ହାଇଦ୍ରାବାଦ୍,୧୯।୧: ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଦିନିକିଆରେ ଟିମ ଇଣ୍ଡିଆର ବିଜୟରେ ଯୁବ ଓପନର୍ ଶୁବମାନ ଗିଲ ପ୍ରମୁଖ ଭୂମିକା ଗ୍ରହଣ କରିଥିଲେ। ୨୦୮ ରନ ରେକର୍ଡ ଇନିଂସ ଖେଳି ଗିଲ ଅନେକ ରେକର୍ଡ ସୃଷ୍ଟି କରିଥିଲେ। ୩ ମ୍ୟାଚ ବିଶିଷ୍ଟ ଦିନିକିଆ ସିରିଜରେ ଭାରତ ୧-୦ରେ ଅଗ୍ରଣୀ ହାସଲ କରିଛି। ବୋର୍ଡ ଅଫ କଣ୍ଟ୍ରୋଲ ଫର୍ କ୍ରିକେଟ ଇନ ଇଣ୍ଡିଆ (ବିସିସିଆଇ) ସୋସିଆଲ ମିଡିଆରେ ଏକ ଭିଡିଓ ଶେୟାର କରିଛି। ଭିଡିଓରେ ଟିମ ଇଣ୍ଡିଆର ଅଧିନାୟକ ରୋହିତ ଶର୍ମା ଶୁଭମାନ ଗିଲ ଏବଂ ଇଶାନ କିଶନଙ୍କ ସାକ୍ଷାତକାର ଦେଉଥିବାର ନଜର ଆସିଛନ୍ତି। ଏହି ସମୟରେ ଶୁବମାନ ଗିଲ ଏବଂ ଇଶାନ ଅନେକ ରହସ୍ୟ ଖୋଲିଥିଲେ।
ବିସିସିଆଇ ଏହାର ଅଫିସିଆଲ ଟୁଇଟର୍ ହ୍ୟାଣ୍ଡେଲରେ ଶେୟାର କରିଥିବା ଭିଡିଓରେ ଶୁବମାନ ଗିଲ ଏବଂ ଇଶାନ ରୋହିତଙ୍କ ସହ ମଜା କରୁଥିବା ଦେଖିବାକୁ ମିଳିଛି। ଏହି ସମୟରେ, ଇଶାନ ଗିଲଙ୍କୁ ପଚାରିଥିଲେ ତୁମର ପ୍ରି-ମ୍ୟାଚ ରୁଟିନ କ’ଣ? ଏହା ଉପରେ ରୋହିତ ଇଶାନଙ୍କୁ କହିଥିଲେ ଯେ ତୁମେ କେବଳ କୁହ କାରଣ ତୁମେ ଦୁହେଁ ଏକାଠି ରୁମରେ ରୁହ। ଏହା ଉପରେ ଗିଲ କହିଛନ୍ତି, ମୋର ପ୍ରି-ମ୍ୟାଚ ରୁଟିନ ଏହି ଲୋକ (ଇଶାନ କିଶାନ) ଦ୍ୱାରା ନଷ୍ଟ ହୋଇଯାଏ। କାରଣ ମୋତେ ଶୋଇବାକୁ ଦିଅନ୍ତି ନାହିଁ। ଆଇପ୍ୟାଡ୍ରେ ପୂରା ଭଲ୍ୟୁମରେ ଫିଲ୍ମ ଦେଖିବା ଇଶାନଙ୍କ ଅଭ୍ୟାସ। ସାକ୍ଷାତକାର ସମୟରେ ରୋହିତ ଇଶାନଙ୍କୁ ପଚାରିଥିଲେ, ଦ୍ୱିଶତକ ସ୍କୋର କରିବା ପରେ ତୁମେ ତିନୋଟି ମ୍ୟାଚ ଖେଳି ନାହଁ। ଏହା ଉପରେ ଇଶାନ କହିଥିଲେ ଭାଇ, ତୁମେ ସେନାପତି। ଏହା ଶୁଣି ରୋହିତ ଜୋରରେ ହସିବାକୁ ଲାଗିଲେ।
ହାଇଦ୍ରାବାଦର ରାଜୀବ ଗାନ୍ଧୀ ଷ୍ଟାଡିୟମରେ ଖେଳାଯାଇଥିବା ପ୍ରଥମ ଦିନିକିଆରେ ଶୁଭମାନ ଗିଲ ୧୪୯ ବଲରେ ୨୦୮ ରନର ପାଳି ଖେଳିଥିଲେ। ସେ ତାଙ୍କ ଇନିଂସରେ ୧୯ ଚୌକା ଓ ୯ ଛକା ମାରିଥିଲେ। ଏହାପୂର୍ବରୁ ଡିସେମ୍ବରରେ ବାଂଲାଦେଶ ଗସ୍ତରେ ସିରିଜର ତୃତୀୟ ତଥା ଶେଷ ଦିନିକିଆରେ ଇଶାନ କିଶନ ୧୩୧ ବଲରେ ୨୧୦ ରନ ସଂଗ୍ରହ କରିଥିଲେ।
Double Hundred Club 💯💯
Triple The Fun ✅How excited are you for this interview 😉
Coming 🔜 on https://t.co/Z3MPyeL1t7 ⏳#TeamIndia | #INDvNZ pic.twitter.com/7SYtSzIOb4
— BCCI (@BCCI) January 18, 2023
