍ରମେ ୪୧୯ ଭୋଟରେ ଗୃହରେ ପାରିତ ହୋଇଥିଲା। ଯେଉଁଥିରେ ୧୬ ଜଣ ସଦସ୍ୟ ମତଦାନ କରି ନ ଥିଲେ। ମିଡିଆ ରିପୋର୍ଟରେ କୁହାଯାଇଛି ଯେ ସିନେଟ ଗତ ସପ୍ତାହରେ ସର୍ବସମ୍ମତି କ୍ରମେ ଏହି ପଦକ୍ଷେପ ଗ୍ରହଣ କରିଛି। ସେ ଏହି ଆଇନରେ ଦସ୍ତଖତ କରିବେ କି ବୋଲି ପଚରାଯାଇଥିବା ବେଳେ ବାଇଡେନ ଗଣମାଧ୍ୟମକୁ କହିଛନ୍ତି: ମୁଁ ଏପର୍ଯ୍ୟନ୍ତ ନିଷ୍ପତ୍ତି ନେଇ ନାହିଁ।
