ମୁମ୍ବାଇ,୨।୬: ଫ୍ରାନ୍ସର ରାଜଧାନୀ ପ୍ୟାରିସରୁ ମୁମ୍ବାଇ ଅଭିମୁଖେ ୩୦୬ଜଣଙ୍କୁ ନେଇ ଭିସ୍ତାରା ବିମାନରେ ଏକ ବୋମା ଧମକ ମିଳିଥିଲା। ଏହି ଧମକ ପରେ ବିମାନ ଆସିବା ପୂର୍ବରୁ ମୁମ୍ବାଇ ବିମାନ ବନ୍ଦରରେ ଜରୁରୀକାଳୀନ ପରିସ୍ଥିତି ଘୋଷଣା କରାଯାଇଥିଲା। ବିମାନଟି ରବିବାର ସକାଳ ୧୦ଟା ୧୯ରେ ମୁମ୍ବାଇ ବିମାନବନ୍ଦରରେ ଅବତରଣ କରିଥିଲା।
ଭିସ୍ତାରା ରବିବାର ରିପୋର୍ଟ କରିଛି ଯେ ପ୍ୟାରିସର ଚାଲର୍ସ ଡି ଗଲ ବିମାନବନ୍ଦରରୁ ମୁମ୍ବାଇ ଅଭିମୁଖେ ୟୁକେ ୦୨୪ ବିମାନରେ ବୋମା ଧମକ ଥିବା ଏୟାର ସିକନେସ ବ୍ୟାଗରେ ଏକ ନୋଟ ଥିବା ଦେଖିବାକୁ ମିଳିଥିଲା। ଧମକ ପାଇବା ପରେ ମୁମ୍ବାଇ ବିମାନବନ୍ଦରରେ ରାତି ୧୦ଟା ୦୮ ରେ ଜରୁରୀକାଳୀନ ପରିସ୍ଥିତି ଘୋଷଣା କରାଯାଇଥିଲା। ଏହି ସୂଚନା ଦେଇ ସୂତ୍ର କହିଛି ଯେ ବିମାନଟି ସକାଳ ୧୦ଟା ୧୯ ରେ ମୁମ୍ବାଇ ବିମାନବନ୍ଦରରେ ଅବତରଣ କରିଛି।
ସୂତ୍ରରୁ ପ୍ରକାଶ ଯେ ପ୍ୟାରିସ-ମୁମ୍ବାଇ ବିମାନରେ ୨୯୪ ଜଣ ଯାତ୍ରୀଙ୍କ ସହ ୧୨ ଜଣ କ୍ରୁ ସଦସ୍ୟ ରହିଥିଲେ। ଭିସ୍ତାରା କହିଛି ଯେ ଜୁନ ୨, ୨୦୨୪ ରେ ପ୍ୟାରିସରୁ ମୁମ୍ବାଇ ଅଭିମୁଖେ ଯାତ୍ରା କରିବାକୁ ଥିବା ବିମାନର UK 024 ବିମାନରେ ଯାତ୍ରା କରୁଥିବା ସମୟରେ ଆମ କର୍ମଚାରୀଙ୍କ ଦ୍ୱାରା ଏକ ସୁରକ୍ଷା ଚିନ୍ତା ବଢିଛି। ପ୍ରୋଟୋକଲ ଅନୁସରଣ କରି ବିମାନ ସେବା ତୁରନ୍ତ ସମ୍ପୃକ୍ତ ଅଧିକାରୀଙ୍କୁ ଏହା ଜଣାଇଥିଲା।
