ଗୋବରୀ ଫୁଲିଲେ ନାଗପୁରା ପାଟ ବଢୁଛି

କେନ୍ଦ୍ରାପଡ଼ା ଅଫିସ, ୨୩ା୮:କେନ୍ଦ୍ରାପଡ଼ା ଜିଲାରେ ବର୍ଷା ହେଲେ ଗୋବରୀ ନଦୀ ଫୁଲେ। ଏହାର ବନ୍ୟାଜଳ ନାଗପୁରା ପାଟ ଉଜାଡ଼େ। ଏହାକୁ ଦୃଷ୍ଟିରେ ରଖି ପାଟନାଳି ପାଇଁ ବାରମ୍ବାର ଆନ୍ଦୋଳନ ହେଉଛି। ତେବେ ପାଟନାଳି ପାଇଁ ଟଙ୍କା ମଞ୍ଜୁର ସତ୍ତ୍ୱେ ଏହି ପ୍ରକଳ୍ପ କାର୍ଯ୍ୟକାରୀ ହେଲା ନାହିଁ। ଲଗାଣବର୍ଷା ଓ ଗୋବରୀ ବନ୍ୟାଜଳରେ ନାଗପୁରା ପାଟରେ ପାଣି ଜମି ରହିଛି। ପାଟରେ ଚଳିତବର୍ଷ ପାଇଁ ହୋଇଥିବା ଖରିଫ ଧାନ ଓ ପନିପରିବା ଚାଷ ନଷ୍ଟ ହୋଇଛି। ଚାଷୀଙ୍କୁ ଚାଷ ଭରଣା ଆଶା ନ ଥିବା ବେଳେ ଋଣ ଶୁଝିବା ଚିନ୍ତା ଘାରିଛି।
ଏ ସମ୍ପର୍କରେ ଚାଷୀ ଜଗଦୀଶ ପତି, ଫକୀର ଚରଣ ଖଟୁଆ, ରମେଶ ଚନ୍ଦ୍ର ଦାସ, ହୃଷୀକେଶ ନାୟକ, ରାମଚନ୍ଦ୍ର ରାଉତ, ସୁନାକର ପ୍ରଧାନ ପ୍ରମୁଖ କହିଛନ୍ତି, କେନ୍ଦ୍ରାପଡ଼ା ବ୍ଲକ ଓସ୍ତପୁର ପଞ୍ଚାୟତରେ ନାଗପୁର ପାଟ। ୧୯୨ ଏକରରୁ ଊର୍ଦ୍ଧ୍ୱ ଏହି ପାଟର ପୂର୍ବ ଦିଗରେ ସାହସପୁର, ଫୋରଡ ଗ୍ରାମ ଥିବା ବେଳେ ଉତ୍ତର ଦିଗରେ ଗୋବରୀ ନଦୀ ପ୍ରବାହିତ ହେଉଛି। ଦକ୍ଷିଣ ଓ ପଶ୍ଚିମରେ ଦେପୁରା ଓ ନାଗପୁରା ଗ୍ରାମ ରହିଛି। ପାଟଟି ପାଇଁ ଏକ ଘେରିବନ୍ଧ ହୋଇଥିଲେ ମଧ୍ୟ ଗୋବରୀ ନଦୀ ସୀମାରେ କୌଣସି ବନ୍ଧ ନାହିଁ। ଗୋବରୀ ନଦୀ ଜଳରେ ଭରପୂର ହେଲେ ଏହି ପାଟରୁ ପାଣି ଜମିକୁ ମାଡୁଥିବା ବେଳେ ଦୀର୍ଘଦିନ ଧରି ନିଷ୍କାସନ ହୋଇପାରୁନାହିଁ। ଉଦ୍‌ବୃତ୍ତ ବନ୍ୟା ଓ ବର୍ଷାଜଳ ଚାଷ ପାଇଁ ବିପଦ ହୋଇଛି। ଏହାର ନିରାକରଣ ପାଇଁ ବ୍ଲକ ଓ ଜିଲା ପ୍ରଶାସନ ନିକଟରେ ବାରମ୍ବାର ଅଭିଯୋଗ ଓ ଆନ୍ଦୋଳନ କରାଯାଉଛି। ଏଥିସହ ଡ୍ରେନେଜ ବିଭାଗର ବାରମ୍ବାର ଦୃଷ୍ଟି ଆକର୍ଷଣ କରାଯାଇଛି। ଚଳିତବର୍ଷ ଏହି ପାଟରେ ଶତାଧିକ ଚାଷୀ ଖରିଫ ଧାନ ଚାଷ କରିଥିଲେ। ତେବେ ଲଗାଣବର୍ଷା ଓ ଗୋବରୀ ନଦୀର ଜଳ ଚାଷକୁ ସମ୍ପୂର୍ଣ୍ଣ ନଷ୍ଟ କରିଦେଇଛି। ଦୀର୍ଘଦିନ ଧରି ଧାନ ଗଛ ପାଣିରେ ବୁଡି ରହିବା ଯୋଗୁ ଏହା ପଚି ଯାଇଛି। ଉଦ୍‌ବୃତ୍ତ ଜଳ ନିଷ୍କାସନ ପାଇଁ ଏକ ପାଟନାଳି ପ୍ରକଳ୍ପକୁ ଡ୍ରେନେଜ ବିଭାଗରୁ ମଞ୍ଜରୀ ମିଳିଥିବା ଶୁଣିବାକୁ ମିଳିଛି। ପ୍ରକଳ୍ପ କାର୍ଯ୍ୟ ଅଦ୍ୟାବଧି ଆରମ୍ଭ ହୋଇପାରିନାହିଁ। ଜଳସେଚନ ଓ ନିଷ୍କାସନ ପ୍ରତି ଜିଲା ପ୍ରଶାସନ ଧ୍ୟାନ ଦେଉନାହାନ୍ତି। ଚାଷୀ ଚାଷ କରିବା ପରେ ପ୍ରାକୃତିକ ବିପର୍ଯ୍ୟୟର ଶିକାର ହେଉଛନ୍ତି। ଏହାର ସମାଧାନ ନ ହେବା ଚାଷୀଙ୍କ ପାଇଁ କାଳ ହୋଇଛି। ଏବେ ଚାଷ ପାଇଁ ଆଣିଥିବା ଋଣ ଶୁଝିବା ଚିନ୍ତାରେ ଥିବା ସେମାନେ ପ୍ରକାଶ କରିଛନ୍ତି। ଏ ସମ୍ପର୍କରେ ଡ୍ରେନେଜ ବିଭାଗ ଅଧୀକ୍ଷଣ ଯନ୍ତ୍ରୀ ଭ୍ରମରବର ସାମଲଙ୍କୁ ପଚାରିବାରେ ଏଠାରେ ପାଟନାଳି ପାଇଁ ୮୬ ଲକ୍ଷ ଟଙ୍କା ବ୍ୟୟ ମଞ୍ଜୁରୀ ମିଳିଛି। ଏହି ମଞ୍ଜୁରୀ ଗତ ମାର୍ଚ୍ଚରେ ମିଳିଥିବାରୁ ଏହା କାର୍ଯ୍ୟକାରୀ ହୋଇ ପାରିନାହିଁ। ବର୍ଷାଋତୁ ପରେ ଏହି ପାଟନାଳି କାର୍ଯ୍ୟ ଆରମ୍ଭ ହେବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଜୁନାଗଡରେ ଶଟ୍‌ଡାଉନର ପ୍ରଭାବ: ରାସ୍ତାଘାଟ ଖାଁ ଖାଁ

ଜୁନାଗଡ,୧୭।୪(ଡି.ଏନ୍‌.ଏ.): ମହମାରୀ କରୋନା ସଂକ୍ରମଣ ଦିନକୁ ଦିନକୁ ବୃଦ୍ଧି ପାଉଥିବାରୁ ରାଜ୍ୟ ସରକାର ଛତିଶଗଡ଼ ସୀମାବର୍ତ୍ତୀ ୧୦ଟି ଜିଲାର ସହରାଞ୍ଚଳରେ ସପ୍ତାହର ଶନିବାର ଓ ରବିବାର...

ଇସ୍ରୋ ଗଲେ ନବରଙ୍ଗପୁରର ୨ ଛାତ୍ରୀ

ନବରଙ୍ଗପୁର,୪ା୬(ବି.ପ୍ର.)- ନବରଙ୍ଗପୁର ଜିଲାର ୨ ଜଣ ୧୦ମ ଶ୍ରେଣୀ ଛାତ୍ରୀ ଇସ୍ରୋ ଯିବା ପାଇଁ ମନୋନୀତ ହୋଇ ସୋମବାର ଅହମ୍ମଦାବାଦ ଗସ୍ତ କରିଛନ୍ତି। ଛାତ୍ରୀ ୨...

ସୁଅ ମୁହଁରେ ଅଥୟ କଙ୍କଡ଼ାପାଳ

ବାଲିଆପାଳ, ୨୭ା୮(ଡି.ଏନ.ଏ.)-ବାଲେଶ୍ୱର ଜିଲା ବାଲିଆପାଳ ବ୍ଲକ ଚଉମୁଖ ପଞ୍ଚାୟତ କଙ୍କଡାପାଳ ଅଞ୍ଚଳରେ ସୁବର୍ଣ୍ଣରେଖା କୂଳ ଖାଇ ଗତିପଥ ବଦଳାଇବା ପରିସ୍ଥିତି ସୃଷ୍ଟି ହୋଇଛି। ଏ ନେଇ...

କେନାଲ ଜମିରୁ ଜବରଦଖଲ ହଟିଲା

କପ୍ତିପଦା,୧୩ା୯(ଡି.ଏନ.ଏ)- କପ୍ତିପଦା ବ୍ଲକ୍‌ ଅଧୀନ ସୁନେଇ ଜଳ ସେଚନ ବିଭାଗର କେନାଲ ଜମିରୁ ହାଇକୋର୍ଟଙ୍କ ନିର୍ଦ୍ଦେଶ କ୍ରମେ ଗୁରୁବାର ପ୍ରଶାସନ ଜବରଦଖଲ ହଟାଇଛି। ଏହି ଜମିକୁ...

ଜନ୍ମମାଟିରୁ ବାହାରିଲା ଗଙ୍ଗାଧରଙ୍କ ଜ୍ୟୋତିଯାତ୍ରା

ବରଗଡ଼ ଅଫିସ,୧୨।୮: ସ୍ବଭାବ କବି ଗଙ୍ଗାଧର ମେହେରଙ୍କ ଆଜି ୧୬୧ତମ ଜୟନ୍ତୀ। ବିଭିନ୍ନ ସ୍ଥାନରେ ଏହି ସମାରୋହକୁ ଉତ୍ସାହର ସହ ପାଳନ କରାଯାଉଛି। ଏହି ଅବସରରେ...

କରୋନା ଛଡ଼ାଇନେଲା ରଜ ଖୁସି

ଖଜୁରିପଡ଼ା,୧୪ା୬(ଡି.ଏନ.ଏ.)- ଓଡ଼ିଶାର ଗଣପର୍ବ ରଜ ଚଳିତ ବର୍ଷ କରୋନା ଯୋଗୁ ଫିକା ପଡିଛି। ବିଭିନ୍ନ ପ୍ରକାର ପିଠାପଣା ସହ ରଜପାନ ଓ ରଜଦୋଳି ଏହି କୃଷି...

ବାର୍ଷିକ ୭୫ ଲକ୍ଷର ସୂତା ଉତ୍ପାଦନ ହେବ

ଟାଙ୍ଗୀ(କଟକ), ୨୫।୯(ଡି.ଏନ୍‌.ଏ.): ଚୌଦ୍ୱାର ଥାନା ଅଧୀନ କଜଳକଣାସ୍ଥିତ ଇଡ୍‌କୋ ଶିଳ୍ପାଞ୍ଚଳରେ ଟସର ସୂତା ଉତ୍ପାଦନ କେନ୍ଦ୍ର ଶୁକ୍ରବାର ଉଦ୍‌ଘାଟିତ ହୋଇଛି। ଏହାକୁ ମୁଖ୍ୟ ଅତିଥି ଖଦି...

ନନ୍ଦନକାନନ: ୩ ଦିନରେ ୧୨ ଜନ୍ତୁ ମୃତ

ବାରଙ୍ଗ,୨୧ା୩ (ଡି.ଏନ୍‌.ଏ.): ରାଜ୍ୟରେ କରୋନାକୁ ନେଇ ଭୟର ବାତାବରଣ ସୃଷ୍ଟି ହୋଇଥିବାବେଳେ ନନ୍ଦନକାନନରେ ଜୀବଜନ୍ତୁମାନଙ୍କ ମୃତ୍ୟୁହାର କମିବାର ନଁ। ଧରୁ ନାହିଁ। ଗତ ବୁଧବାରଠାରୁ ଶୁକ୍ରବାର...

Advertisement
Archives

Model This Week