ନୂଆଦିଲ୍ଲୀ,୧୮।୫: ବିରାଟ କୋହଲିଙ୍କ ନେତୃତ୍ୱରେ ଟିମ୍ ଇଣ୍ଡିଆ ଜୁନ୍ ୧୮ରୁ ୨୨ ପର୍ଯ୍ୟନ୍ତ ସାଉଥେମ୍ପଟନ୍ ଓ୍ବାଲର୍ଡ ଟେଷ୍ଟ୍ ଚାମ୍ପିୟନଶିପ୍ ଖେଳିବ। ଟିମ୍ ଇଣ୍ଡିଆର ବ୍ୟାଟ୍ସମ୍ୟାନଙ୍କ ପାଇଁ ଇଂଲଣ୍ଡର ବୋଲର ଟ୍ରେଣ୍ଟ୍ ବୋଲ୍ଟ, ଟିମ୍ ସାଉଦି ଏବଂ ନିଲ୍ ଓ୍ବେଗନର ସମସ୍ୟା ସୃଷ୍ଟି କରିବାର ସମ୍ଭାବନା ରହିଛି। ଏହାକୁ ଦୃଷ୍ଟିରେ ରଖି ଇଂଲଣ୍ଡ ଟିମ୍କୁ ଝଟ୍କା ଦେବା ପାଇଁ ବିରାଟ ସିକ୍ରେଟ୍ ଅସ୍ତ୍ର ନେଇ ଯିବାର ଯୋଜନା କରିଛନ୍ତି। ବିରାଟ ଟିମ୍ ଇଣ୍ଡିଆରେ ବାମହାତୀ ପେସ୍ ବୋଲର୍ ଅରଜାନ୍ ନାଗଓ୍ବାସଓ୍ବାଲାଙ୍କୁ ନିଜର ସିକ୍ରେଟ୍ ଅସ୍ତ୍ର ଭାବେ ଇଂଲଣ୍ଡକୁ ନେବେ। ଅରଜାନ୍ ଷ୍ଟାଣ୍ଡ୍ ବାଏ ଭାବେ ଟିମ୍ ଇଣ୍ଡିଆରେ ୨୪ ଜଣିଆ ଦଳରେ ସାମିଲ ହୋଇଛନ୍ତି। ସ୍ବତନ୍ତ୍ର ରଣନୀତି ଆଧାରରେ ଟିମ୍ ଇଣ୍ଡିଆରେ ଅରଜାନ୍ଙ୍କୁ ନିଆଯାଇଥିବା କୁହାଯାଉଛି। ତେବେ ଅରଜାନ୍ ପଡ଼ିଆରେ କିଭଳି କମାଲ୍ କରୁଛନ୍ତି ତାହା ଦେଖିବାକୁ ବାକି ରହିଲା।
