ଭୁବନେଶ୍ୱର,୨୫।୯(ବ୍ୟୁରୋ): ରାଜ୍ୟର ହାଇପ୍ରୋଫାଇଲ ଭୁବନେଶ୍ୱର କ୍ଲବ୍ର ନିର୍ବାଚନ ଶନିବାର ଶେଷ ହୋଇଛି। ରବିବାର ସକାଳ ୯ଟାରେ ଭୋଟ ଗଣତି ହେବ ଓ ଫଳାଫଳ ପ୍ରକାଶ ପାଇବ।
ଶନିବାର ମଧ୍ୟାହ୍ନ ୧୨ଟାରେ ଭୋଟ ଗ୍ରହଣ ଆରମ୍ଭ ହୋଇ ସନ୍ଧ୍ୟା ୬ଟାରେ ଶେଷ ହୋଇଥିଲା। କ୍ଲବ୍ର ମୋଟ ଭୋଟରଙ୍କ ସଂଖ୍ୟା ୧୯୫୦ ଥିବା ବେଳେ ୧୦୫୩ ଜଣ ମତଦାନ କରିଛନ୍ତି। ଏହି ନିର୍ବାଚନରେ ବର୍ତ୍ତମାନର ସଭାପତି, ପୂର୍ବତନ ମୁଖ୍ୟ ଶାସନ ସଚିବ ତଥା ପଶ୍ଚିମ ଓଡ଼ିଶା ବିକାଶ ପରିଷଦ ଅଧ୍ୟକ୍ଷ ଅସିତ୍ ତ୍ରିପାଠୀ ଏବଂ ପୂର୍ବତନ ଉନ୍ନୟନ କମିଶନର ସତ୍ୟପ୍ରକାଶ ନନ୍ଦ ଟିମ୍ଙ୍କ ମଧ୍ୟରେ କଡ଼ା ମୁକାବିଲା ହୋଇଛି। ଉଭୟ ତ୍ରିପାଠୀ ଓ ନନ୍ଦ ସଭାପତି ପଦ ପାଇଁ ପ୍ରତିଦ୍ୱନ୍ଦ୍ୱିତା କରୁଛନ୍ତି। ଅସିତ୍ଙ୍କ ଟିମ୍ରୁ ଉପସଭାପତି ପଦ ପାଇଁ ମହେନ୍ଦ୍ର ଗୁପ୍ତା, ସମ୍ପାଦକ ପାଇଁ ଦିଲୀପ ରାଉତରାୟ, ଯୁଗ୍ମ ସମ୍ପାଦକ ପାଇଁ ଅଶୋକ ମିଶ୍ର, କାର୍ଯ୍ୟନିର୍ବାହୀ କମିଟି ସଦସ୍ୟ ଭାବେ ଟି.କେ. ଦାସ, ପି. ଜେ. ପାଠକ, ପି. ନାଥ୍, ଡ. ପି.ଭି. ମୋହନ, ପି. କେ. ମହାନ୍ତି ଏବଂ ଡ. ଦେବବ୍ରତ ବିଶ୍ୱାଳ ପ୍ରତିଦ୍ୱନ୍ଦ୍ୱିତା କରୁଛନ୍ତି। ସେହିପରି ସତ୍ୟପ୍ରକାଶଙ୍କ ଟିମ୍ରେ ଉପସଭାପତି ପ୍ରାର୍ଥୀ ଭାବେ ତାପେସ ରୟ, ସମ୍ପାଦକ ପଦବୀ ପାଇଁ ମାନସ ରଞ୍ଜନ ଦାସ, ଯୁଗ୍ମ ସମ୍ପାଦକ ପଦ ପାଇଁ ଜ୍ୟୋତିର୍ମୟ ମହାନ୍ତି ନିର୍ବାଚନ ଲଢୁଛନ୍ତି। ଏଥିସହିତ ଏହି ଟିମ୍ରେ କାର୍ଯ୍ୟନିର୍ବାହୀ କମିଟି ସଦସ୍ୟ ପାଇଁ ଅଚିନ୍ତ୍ୟ ବିକାଶ ମହାନ୍ତି, ଦେଓଶଙ୍କର ତ୍ରିପାଠୀ, ପାର୍ଥସାରଥି ପାଣିଗ୍ରାହୀ, ରମେଶଚନ୍ଦ୍ର ଦାସ ଏବଂ ଜୟନ୍ତ କୁମାର ହୋତା ପ୍ରତିଦ୍ୱନ୍ଦ୍ୱିତା କରୁଛନ୍ତି। ଅସିତ୍ ପୁଣି ବାଜି ମାରୁଛନ୍ତି ନା ସତ୍ୟପ୍ରକାଶ ନୂଆ ସଭାପତି ହେଉଛନ୍ତି ତାହା ଉପରେ ରହିଛି ନଜର।
