ଉମରକୋଟ,୧୪ା୩(ସ୍ବ.ପ୍ର.): ପୌର ନିର୍ବାଚନକୁ ନେଇ ଏବେ ଉମରକୋଟ ପୌରାଞ୍ଚଳ ଚଳଚଞ୍ଚଳ ରହିଛି। କାଉନ୍ସିଲର ପ୍ରାର୍ଥୀମାନେ ଘରକୁ ଘର ଯାଇ ଭୋଟରଙ୍କୁ କୋଳେଇ ନେଉଛନ୍ତି। କିନ୍ତୁ ଭୋଟର ଠିକ୍ ସମୟରେ ଆମେ ଉପଯୁକ୍ତ ପ୍ରାର୍ଥୀଙ୍କୁ ଭୋଟ ଦେବୁ ବୋଲି କହୁଛନ୍ତି। ଯିଏ ଓ୍ବାର୍ଡର ବିକାଶ କରିବେ ଏବଂ ଲୋକଙ୍କ ସହ ରହିବେ ଦଳଗତ ନିର୍ବିଶେଷରେ ସେଭଳି ବ୍ୟକ୍ତିତ୍ୱଙ୍କୁ ବାଛିବୁ ବୋଲି କହୁଛନ୍ତି।
ଉମରକୋଟ ପୌର ପରିଷଦର ୧୧ନମ୍ବର ୱାର୍ଡରେ ଭୋଟର ସଂଖ୍ୟା ୧୮୨୧ ରହିଛି। ଚଳିତଥର ଏହି ଓ୍ବାର୍ଡ ସାଧାରଣବର୍ଗଙ୍କ ପାଇଁ ସଂରକ୍ଷିତ। ଏଠାରେ ତିନି ନୂଆ ମୁହଁକୁ ସାମ୍ନା କରୁଛନ୍ତି ଜଣେ ପୁରୁଖା ନେତା। ବିଜେଡିରୁ ଦୁର୍ଗା ଦୀପଙ୍କର ବେହେରା(ଚନ୍ଦନ) ପ୍ରାର୍ଥୀ ଥିବାବେଳେ ଭାଜପାରୁ ସନ୍ତୋଷ ଶର୍ମା, କଂଗ୍ରେସରୁ ସାଇ ନାରାୟଣ ପାଢ଼ୀ(ମୁନା) ଏବଂ ସ୍ବାଧୀନ ଭାବେ ରବୀନ୍ଦ୍ର ସ୍ବାଇଁ ପ୍ରତିଦ୍ବନ୍ଦ୍ୱୀତା କରୁଛନ୍ତି। ୧୧ନମ୍ବର ୱାର୍ଡର ପ୍ରମୁଖ ସମସ୍ୟା ହେଲା ୟୁଭି-୫୨ ଗ୍ରାମରୁ ଉମରକୋଟକୁ ସଂଯୋଗ କରୁଥିବା ରାସ୍ତା ଓ ଚଢ଼େଇଗୁଡ଼ାକୁ ସଂଯୋଗ କରୁଥିବା କେନାଲ। ଏହି କେନାଲ ଉପର ରାସ୍ତା ଏବଂ ୱାର୍ଡରେ ପାଇପ୍ ବିଛା ସରିଥିଲେ ମଧ୍ୟ ପାଣି ଆସୁନାହିଁ। ସେହିପରି ଡ୍ରେନେଜ୍ ବ୍ୟବସ୍ଥା ମଧ୍ୟ ନାହିଁ। ବାର୍ଦ୍ଧକ୍ୟ ଭତ୍ତାରୁ ଅନେକ ହିତାଧିକାରୀ ବଞ୍ଚିତ ରହିଛନ୍ତି। ଶ୍ମଶାନକୁ ଭଲ ରାସ୍ତା ନାହିଁ କି ଆଶ୍ରୟସ୍ଥଳୀ ନାହିଁ। ସେହିପରି ସ୍ବଚ୍ଛତା ଓ୍ବାର୍ଡର ଅନ୍ୟତମ ସମସ୍ୟା ହୋଇଛି।
ଏ ନେଇ କଂଗ୍ରେସ ପ୍ରାର୍ଥୀ ମୁନା କହିଛନ୍ତି, ମୁଁ ରାଜନୀତିରେ ଅଭିଜ୍ଞ। ତଥାପି ବିପକ୍ଷଙ୍କୁ ଦୁର୍ବଳ ମନେ କରୁନାହିଁ। ସବୁବେଳେ ଲୋକଙ୍କ ପାଇଁ ରହିଛି ଏବଂ ଆଗକୁ ମଧ୍ୟ ରହିବି। ଲୋକଙ୍କ ଭତ୍ତା କାର୍ଡ, ରାଶନ କାର୍ଡ, ପାନୀୟ ଜଳ, ରାସ୍ତା ଓ ବିଜୁଳି ଭଳି ଅନେକ ସମସ୍ୟାର ସମାଧାନ ପୂର୍ବରୁ କରିଛି। ୨୦୦୯ ରୁ ୨୦୧୩ ପର୍ଯ୍ୟନ୍ତ ଏହି ୱାର୍ଡରୁ କାଉନସିଲର ଥିଲି। ତେଣୁ ଲୋକେ ମୋତେ ଜାଣିଛନ୍ତି। ଅର୍ଥ ବଳ ନ ଥିଲେ ମଧ୍ୟ ଦୃଢ଼ ମନୋବଳ ରହିଛି। ଜିତିଲେ ଏକ ମାସ ମଧ୍ୟରେ ଉମରକୋଟରୁ ୟୁଭି-୫୨କୁ ସଂଯୋଗ କରୁଥିବା ମୁଖ୍ୟରାସ୍ତା ଓ ଚଢ଼େଇଗୁଡ଼ାକୁ ସଂଯୋଗ କରୁଥିବା କେନାଲ ରାସ୍ତା ତିଆରି କରିବି ବୋଲି ସେ ପ୍ରତିଶ୍ରୁତି ଦେଇଛନ୍ତି। ସେହିପରି ପର୍ଯ୍ୟାୟ କ୍ରମେ ଘରଡିହ ପଟ୍ଟା, ପ୍ରତ୍ୟେକ ଘରକୁ ପାନୀୟ ଜଳ, ବିଜୁଳି ଆଲୁଅର ସୁବିଧା କରିବା ସହ ତୁରନ୍ତ କେନାଲ ରାସ୍ତା ନିର୍ମାଣ ପାଇଁ ଭସ୍କେଲ ଜଳ ଯୋଗାଣ କାର୍ଯ୍ୟାଳୟରେ ଧାରଣା ଦେବି ବୋଲି ସେ କହିଛନ୍ତି। ବିଜେଡି ପ୍ରାର୍ଥୀ ଦୁର୍ଗା କହିଛନ୍ତି, ମୁଁ ରାଜନୀତିରେ ନୂଆ କିନ୍ତୁ ବିଜେଡି ଲୋକଙ୍କ ଦଳ। ୱାର୍ଡବାସୀ ଜିତାଇଲେ ପ୍ରାଥମିକ ସ୍ତରରେ ଭାଲୁଗୁଡ଼ା ସାହି ଭିତର ରାସ୍ତା, ଚଢ଼େଇଗୁଡ଼ାକୁ ସଂଯୋଗ କରୁଥିବା କେନାଲ ରାସ୍ତା, ପାନୀୟ ଜଳ, ଶ୍ମଶାନକୁ ରାସ୍ତା ଓ ବିଶ୍ରାମଗୃହ ସୁବିଧା କରାଯିବ। ପୂର୍ବରୁ କଂଗ୍ରେସ ପ୍ରାର୍ଥୀ କିଛି କରିନାହାନ୍ତି ବୋଲି ସେ କହିଛନ୍ତି। ସେହିପରି ଭାଜପା ପ୍ରାର୍ଥୀ ସନ୍ତୋଷ କହିଛନ୍ତି, ପୂର୍ବ କାଉନ୍ସିଲରମାନେ ଯାହା କରିନାହାନ୍ତି ତାହା ମୁଁ କରିବାକୁ ଚେଷ୍ଟା କରିବି। ଲୋକେ ପରିବର୍ତ୍ତନ ଚାହୁଁଛନ୍ତି। ଭୋଟର ମୋତେ ନିଶ୍ଚୟ ଭୋଟ ଦେବେ ବୋଲି ସେ ଆଶା ରଖିଛନ୍ତି। ସ୍ବାଧୀନ ପ୍ରାର୍ଥୀ ରବୀନ୍ଦ୍ର ମଧ୍ୟ ଲୋକଙ୍କ ପାଖକୁ ମୌଳିକ ସୁବିଧା ପହଞ୍ଚାଇବା ବ୍ୟବସ୍ଥା କରିବି ବୋଲି ପ୍ରତିଶ୍ରୁତି ଦେଇଛନ୍ତି। ସରକାରୀ ଯୋଜନା ଲୋକଙ୍କ ନିକଟରେ ପହଞ୍ଚୁନି। ସ୍ବାଧୀନ ଭାବେ ଲୋକଙ୍କ ନିକଟରେ ତାହା ପହଞ୍ଚାଇବାକୁ ଚେଷ୍ଟା କରିବି ବୋଲି ସେ କହିଛନ୍ତି।
ଧରାପଡ଼ିଲେ କୁଖ୍ୟାତ ଗୋରୁ ମାଫିଆ
ନବରଙ୍ଗପୁର,୧୫।୫: ନବରଙ୍ଗପୁର ପୋଲିସ ଶୁକ୍ରବାର କୁଖ୍ୟାତ ଗୋରୁ ମାଫିଆ ସେକ୍ ଅଜିଜଙ୍କୁ ଧରିବାରେ ସଫଳ ହୋଇଛି। ସେକ୍ ଅଜିଜ ଘରେ ଥିବାବେଳେ ପୋଲିସ ତାଙ୍କୁ ଗିରଫ କରିଛି।…
ପେଟ୍ରୋଲ, ଡିଜେଲ ଅଭାବ: ଲୋକଙ୍କ ଲମ୍ବା ଧାଡ଼ି
ନବରଙ୍ଗପୁର,୬।୫(ସଦାଶିବ ପ୍ରହରାଜ): ପେଟ୍ରୋଲ ଓ ଡିଜେଲ ଆଧୁନିକ ଜୀବନର ମୂଳ ଶକ୍ତିସ୍ରୋତ। ଏହାର ଅଭାବ କେବଳ ଯାତାୟାତକୁ ନୁହେଁ, ଚାଷୀ, ବ୍ୟବସାୟୀ ଓ ସାଧାରଣ ଲୋକଙ୍କ ଦୈନିକ…
କୁଆପଥର ବର୍ଷା ପରେ ଝରିଗାଁରେ ମୃଦୁ ଭୂମିକମ୍ପ
ଝରିଗାଁ,୨୯।୪(କିଶୋର ଚନ୍ଦ୍ର ମଣ୍ଡଳ): ନବରଙ୍ଗପୁର ଜିଲା ଝରିଗାଁ ବ୍ଲକରେ ମୃଦୁ ଭୂମିକମ୍ପ ଝଟକା ଅନୁଭୂତ ହୋଇଛି । ସନ୍ଧ୍ୟା ୭ଟା ୪୨ ମିନିଟ୍ ୨୧ ସେକେଣ୍ଡରେ ଭୂକମ୍ପ…
ହାଜତରେ ଯୁବକଙ୍କ ମୃତ୍ୟୁକୁ ନେଇ ବଢିଲା ଉତ୍ତେଜନା: ଥାନା ଆଗରେ ବସିଛନ୍ତି ପରିବାର ଲୋକେ, ଆଣିଲେ ସାଂଘାତିକ ଅଭିଯୋଗ
ନବରଙ୍ଗପୁର,୨୯।୪(ସଦାଶିବ ପ୍ରହରାଜ): ନବରଙ୍ଗପୁର ଜିଲା ଡାବୁଗାଁ ଥାନା ହାଜତ ଭିତରେ ଗିରଫ ଯୁବକଙ୍କ ମୃତ୍ୟୁ ଘଟଣାକୁ ନେଇ ଏବେ ଉତ୍ତେଜନା ଦେଖାଦେଇଛି। ମୃତ୍ୟୁ ଯୁବକଙ୍କ ପରିବାର ଲୋକେ…
ଥାନାରେ ଆତ୍ମହତ୍ୟା କଲେ ବଳାତ୍କାର ଅଭିଯୁକ୍ତ: ପୋଲିସର କାର୍ଯ୍ୟଦକ୍ଷତା ଉପରେ ଉଠିଲା ପ୍ରଶ୍ନ
ନବରଙ୍ଗପୁର,୨୯।୪(ସଦାଶିବ ପ୍ରହରାଜ)- ନବରଙ୍ଗପୁର ଜିଲା ଡାବୁଗାଁ ଥାନାରେ ଘଟିଛି ଏକ ଅଭାବନୀୟ ଘଟଣା। ଜଣେ ବଳାତ୍କାର ଅଭିଯୁକ୍ତଙ୍କୁ ପୋଲିସ ହେପାଜତରେ ରଖିଥିବା ସମୟରେ ଥାନା ଭିତରେ ହିଁ…
ସେବାଶ୍ରମର ୭ମଶ୍ରେଣୀ ଛାତ୍ରୀଙ୍କୁ ଅସଦାଚରଣ: ପ୍ରଧାନଶିକ୍ଷକଙ୍କୁ ପଡ଼ିଲା ମହଙ୍ଗା
ନବରଙ୍ଗପୁର/ତେନ୍ତୁଳିଖୁଣ୍ଟି, ୨୫।୪,(ସଦାଶିବ ପ୍ରହରାଜ/ଚିଦାନନ୍ଦ ସାହୁ): ନବରଙ୍ଗପୁର ଜିଲା ତେନ୍ତୁଳିଖୁଣ୍ଟି ଥାନା ଅଧୀନ ଏକ ସେବାଶ୍ରମ ବିଦ୍ୟାଳୟର ଜଣେ ୭ମ ଶ୍ରେଣୀ ଛାତ୍ରୀଙ୍କୁ ପ୍ରଧାନଶିକ୍ଷକ ଅସଦାଚରଣ କରିଥିବା ଅଭିଯୋଗ…
ଦୁଇ ବାଇକ୍ ମୁହାଁମୁହିଁ ଧକ୍କା: ଚାଲିଗଲା ୨ ଜୀବନ, ୨ଗୁରୁତର
ଝରିଗାଁ,୨୩।୪(କିଶୋର ଚନ୍ଦ୍ର ମଣ୍ଡଳ): ନବରଙ୍ଗପୁର ଜିଲା ଝରିଗାଁ ଥାନା ଅନ୍ତର୍ଗତ ନୂଆଁଗୁଡ଼ା ଗ୍ରାମ ନିକଟରେ ଦୁଇ ବାଇକ୍ ମୁହାଁମୁହିଁ ଧକ୍କା ହୋଇ ୨ଜଣଙ୍କ ମୃତ୍ୟୁ ହୋଇଥିବା ବେଳେ…
୨ ଦିନ ହେବ ଛାତ୍ରାବାସ ଆସିଥିଲେ ପ୍ରଶାନ୍ତ: ଆଜି ମିଳିଲା ମୃତଦେହ, ଖେଳିଗଲା ଚାଞ୍ଚଲ୍ୟ
ନବରଙ୍ଗପୁର,୧୬।୪(ସଦାଶିବ ପ୍ରହରାଜ): ଛାତ୍ରାବାସରୁ ଜଣେ ଅଷ୍ଟମ ଶ୍ରେଣୀ ଛାତ୍ରଙ୍କ ଝୁଲନ୍ତା ଶବ ଉଦ୍ଧାର କରାଯାଇଛି। ମୃତ୍ୟୁର କାରଣ ଏପର୍ଯ୍ୟନ୍ତ ଅସ୍ପଷ୍ଟ ଥିବାବେଳେ ଏହାକୁ ନେଇ ଅଞ୍ଚଳରେ ଚାଞ୍ଚଲ୍ୟ…
Archives

