Odisha Elections 2024

ମାଡ଼ିଚାଲିଛି ଲମ୍ଫି ଭୂତାଣୁ, ଗୋଚାଷୀ ଭୟଭୀତ

ନିଶ୍ଚିନ୍ତକୋଇଲି,୬।୧(ସ୍ବ.ପ୍ର): କରୋନା ଭଳି ଗୋରୁ ଏବେ ଭାଇରସ ଆକ୍ରାନ୍ତ। ଗୋରୁ ଗାଈଙ୍କ ଦେହରେ ଛୋଟ ଆବୁ ହେବା ପରେ ଏହା ଫାଟି ପାଣି ବାହାରୁଛି। ଫଳରେ ଆକ୍ରାନ୍ତ ଗୋରୁ ଅସହ୍ୟ ଯନ୍ତ୍ରଣାରେ ଛଟପଟ ହେଉଛନ୍ତି। ଗ୍ରାମାଞ୍ଚଳ ଲୋକେ ଏହାକୁ ଗୋରୁ ବସନ୍ତ କହୁଥିବାବେଳେ ପ୍ରାଣୀ ଚିକିତ୍ସକମାନେ ଏହାକୁ ଲମ୍ଫି ଭାଇରସ ବୋଲି ବିବେଚନା କରିଛନ୍ତି। କଟକ ଜିଲା ନିଶ୍ଚିନ୍ତକୋଇଲି ବ୍ଲକରେ ଏହି ଭାଇରସ ଦ୍ରୁତ ଗତିରେ ସଂକ୍ରମିତ ହେବାରେ ଲାଗିଛି। ଫଳରେ ଗୋପାଳକମାନେ ଭୟଭୀତ ହୋଇଯାଇଛନ୍ତି। କିଏ ଘରୋଇ ଚିକିସତ୍ା କରୁଛି ତ, କିଏ ହୋମିଓପାଥି ଆଉ କିଏ ପ୍ରାଣୀ ଚିକିତ୍ସକଙ୍କ ସହାୟତା ନେଇ ଭାକ୍ସସିନ ଦେଉଛନ୍ତି। ଏସବୁ ସତ୍ତ୍ୱେ ସଂକ୍ରମଣ ଅଣାୟତ୍ତ ହେବାରେ ଲାଗିଛି ।
ନିଶ୍ଚିନ୍ତକୋଇଲି ବ୍ଲକ ପ୍ରାଣୀ ଚିକିତ୍ସକଙ୍କ ଅଧୀନରେ ୩୮ଟି ପଞ୍ଚାୟତ ରହିଛି। ଏହି ବ୍ଲକରେ ମୋଟ ୫୫ ହଜାରରୁ ଊର୍ଦ୍ଧ୍ୱ ଗୋରୁ ଓ ମଇଁଷି ଆଦି ରହିଛନ୍ତି। ମାତ୍ର ସରକାରଙ୍କ ପକ୍ଷରୁ ମାତ୍ର ୨୨ ହଜାର ଭ୍ୟାକସିନ ଆସିଛି। ସେଥିରୁ କେବଳ ୧୭ ହଜାର ଭ୍ୟାକସିନ ଦିଆଯାଇଛି। ଆବଶ୍ୟକ କର୍ମଚାରୀ ଏବଂ ଏଲ୍‌ଆଇ ନ ଥିବାରୁ ଠିକ୍‌ ଢଙ୍ଗରେ ସମସ୍ତ ଗୋରୁଙ୍କୁ ଭ୍ୟାକ୍ସସିନ୍‌ ଦିଆଯାଇପାରିନାହିଁ। ଫଳରେ ଏହି ରୋଗ ତାର କାୟା ବିସ୍ତାର କରିଚାଲିଛି। ବ୍ଲକର ବରାଦୋ, ଜିଗ୍ନିପୁର, ନିଶ୍ଚିନ୍ତକୋଇଲି ଏବଂ ନତକାଇ ଆଦି ପଞ୍ଚାୟତରେ ଏହି ରୋଗ ଭୟଙ୍କର ରୂପ ଧାରଣ କରିଛି। ଗୋରୁଙ୍କୁ ଠିକ୍‌ଭାବେ ସ୍ବାସ୍ଥ୍ୟସେବା ମିଳୁ ନ ଥିବାରୁ ଆଗାମୀ ଦିନରେ ଗୋମଡକ ହେବା ନେଇ ଆଶଙ୍କା ପ୍ରକାଶ ପାଇଛି। ପ୍ରାଣୀ ଚିକିତ୍ସାଳୟଠାରୁ ମାତ୍ର ଅଳ୍ପ ଦୂରରେ ଥିବା ନିଶ୍ଚିନ୍ତକୋଇଲି ଗ୍ରାମର କବିନ୍ଦ୍ର ବାରିକ, ବିଚିତ୍ରାନନ୍ଦ ରାଉତ, ପ୍ରମୋଦ କୁମାର ରାଉତ, ବିଜୟ କୁମାର ରାଉତ, ଅଲେଖ ମଲିକ, ନତକାଇ ଗ୍ରାମ ପଞ୍ଚାୟତ ଅନ୍ତର୍ଗତ ଏକରୂଖି ଗ୍ରାମର ସୁରେନ୍ଦ୍ର କୁମାର ସାହୁଙ୍କ ସମେତ ବହୁ ଲୋକଙ୍କ ଗୋରୁ ଏଭଳି ଅଜଣା ରୋଗରେ ଆକ୍ରାନ୍ତ ହୋଇ ମୃତ୍ୟୁ ସହ ସଂଗ୍ରହ କରୁଥିବା ଅଭିଯୋଗ ହୋଇଛି। ଏହି ସଂକ୍ରମଣ ଦ୍ରୁତ ଗତିରେ ମାଡ଼ି ଚାଲିଥିବାରୁ ଗ୍ରାମାଞ୍ଚଳରେ କ୍ୱାକ୍‌ମାନେ ମଧ୍ୟ ଗୋ-ଚାଷୀଙ୍କୁ ଶୋଷଣ କରିବାକୁ ପଛାଉ ନାହାନ୍ତି। ବହୁ ଗୋ ଚାଷୀ ଋଣ କରି ଗୋପାଳନ କରୁଥିବାବେଳେ ଗୋରୁ ବିପଦ ସ୍ଥିତିରେ ପଡ଼ିବାରୁ ସେମାନେ ପ୍ରମାଦ ଗଣିଲେଣି। କେତେଜଣ ଗୋପାଳକ ଗୋରୁଙ୍କ ଆକ୍ରାନ୍ତ ସ୍ଥାନରେ ଅମୃତ ଭଣ୍ଡା ପତ୍ର, ବେଲପତ୍ର, ତୁଳସୀପତ୍ର , ଗୋଲମରିଚ, ଅଦା ,ଗୁଡ ଓ ପାନକୁ ବାଟି ଏକପେଷ୍ଟ ପ୍ରସ୍ତୁତ କରି ୫୦ ରୁ ୧୦୦ଗ୍ରାମ ଲେଖାଏ ଗୋରୁଙ୍କୁ ୨ ବେଳା ଦେବା ସହ ନିମ୍ବ ପତ୍ର ହଳଦୀକୁ ବାଟି ଏକ ପେଷ୍ଟ କୁ ସଂକ୍ରମଣ ସ୍ଥାନରେ ଲେପ ଦେଉଛନ୍ତି।
ଏ ସମ୍ପର୍କରେ ହୋମିଓପ୍ୟାଥି ଚିକିତ୍ସକ ନିରଞ୍ଜନ କର କହିଛନ୍ତି, ବସନ୍ତ ଓ ହାଡଫୁଟି ଭଳି ଗୋରୁଙ୍କ ପାଇଁ ଏହା ଏକ ଭୂତାଣୁ ଜନିତ ରୋଗ।ଏହି ରୋଗର ପ୍ରତିଷେଧକ ଭାବେ ଭାରିଓଲିନିୟମ-୨୦୦ ଓ ଭ୍ୟାକ୍ସିନମ-୨୦୦ ବ୍ୟବହାର କରାଯାଏ। ଦେହରେ ବରକୋଳି ଭଳି ଫଳି ଗଲେ ଥୁଜା-୨୦୦ ଦିଆଯାଏ ବୋଲି ସେ ପ୍ରକାଶ କରିଛନ୍ତି।
ଗୋରୁଙ୍କ ରୋଗ ସମ୍ପର୍କରେ ବ୍ଲକ ଭେଟେନାରୀ ଅଫିସର ତନ୍ମୟ ମହାନ୍ତି କୁହନ୍ତି, କର୍ମଚାରୀ ଅଭାବରୁ ସବୁ ଗୋରୁଙ୍କୁ ଭ୍ୟାକ୍ସସିନ ଦିଆଯାଇପାରିନାହିଁ। ଏହା ଏକ ଚର୍ମ ଜନିତ ରୋଗ ଏଥିରେ କାଜୁଆଲିଟ ହୋଇ ନ ଥାଏ। କିନ୍ତୁ ଗାଈ ଦୁର୍ବଳ ହେବା ସହ ଉତ୍ପାଦନ କମାଇ ଦେଇଥାଏ। ଏହାର ନିର୍ଦ୍ଦିଷ୍ଟ ଔଷଧ ନଥିବାରୁ ଗୋରୁଙ୍କ ଲକ୍ଷଣ ଦେଖି ଔଷଧ ଦିଆଯାଉଛି।


Enter your email to get our daily news in your inbox.

All Right Reserved By Dharitri.Com

ଦୋକାନ ଭିତରେ ପଶିଗଲା ବରଯାତ୍ରୀଙ୍କୁ ଧରି ଫେରୁଥିବା ଗାଡ଼ି

ଭବାନୀପାଟଣା,୧୮।୫(ଉତ୍ତମ କୁମାର ଦାଶ): ସଟର ଭାଙ୍ଗି ଦୋକାନ ଭିତରକୁ ପଶିଗଲା ସ୍କର୍ପିଓ। ଶୁକ୍ରବାର ବିଳମ୍ବିତ ରାତିରେ କଳାହାଣ୍ଡି ଜିଲା ଧର୍ମଗଡଠାରେ ଦ୍ରୁତ ଗତିରେ ବରଯାତ୍ରୀଙ୍କୁ ଧରି...

ହୋଟେଲ ରୁମ୍‌ରେ ପୋଲିସ କନ୍‌ଷ୍ଟେବଲଙ୍କୁ ହତ୍ୟା

ବଲାଙ୍ଗୀର,୧୮।୫(ବୀରେନ୍ଦ୍ର କୁମାର ଝାଙ୍କର): ବଲାଙ୍ଗୀର ସହର ରେଲୱେ ଷ୍ଟେଶନ୍‌ ନିକଟ ଏକ ହୋଟେଲ ରୁମ୍‌ରୁ ଜଣେ ବ୍ୟକ୍ତିଙ୍କ ହାତମୁହଁ ବନ୍ଧା ମୃତଦେହ ପୋଲିସ ଉଦ୍ଧାର କରରଯାଇଛି।...

‘୬ଷ୍ଠ ଥର ନବୀନ ମୁଖ୍ୟମନ୍ତ୍ରୀ ହେଲେ ଜମିଜମା ସମସ୍ୟାର ସମାଧାନ କରାଯିବ’

ଜଟଣୀ,୧୮ା୫(ରବୀନ୍ଦ୍ରନାଥ ମହାକୁଡ଼): ଓଡ଼ିଶାରେ ୬ଷ୍ଠ ଥର ପାଇଁ ନବୀନ ପଟ୍ଟନାୟକ ମୁଖ୍ୟମନ୍ତ୍ରୀ ହେଲେ ଜଟଣୀରେ ରହିଥିବା ଜମିଜମା ସମସ୍ୟାର ସମାଧାନ କରାଯିବ। ସମସ୍ତ ଏସ୍‌ଏଚ୍‌ଜି ମହିଳାଙ୍କୁ...

ପରିବହନକାରୀ ସଂସ୍ଥା କର୍ମଚାରୀଙ୍କଠାରୁ ୨୦ ଲକ୍ଷ ଜବତ

ବଡ଼ବିଲ,୧୮ା୫(ଦେବପ୍ରିୟ ରଣା): କେନ୍ଦୁଝର ଜିଲା ବଡ଼ବିଲ ପୋଲିସ ଶୁକ୍ରବାର କିରିବୁ ଓ ସାଧୁସିଂ ହଟିଂ ଛକରେ ଯାନବାହନ ତନଖି ବେଳେ ୨୦ ଲକ୍ଷ ଟଙ୍କା ଜବତ...

ବିରୋଧୀ ମିଛ କହି କୁମ୍ଭୀର କାନ୍ଦଣା କାନ୍ଦୁଛନ୍ତି: ମୁଖ୍ୟମନ୍ତ୍ରୀ

ଭୁବନେଶ୍ୱର,(ଅସମାପିକା ସାହୁ)/ସମ୍ବଲପୁର, (ପ୍ରମୋଦ ବହିଦାର)/ଅନୁଗୋଳ, (ଅମିତ କୁମାର ସାମଲ) / ଢେଙ୍କାନାଳ (ରତନ ନାୟାର)୧୮।୫: ରାଜ୍ୟର ୨ ଲୋକ ସଭା କ୍ଷେତ୍ରର ୪ ନିର୍ବାଚନମଣ୍ଡଳୀରେ ପ୍ରଚାର...

୨୫ ବର୍ଷ ଶାସନରେ ଓଡ଼ିଶା ୫୦ ବର୍ଷ ଖସିଛି: ଶାହା

ରାଉରକେଲା,୧୮ା୫(ବିପ୍ଲବ ରଞ୍ଜନ ଦାଶ): ଏଥର ସାରା ଓଡ଼ିଶାରେ ମଧ୍ୟ ପଦ୍ମ ଫୁଟିବ। ଓଡ଼ିଶାରେ ଡବଲ ଇଞ୍ଜିନ ସରକାର ଆସିଲେ ଦେଶରେ ୩୦କୋଟି ଦିଦି ଲକ୍ଷପତି,୩କୋଟି ଗରିବଙ୍କୁ...

ବରଗଡ଼ରେ ଧର୍ମେନ୍ଦ୍ରଙ୍କ ରୋଡ୍‌ ଶୋ

ବରଗଡ଼,୧୭।୫(ପ୍ରେମାନନ୍ଦ ଖମାରୀ): ସାଧାରଣ ନିର୍ବାଚନ ପାଇଁ ମତଦାନ ଦିବସ ଯେତିକି ପାଖେଇ ଆସୁଛି, ଅନୁରୂପ ଭାବେ ପ୍ରାର୍ଥୀଙ୍କ ପ୍ରଚାର ମଧ୍ୟ ଜୋର୍‌ ଧରିବାରେ ଲାଗିଛି। ବରଗଡ଼...

ରୋଡ୍‌ ଶୋ’ ଅଧାରୁ ଚାଲିଗଲେ ହେମାମାଳିନୀ

କଟକ ସଦର, ୧୭ା୫(ସୁଶାନ୍ତ କୁମାର ଜେନା)- କଟକ ସଦର ନିର୍ବାଚନମଣ୍ଡଳୀ ଅନ୍ତର୍ଗତ କିଶୋରନଗରଠାରେ ଭାଜପା ପକ୍ଷରୁ ରୋଡ୍‌ ଶୋ’ ସହିତ ନିର୍ବାଚନୀ ସଭା ଅନୁଷ୍ଠିତ ହୋଇଥିଲା।...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri