ସୁଖ ଶାନ୍ତିରେ ରହିବାକୁ କିଏ ବା ନ ଚାହେଁ। ସେଥିପାଇଁ କିଏ କେତେ ପ୍ରକାରର ପ୍ରୟାସ କରିଥାନ୍ତି। ତେବେ ବାସ୍ତୁଶାସ୍ତ୍ର ଅନୁଯାୟୀ, ଘରେ ଓ୍ବାଟର୍ ଫାଉଣ୍ଟେନ୍ ରଖିଲେ ବି ଏହାର ଅନେକ ସୁଫଳ ମିଳିଥାଏ। ଆସନ୍ତୁ ଜାଣିବା ଏହାକୁ କେଉଁ ଦିଗରେ ଆଉ କେଉଁ ସ୍ଥାନରେ ରଖିବା ଦରକାର-
* ଯଦି ଘରେ କାହାର ବାରମ୍ବାର ଦେହ ଖରାପ ହେଉଥାଏ କିମ୍ବା ଘରେ ଆର୍ଥିକ ଦୁରବସ୍ଥା ଲାଗି ରହୁଥାଏ, ତା’ହେଲେ ଘରର ବାଲକୋନିରେ ଗୋଟିଏ ଓ୍ବାଟର୍ ଫାଉଣ୍ଟେନ୍ ଆଣି ରଖିଲେ ଏସବୁ ସମସ୍ୟାର ସମାଧାନ ଶୀଘ୍ର ହୋଇଯାଏ।
* ସେହିପରି ଏହାକୁ ବାଡି ବଗିଚାରେ ମଧ୍ୟ ରଖିପାରିବେ। କିନ୍ତୁ ମନେ ରଖିବେ ଏହାର ପାଣି ବୋହୁ ଥିବାର ଦିଗଟି ଯେମିିତି ଘର ଆଡକୁ ମୁହଁ କରି ରହିଥିବ। ଏମିତି କଲେ ଘରେ ଧନ ବୃଦ୍ଧି ହେଇଥାଏ ବୋଲି ବିଶ୍ୱାସ କରାଯାଏ। ଆଉ ଯଦି ମୁହଁ ବାହାର ଆଡକୁ ରହିଲା ତା’ହେଲେ ପାଣିର ଧାର ବୋହିଗଲା ଭଳି ଘରେ ଅଧିକ ଖର୍ଚ୍ଚ ହୋଇଥାଏ।
*ତା’ଛଡ଼ା ଘର ଭିତରେ ଏହାକୁ ଉତ୍ତର କିମ୍ବା ଦକ୍ଷିଣ-ପୂର୍ବ ଦିଗରେ ରଖିଲେ କ୍ୟାରିୟର୍ରେ ଉନ୍ନତି ହେବା ସହ ଘରେ ସୁଖ ସମୃଦ୍ଧି ବୃଦ୍ଧି ପାଇଥାଏ।
*ସେହିପରି ଯଦି ସ୍ଥାନ ଅଭାବ ବା ଆର୍ଥିକ ଦୁରବସ୍ଥା ଯୋଗୁ ଆପଣ ଘରେ ଓ୍ବାଟର୍ ଫାଉଣ୍ଟେନ ରଖିପାରୁ ନାହାନ୍ତି, ତା’ହେଲେ ଘରର ଉତ୍ତର-ପୂର୍ବ ଦିଗରେ କୌଣସି ମାଟି ପାତ୍ରରେ କିମ୍ବା ସୁରେଇରେ ପାଣି ଭର୍ତ୍ତି କରି ରଖିଲେ ମଧ୍ୟ ପରିବାର ସଦସ୍ୟଙ୍କର ଭାଗ୍ୟ ବଦଳି ଯାଇଥାଏ।
