ନୂଆଦିଲ୍ଲୀ,୨୫।୪: ରାଜନୀତିର ଚର୍ଚ୍ଚିତ ଚେହେରା ମମତା ବାନାର୍ଜୀ। ଯିଏ ଭାରତୀୟ ରାଜନୀତିର ନିଜ ରାଗ ଓ ଜିଦ ପାଇଁ ମଧ୍ୟ ଜଣାଶୁଣା। ଯଦି ଦିଦି କିଛି କରିବାକୁ ନିଷ୍ପତ୍ତି ନିଅନ୍ତି, ତେବେ ସେ ଏହା ଶେଷ ନ କରିବା ଯାଏଁ ଛାଡନ୍ତି ନାହିଁ। ସେ ଭାରତ ରାଜନୀତି ଇତିହାସରେ ଜଣେ ସଫଳ ମହିଳା ରାଜନେତ୍ରୀ। ଆଜିକୁ ୧୩ବର୍ଷ ଧରି ସେ ପଶ୍ଚିମବଙ୍ଗରେ କ୍ଷମତାରେ ଅଛନ୍ତି। ବେଙ୍ଗଲ, ଯାହା ଏକଦା ବାମ ଦଳର ଗଡ଼ ଥିଲା, ଏବେ ମମତା ତାକୁ ତାଙ୍କ ଦୁର୍ଗରେ ପରିଣତ କରିଛନ୍ତି। ତାଙ୍କର ରାଜନୈତିକ କ୍ୟାରିୟର କଂଗ୍ରେସରୁ ଆରମ୍ଭ ହୋଇଥିଲା, କିନ୍ତୁ ଦିଦିଙ୍କୁ ଏକଲା ଚଲୋରେ ପଥ ଅନୁରଣ କରି ଦଳ ଛାଡିବାକୁ ପଡିଥିଲା। ୧୯୯୮ରେ ାସ ତୃଣମୂଳ କଂଗ୍ରେସ ଗଠନ କରିଥିଲେ। କେବଳ କଂଗ୍ରେସ ନୁହେଁ, ମମତା ଭାରତୀୟ ଜନତା ପାର୍ଟିର ପ୍ରତିଦ୍ୱନ୍ଦ୍ୱୀ ହୋଇଥିଲେ ମଧ୍ୟ ସେ ନେତୃତ୍ୱାଧୀନ ଏନଡିଏ ସରକାରରେ ମନ୍ତ୍ରୀ ମଧ୍ୟ ରହିଛନ୍ତି।
ତେବେ ଉଭୟ ଭାଜପା ଓ କଂଗ୍ରେସ ମମତାଙ୍କ କ୍ରୋଧର ଶିକାର ହୋଇଛନ୍ତି। ଯେତେବେଳେ ମମତା ଅଟଳ ବିହାରୀ ବାଜପେୟୀ ସରକାରରେ ରେଳ ମନ୍ତ୍ରୀ ଥିଲେ, ପ୍ରତିଦିନ କିଛି ସମସ୍ୟାକୁ ନେଇ ବିବାଦ ଘେରକୁ ଆସୁଥିଲେ। ପ୍ରତିଟି କଥାରେ ସେ ଜିଦ ଧରୁଥିଲେ। କେତେବେଳେ ପେଟ୍ରୋଲ-ଡିଜେଲ ଦର ବୃଦ୍ଧି ହେଲେ ଜାତୀୟ ରାଜନୀତିକୁ ଉଠାଇବସାଇ ଦେଉ ନ ଥିଲେ।
ଜାନୁଆରୀ ୨୦୦୧ ପଶ୍ଚିମବଙ୍ଗର ହମିଦ ନାପୁରର ଛୋଟା ଅଙ୍ଗଡିଆ ଅଞ୍ଚଳରେ ହିଂସା ହୋଇଥିଲା। ଏଥିରେ ୧୧ ଟିଏମସି ସମର୍ଥକ ନିହତ ହୋଇଥିଲେ। ସିପିଏମ ବିରୋଧରେ ହିଂସା ଅଭିଯୋଗ ହୋଇଥିଲା। ଏବେଇ ପଶ୍ଚିମବଙ୍ଗର ବାମପନ୍ଥୀ ସରକାରଙ୍କୁ ବରଖାସ୍ତ କରିବାକୁ ମମତା ବାନାର୍ଜୀ ଅଡି ବସିଥିଲେ। କିନ୍ତୁ ବାଜପେୟୀ ସରକାର ଏଥିରେ ସହମତି ହୋଇ ନ ଥିଲେ।
ଏନେଇ ବାଜପେୟୀଙ୍କୁ ଭେଟିବା ପାଇଁ ମମତା ସଙ୍ଗେସଙ୍ଗେ ଦିଲ୍ଲୀରେ ପହଞ୍ଚି ଯାଇଥିଲେ। ସେ ତାଙ୍କ ବ୍ୟାଗରୁ ହାଡ଼ ସ ମଣିଷ ଖପୁରୀ ବାହାର କରି ସବୁକୁ ବାଜପେୟୀଙ୍କ ଟେବୁଲ ଉପରେ ରଖି ଦେଇଥିଲେ। ଯାହାକୁ ଦେଖି ବାଜପେୟୀ ହଠାତ୍ ତାଜୁବ ହୋଇ ଯାଇଥିଲେ। ବାଜପେୟୀ ମମତାଙ୍କ ରାଗକୁ ପ୍ରଶମିତ କରିବା ପାଇଁ କହିଥିଲେ, ଏହା ଏକ ଗୁରୁତର ବିଷୟ। କିନ୍ତୁ ରାଷ୍ଟ୍ରପତିଙ୍କ ଶାସନ ଲାଗୁ କରିବା ଗୃହ ମନ୍ତ୍ରଣାଳୟର କାମ। କେବଳ ତାଙ୍କ ସୁପାରିଶ ଅନୁଯାୟୀ କ୍ୟାବିନେଟ ନିଷ୍ପତ୍ତି ନେବ। ସେଥିପାଇଁ ତୁମେ ଆଡଭାନୀଙ୍କୁ ଭେଟି ଏ ସମ୍ପର୍କରେ ଜଣାଅ।
