ଦଳ, ବ୍ୟକ୍ତିଗତ ଭାବମୂର୍ତ୍ତି ଦେଖୁଛନ୍ତି ଭୋଟର

ନବରଙ୍ଗପୁର,୯।୨(ବି.ପ୍ର.) ନବରଙ୍ଗପୁର ଜିଲା ଝରିଗାଁ ବ୍ଲକରେ ରହିଛି ୩ ଜିଲା ପରିଷଦ ଜୋନ୍‌। ତିନୋଟି ଜୋନ୍‌ରେ ଭାଜପା, କଂଗ୍ରେସ ଓ ବିଜେଡି ମଧ୍ୟରେ ତ୍ରିମୁଖୀ ପ୍ରତିଦ୍ୱନ୍ଦ୍ୱିତା ହେବ। ଝରିଗାଁ ବ୍ଲକରେ ଏମ୍‌ପି ରମେଶ ଚନ୍ଦ୍ର ମାଝି, ତାଙ୍କ ସାନଭାଇ ତଥା ଝରିଗାଁ ବିଧାୟକ ପ୍ରକାଶ ଚନ୍ଦ୍ର ମାଝି ଗାଁ ଗାଁ ବୁଲି ପ୍ରାର୍ଥୀଙ୍କ ସପକ୍ଷରେ ପ୍ରଚାର କରୁଛନ୍ତି। ଭାଜପା ପକ୍ଷରୁ ପ୍ରାର୍ଥୀମାନେ କେବଳ ଜଣେ ବରିଷ୍ଠ ନେତା ପୂର୍ବତନ ଏମ୍‌ପି ତଥା ରାଜ୍ୟ ଉପସଭାପତି ବଳଭଦ୍ର ମାଝି ଓ ଉମରକୋଟ ବିଧାୟକ ନିତ୍ୟାନନ୍ଦ ଗଣ୍ଡଙ୍କ ସହଯୋଗ ଅପେକ୍ଷାରେ ଅଛନ୍ତି। ପୂର୍ବତନ ଏମ୍‌ପି ପ୍ରଦୀପ ମାଝି କଂଗ୍ରେସରେ ଥିବା ସମୟରେ ଝରିଗାଁ ବ୍ଲକରେ ବ୍ୟକ୍ତିଗତ ପାଇଖାନା ଓ ଏମ୍‌ଜିଏନ୍‌ଆର୍‌ଇଜିଏସ୍‌ ଯୋଜନାରେ ହୋଇଥିବା ଦୁର୍ନୀତିକୁ ନେଇ ବିଜେଡିକୁ ଘେରିଥିଲେ। ସେହିଭଳି ଆମ୍ବ ଟାକୁଆ ଖାଇବା, ଏଯାଏ ୭୭ ଗାଁକୁ ପାଦଚଲା ରାସ୍ତା, ପିଇବା ପାଣି ଓ ଜଙ୍ଗଲ ଜମି ସମସ୍ୟା ନେଇ ପ୍ରଶ୍ନ ଉଠାଇଥିବା ପ୍ରଦୀପ ଏବେ ବିଜେଡିରେ। ଉକ୍ତ ଇସ୍ୟୁଗୁଡିକୁ କଂଗ୍ରେସ ଓ ଭାଜପା ଏବେ ଉଠାଉ ନ ଥିବାରୁ ତାହା ବିଜେଡିକୁ ସୁହାଉଛି। ପ୍ରଦୀପ ଦଳ ପରିବର୍ତ୍ତନ କରିବା ପରେ ଝରିଗାଁ ବ୍ଲକରେ ଥିବା କଂଗ୍ରେସର ଟାଣୁଆ ନେତା ପଦ୍ମନାଭ ପାଣ୍ଡେ, ପୂର୍ବତନ ବ୍ଲକ ଅଧ୍ୟକ୍ଷ ପ୍ରସନ୍ନ ମାଝି ବିଜେଡିରେ ସାମିଲ ହୋଇଗଲେ। ବିଗତ ନିର୍ବାଚନଗୁଡିକର ମତଦାନ ହାରକୁ ଆଧାରକଲେ ଝରିଗାଁ ବ୍ଲକରେ ବିଜେଡି ପ୍ରଥମ, କଂଗ୍ରେସ ଦ୍ୱିତୀୟ ଓ ଭାଜପା ତୃତୀୟ ସ୍ଥାନରେ ଥିଲା। ଏବେ ପ୍ରଦୀପ ବିଜେଡିରେ ଯୋଗ ଦେବା ପରେ କଂଗ୍ରେସ ପତିଆରା ମଧ୍ୟ ଝରିଗାଁ ବ୍ଲକରେ କିଛି ମାତ୍ରାରେ କମିଛି। ଏହି ସ୍ଥିତିକୁ ଆଧାରକରି କଂଗ୍ରେସ ପୂର୍ବତନ କେନ୍ଦ୍ରମନ୍ତ୍ରୀ ଭକ୍ତଚରଣ ଦାସଙ୍କୁ ପ୍ରଚାର ପାଇଁ ନିମନ୍ତ୍ରଣ କରିଛି। କଂଗ୍ରେସର ସ୍ଥିତି ବଜାୟ ରଖିବା ପାଇଁ ସଭାପତି ମୁନା ତ୍ରିପାଠୀ ଅଣ୍ଟା ଭିଡ଼ି ପ୍ରଚାର ମଇଦାନରେ ପ୍ରାର୍ଥୀଙ୍କ ସହ ରହିଛନ୍ତି। ନିର୍ବାଚନ ଆସିଲେ ଭୋଟର ଓ ଜନସାଧାରଣଙ୍କ ସମସ୍ୟା କଥା ମନେପଡୁଥିବା ଦଳ ପ୍ରତି ଭୋଟର ମଧ୍ୟ ଏଥର ଠିକ୍‌ ଜବାବ ଦେବେ ବୋଲି ସଜବାଜ ହେଲେଣି। ଝରିଗାଁ ବ୍ଲକର ଜୋନ୍‌ ୧ରେ ଭାଜପା ପ୍ରାର୍ଥୀ ଊର୍ମିଳା ଗଣ୍ଡ, କଂଗ୍ରେସ ପ୍ରାର୍ଥୀ ହାରାବତୀ ଗଣ୍ଡ ଓ ବିଜେଡିର ପକ୍ଷରୁ ଯମୁନା ଗଣ୍ଡ ପ୍ରାର୍ଥୀ ହୋଇଛନ୍ତି। ହାରାବତୀ ସାମାଜିକ କର୍ମୀଭାବେ ବେଶ୍‌ ପରିଚିତ। ଅନ୍ୟ ପକ୍ଷେ ମଦମୁକ୍ତି ଆନ୍ଦୋଳନ କରି ପ୍ରଶାସନ ପକ୍ଷରୁ ସମ୍ମାନିତ ହେବା ସହ ଜଙ୍ଗଲଜମି ଆନ୍ଦୋଳନ ଓ ଅନୁସୂଚିତ ଜାତି ଓ ଜନଜାତିଙ୍କ ହକ୍‌ ପାଇଁ ସେ ସଂଘର୍ଷ କରି ଆସନ୍ତି। ଜୋନ୍‌-୨ରେ ଭାଜପା ପ୍ରାର୍ଥୀ ନରସିଂହ ଭତ୍ରା, କଂଗ୍ରେସର ଭାଗୀରଥି ନାୟକ, ବିଜେଡିର ଶ୍ୟାମସୁନ୍ଦର ନାୟକ ପ୍ରାର୍ଥୀ ହୋଇଛନ୍ତି। ଭାଗୀରଥି ପୂର୍ବତନ ଜିଲା ପରିଷଦ ଅଧ୍ୟକ୍ଷ। ସେ କଂଗ୍ରେସରୁ ବିଜେଡିକୁ ଡେଇଁଥିଲେ। ପୁଣି ପୁରୁଣା ଦଳକୁ ଫେରିବା ପରେ ଏବେ କଂଗ୍ରେସରୁ ଜିଲା ପରିଷଦ ପ୍ରାର୍ଥୀ ହୋଇଛନ୍ତି। ଜୋନ୍‌ ୩ରେ ବିଜେଡିର ପ୍ରମିଳା ପୂଜାରୀ, ଭାଜପାର ସୁଜିତା ଭତରା ଓ କଂଗ୍ରେସ ପ୍ରାର୍ଥୀ ସତ୍ୟଭାମା ଭତରାଙ୍କ ମଧ୍ୟରେ ପ୍ରତିଦ୍ୱନ୍ଦ୍ୱିତା ହେବ। ସ୍ଥାନୀୟ ସମସ୍ୟା ସମାଧାନ, ଦଳ, ବ୍ୟକ୍ତିଗତ ଭାବମୂର୍ତ୍ତି ଉପରେ ଏଥର ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ଭୋଟର ଗୁରୁତ୍ୱ ଦେଉଛନ୍ତି। ତେବେ ଝରିଗାଁ ବ୍ଲକର ତିନୋଟି ଜୋନ୍‌ରେ୯୯ ହଜାର ୮୦ ଭୋଟର ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ ା


Enter your email to get our daily news in your inbox.

All Right Reserved By Dharitri.Com

ଅଟୋ ଉପରେ ଚଢିଗଲା ଟ୍ରକ: ୩ ଘଟଣାସ୍ଥଳରେ ମୃତ, ୯ ଗୁରୁତର ଆହତ

ରାଇଘର,୨୧/୪: ନବରଙ୍ଗପୁର ଜିଲା ରାଇଘର ଥାନା ଅନ୍ତର୍ଗତ ଜୋଡେଙ୍ଗା ନିକଟରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଅଟୋ ଓ ଟ୍ରକ ମୁହମୁହି ଧକ୍କା ହେବା ଫଳରେ...

ମାଣ୍ଡିଆ କିଣାର ଭିଜିଲାନ୍ସ ତଦନ୍ତ ଦାବି କଲେ ଚାଷୀ

ନବରଙ୍ଗପୁର,୨୧।୪,(ସଦାଶିବ ପ୍ରହରାଜ)ନବରଙ୍ଗପୁରରେ କର୍ନାଟକରୁ ଆସିଥିବା ଏକ ମାଣ୍ଡିଆ ବୋଝେଇ ଗାଡ଼ି ଶୁକ୍ରବାର ଜବତ ହୋଇଛି। ଏହାପରେ ଜିଲାରେ ମିଲେଟ ମିଶନ କିପରି କାର୍ଯ୍ୟକାରୀ ହେଉଛି ତାହାକୁ...

ବିଜେଡି ବିଧାୟକଙ୍କ ନାଁରେ ସାଂଘାତିକ ଅଭିଯୋଗ ଆଣିଲେ ନାଏବ ସରପଞ୍ଚ

ନବରଙ୍ଗପୁର,୧୨।୪(ସଦାଶିବ ପ୍ରହରାଜ):ଋଣ ଦେବାକୁ କହି ନବରଙ୍ଗପୁର ବିଧାୟକ ସଦାଶିବ ପ୍ରଧାନୀ ଏସ୍‌ଏଚ୍‌ଜି ମହିଳାଙ୍କୁ ବିଜେଡିରେ ମିଶାଉଥିବା ଅଭିଯୋଗ କରିଛନ୍ତି ନନ୍ଦାହାଣ୍ଡି ବ୍ଲକ ମେଣ୍ଟ୍ରି ପଞ୍ଚାୟତ ନାଏବ...

ମେ’, ଜୁନ୍‌ରେ ୪ ଦିନ ଡ୍ରାଏ ଡେ

ନବରଙ୍ଗପୁର,୭।୪(ସଦାଶିବ ପ୍ରହରାଜ)ନବରଙ୍ଗପୁର ଜିଲାରେ ଆଗାମୀ ସାଧାରଣ ନିର୍ବାଚନକୁ ଅବାଧ, ନିରପେକ୍ଷ, ସ୍ବଚ୍ଛ ଓ ଶାନ୍ତିଶୃଙ୍ଖଳାର ସହିତ ସୁଚାରୁରୂପେ ପରିଚାଳନା ପାଇଁ ଜିଲା ପ୍ରଶାସନ ପକ୍ଷରୁ ଆବଶ୍ୟକ...

ଆଡ୍‌ମିଟ୍‌ କାର୍ଡ ପାଇଁ ଟଙ୍କା

ଚନ୍ଦାହାଣ୍ଡି, ୬।୪(ଦିଲୀପ ଦାସ): ନବରଙ୍ଗପୁର ଜିଲା ଚନ୍ଦାହାଣ୍ଡି ବ୍ଲକ ସରକାରୀ ପାନାବେଡ଼ା ନୂତନ ହାଇସ୍କୁଲ ଛାତ୍ରୀଛାତ୍ରଙ୍କଠାରୁ ଦଶମ ଶ୍ରେଣୀ ବୋର୍ଡ ପରୀକ୍ଷା ଆଡ୍‌ମିଟ୍‌ କାର୍ଡ ଦେବା...

ଭାଜପା ଲୋକସଭା ପ୍ରାର୍ଥୀଙ୍କ ଗାଡ଼ିକୁ ଅଣ୍ଡା ମାଡ଼

ପାପଡ଼ାହାଣ୍ଡି, ୨୮।୩(ସ୍ବପ୍ନଜିତ ପଟ୍ଟନାୟକ)ନବରଙ୍ଗପୁର ଜିଲା ମଇଦଲପୁର ହାଟପଦାଠାରେ ବୁଧବାର ଭାଜପାର ନବରଙ୍ଗପୁର ଲୋକ ସଭା ପ୍ରାର୍ଥୀ ବଳଭଦ୍ର ମାଝିଙ୍କ ଗାଡ଼ି ଉପରକୁ ଅଣ୍ଡାମାଡ଼ ହୋଇଛି। ବଳଭଦ୍ର...

ସିସି କ୍ୟାମେରାରେ କାଦୁଅ ଲଗାଇ କରୁଥିଲେ ବ୍ୟାଙ୍କ ଚୋରି: ସାଇରନ ବାଜିବାରୁ…

ଉମରକୋଟ, ୨୨।୩(ସନ୍ତୋଷ ଶତପଥୀ): ନବରଙ୍ଗପୁର ଜିଲା ଉମରକୋଟ ସହର ମାଁ ପେଣ୍ଡ୍ରାଣୀ ମନ୍ଦିର ନିକଟରେ ଥିବା ଉତ୍କର୍ଷ ସ୍ମଲ୍‌ ଫାଇନାନ୍ସ ବ୍ୟାଙ୍କରେ କିଛି ଦୁର୍ବୁତ୍ତ ଲୁଟ୍‌...

ପିଇବା ପାଣି ପାଇଁ ପ୍ରକୃତି ସାହା

ତେନ୍ତୁଳିଖୁଣ୍ଟି,୨୨।୩(ଚିଦାନନ୍ଦ ସାହୁ): ନବରଙ୍ଗପୁର ଜିଲା ତେନ୍ତୁଳିଖୁଣ୍ଟି ବ୍ଲକ୍‌ ପାତ୍ରପୁଟ ପଞ୍ଚାୟତ କଳାହାଣ୍ଡି ସୀମାନ୍ତ ପାହାଡ଼ ତଳି ଗାଁ ଝରଣଗୁଡ଼ା। ଗ୍ରାମବାସୀଙ୍କ ପିଇବା ପାଣି ପାଇଁ ପ୍ରକୃତି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri