ନୂଆଦିଲ୍ଲୀ, ୨୪ା୪ (ପି.ଟି.)-ପୋଲାଣ୍ଡର କିଲ୍ସିଠାରେ ଚାଲିଥିବା ଓ୍ବାଲର୍ଡ ୟୁଥ୍ ବକ୍ସିଂ ଚାମ୍ପିୟନଶିପ୍ରେ ଭାରତ ଶୁକ୍ରବାର ଏହାର ୮ମ ସ୍ବର୍ଣ୍ଣ ଜିତିିଛି। ସଚିନ ସିଓ୍ବାଚ ୫୬କେଜି ଶ୍ରେଣୀରେ ଏହି ପଦକ ହାସଲ କରିଛନ୍ତି। ଫାଇନାଲରେ ସେ କାଜାଖସ୍ତାନର ୟେରବୋଲାଟ ସାବିରଙ୍କୁ ୪-୧ରେ ପରାସ୍ତ କରିଛନ୍ତି। ଗୁରୁବାର ଭାରତର ମହିଳା ବକ୍ସରମାନେ ୭ ସ୍ବର୍ଣ୍ଣ ପଦକ ଜିତିଥିଲେ। ସେମାନେ ହେଲେ ଗୀତିକା (୪୮କେଜି), ବେବିରୋଜିସାନା ଚାନୁ(୫୧କେଜି), ପୁନମ (୫୭କେଜି), ଭିନ୍କା (୬୦କେଜି), ଅରୁନ୍ଧତି ଚୌଧାରୀ (୬୯କେଜି), ଅଲଫିୟା ପଠାନ (୮୧+କେଜି) ଓ ଥୋଖୋମ୍ ସାନାମାଚୁ ଚାନୁ (୭୫କେଜି)। ଫଳରେ ଟୁର୍ନାମେଣ୍ଟରେ ମୋଟ ୧୧ ପଦକ (୮ ସ୍ବର୍ଣ୍ଣ ଓ ୩ ବ୍ରୋଞ୍ଜ) ସହ ଭାରତ ଓଭରଅଲ ଷ୍ଟାଣ୍ଡିଂରେ ଶୀର୍ଷ ସ୍ଥାନ ଅଧିକାର କରିଛି। ଇଭେଣ୍ଟର ୨୦୧୮ ସଂସ୍କରଣରେ ଭାରତ ୨ ସ୍ବର୍ଣ୍ଣ, ୨ ରୌପ୍ୟ ଓ ୩ ବୋଞ୍ଜ ପଦକ ହାସଲ କରିଥିଲା।
