କେପଟାଉନ୍,୧୦।୧: ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ସିରିଜର ଶେଷ ମ୍ୟାଚ ପୂର୍ବରୁ ଭାରତୀୟ ଟେଷ୍ଟ ଦଳର ଅଧିନାୟକ ବିରାଟ କୋହଲି ଏକ ଖବରଦାତା ସମ୍ମିଳନୀ କରିଥିଲେ। ଏହି ସମୟରେ ସେ କେପଟାଉନ ଟେଷ୍ଟ ମ୍ୟାଚ୍ ପାଇଁ ସମ୍ପୂର୍ଣ୍ଣ ଫିଟ ବୋଲି କହିଥିଲେ। ଏହି ସମୟରେ ରିଷଭ ପନ୍ତଙ୍କ ଖରାପ ସଟ୍ ବିଷୟରେ ବିରାଟ କୋହଲିଙ୍କୁ ପଚରାଯାଇଥିଲା, ତା’ପରେ ଉତ୍ତର ଦେବାବେଳେ ସେ ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ଗୋଟିଏ ପରାମର୍ଶକୁ ମନେ ପକାଇ ଦେଇଥିଲେ। ସେ କହିଛନ୍ତି, ଧୋନୀଙ୍କ ଗୋଟିଏ ଉପଦେଶ ଆଜି ମଧ୍ୟ ତାଙ୍କ ପାଇଁ କାମ କରୁଛି। ଧୋନୀ ମୋ କ୍ୟାରିୟର ଆରମ୍ଭରେ ମୋତେ ବହୁତ ଭଲ ଉପଦେଶ ଦେଇଛନ୍ତି, ଗୋଟିଏ ଭୁଲ ଏବଂ ଅନ୍ୟଟି ମଧ୍ୟରେ ଅତି କମରେ ୮/୯ ମାସ ଅନ୍ତର ରହିବା ଆବଶ୍ୟକ। ଯଦି ଏହା ଘଟେ ତେବେ ଅନ୍ତର୍ଜାତୀୟ କ୍ରିକେଟରେ କ୍ୟାରିଅର୍ ଲମ୍ବା ହୋଇପାରେ। କୌଣସି ଖେଳାଳି ସମାନ ଭୁଲକୁ ପୁନରାବୃତ୍ତି କରିବା ଉଚିତ୍ ନୁହେଁ । ତାହା ହିଁ ସବୁଠାରୁ ଗୁରୁତ୍ୱପୂର୍ଣ୍ଣ ଅଟେ।
ସୂଚନାଯୋଗ୍ୟ, ଭାରତ ଏବଂ ଦକ୍ଷିଣ ଆଫ୍ରିକାର ଦଳ ଜାନୁଆରୀ ୧୧ରୁ ଟେଷ୍ଟ ସିରିଜର ତୃତୀୟ ମ୍ୟାଚ ଖେଳିବେ। ବିରାଟ କୋହଲିଙ୍କ ପାଇଁ ଏହି ମ୍ୟାଚ ଅତ୍ୟନ୍ତ ସ୍ବତନ୍ତ୍ର ହେବ। ସେ ତାଙ୍କ କ୍ୟାରିୟରର ୯୯ତମ ଟେଷ୍ଟ ମ୍ୟାଚ ଖେଳିବେ। ତେଣୁ ସେମାନେ ଏହି ମ୍ୟାଚ ଜିତିବାକୁ ଭାରତ ଚାହୁଁଛନ୍ତି। ଭାରତ ଏହି ମ୍ୟାଚ୍ ଜିତି ସିରିଜ୍ ଜିତିବାକୁ ଚାହଁିବ।
