କୋଲକତା,୨୨।୮: ଆଫଗାନିସ୍ତାନରେ ତାଲିବାନ ଶାସନର ଆଗମନ ପରେ ସମଗ୍ର ବିଶ୍ୱ ଆଫଗାନିସ୍ତାନ ନାଗରିକଙ୍କ ସହ ସମବେଦନା ଜଣାଉଛି। ବଙ୍ଗଳା ସରକାର ମଧ୍ୟ ଆଫଗାନିସ୍ତାନ ନାଗରିକଙ୍କ ସମ୍ମାନ ଦେବା ପାଇଁ ଏକ ନିଆରା ଉପାୟ ଅବଲମ୍ବନ କରିଛି। ଆଜି ଭାରତରେ ରାଖୀ ପୂର୍ଣ୍ଣିମା ପାଳନ କରାଯାଉଥିବାବେଳେ ଏହି ଉତ୍ସବକୁ ଏକ ରାଜନୈତିକ ବାର୍ତ୍ତା ଭାବରେ ବ୍ୟବହାର କରିଛି ତୃଣମୂଳ କଂଗ୍ରେସ। ଉତ୍ତର ୨୪ ପରଗଣା ଜିଲାର ରରକ୍ଷା ବନ୍ଧନ ଅବସରରେ ଆଫଗାନିସ୍ତାନ ନାଗରିକମାନଙ୍କୁ ମମତା ବାନାର୍ଜୀଙ୍କ ଫଟୋ ଥିବା ରାଖୀ ବନ୍ଧା ଯାଇଥିଲା। କେବଳ ଏତିକି ନୁହେଁ, ଏହି ରାଖୀରେ ‘ଦିଲ୍ଲୀ ଚଲୋ’ର ବାର୍ତ୍ତା ମଧ୍ୟ ଲେଖାଯାଇଥିଲା।
ସୂଚନାଯୋଗ୍ୟ ଯେ, ବଙ୍ଗଳାରେ ବିଧାନସଭା ନିର୍ବାଚନ ଜିତିବା ପରେ ମମତା ବାନାର୍ଜୀ ‘ଦିଲ୍ଲୀ ଚାଲୋ’ ସ୍ଲୋଗାନ ଦେଉଛନ୍ତି। ଖେଲା ହୋବେଙ୍କ ସ୍ଲୋଗାନ ପରେ ତାଙ୍କ ଦଳ ତୃଣମୂଳ କଂଗ୍ରେସ ମଧ୍ୟ କ୍ରମାଗତ ଭାବରେ ‘ଦିଦି ଏବାର ଦିଲୀ ଚଲୋ’ର ସ୍ଲୋଗାନ ଦେଉଛନ୍ତି।
