ଚେନ୍ନାଇ, ୩୧।୧: ଭାରତ-ଇଂଲଣ୍ଡ ମଧ୍ୟରେ ସିରିଜ ଆରମ୍ଭ ହେବା ପୂର୍ବରୁ ଅତିଥି ଦଳର ଅଲରାଉଣ୍ଡର ମୋଇନ ଅଲ୍ଲୀ ଅଧିନାୟକ ବିରାଟ କୋହଲିଙ୍କୁ ନେଇ ବଡ଼ ମନ୍ତବ୍ୟ ରଖିଛନ୍ତି। ଅଧିନାୟକଙ୍କ ପ୍ରଶଂସା କରି ସେ କହିଛନ୍ତି, ତାଙ୍କ ଦଳ ବିରାଟଙ୍କୁ କିଭଳି ଆଉଟ୍ କରିବ ତାହା ଜାଣେ ନାହିଁ। ସେ ବିଶ୍ୱସ୍ତରୀୟ ମହାନ ଖେଳାଳି। ଅଷ୍ଟ୍ରେଲିଆରେ ଦଳର ଭଲ ପ୍ରଦର୍ଶନ ପରେ ସେ ଏବେ ଆହୁରୀ ଭଲ ଖେଳିବାକୁ ଚାହିଁବ। ଏପରିକି ତାଙ୍କ ବ୍ୟାଟିଂରେ କୌଣସି ଦୁର୍ବଳତା ନାହିଁ। ଇଂଲଣ୍ଡର ବୋଲିଂ ଭଲ। ଦ୍ରୁତ ବୋଲର୍ମାନେ ବିରାଟଙ୍କୁ ଆଉଟ୍ କରିବାକୁ ପ୍ରଚେଷ୍ଟା କରିବେ ବୋଲି ସେ କହିଛନ୍ତି।
ପ୍ରକାଶ ଯେ, ପିତା ହେବାକୁ ଯାଉଥିବାରୁ ବିରାଟ ଅଷ୍ଟ୍ରେଲିଆ ଗସ୍ତ ଅଧାରୁ ଘରକୁ ଫେରି ଆସିଥିଲେ। ଇଂଲଣ୍ଡ ବିପକ୍ଷ ସିରିଜ୍ରେ ସେ ଦଳକୁ ପ୍ରତ୍ୟାବର୍ତ୍ତନ କରୁଛନ୍ତି। ଅପରପକ୍ଷେ ମୋଇନ୍ ନିଜର ୨୦୦ ଉଇକେଟ ଲକ୍ଷ୍ୟ ହାସଲ କରିବାକୁ ଆଶା ରଖିଥିବା ପ୍ରକାଶ କରିଛନ୍ତିି।
