ନୂଆଦିଲ୍ଲୀ,୧୮।୮: ଭାରତୀୟ କ୍ରିକେଟ ଟିମ୍ର ଅଧିନାୟକ ବିରାଟ କୋହଲି ଆଜିକୁ ଠିକ୍ ୧୩ ବର୍ଷ ପୂର୍ବେ ଅନ୍ତର୍ଜାତୀୟ କ୍ରିକେଟରେ ଡେବ୍ୟୁ କରିଥିଲେ। କୋହଲି ଶ୍ରୀଲଙ୍କା ବିପକ୍ଷରେ ଭାରତ ପାଇଁ ଦିନିକିଆ ମ୍ୟାଚ୍ରେ ଡେବ୍ୟୁ କରିଥିଲେ। ସେତେବେଳେ ଯୁବ କ୍ରିକେଟର ଥିବା କୋହଲି କ୍ରିଜରେ ଅଧିକ ସମୟ ରହିପାରି ନ ଥିଲେ। ଏହି ମ୍ୟାଚ୍ରେ ସେ ମାତ୍ର ୧୨ ରନ୍ କରି ଆଉଟ୍ ହୋଇଯାଇଥିଲେ। ଏହି ମ୍ୟାଚ୍ରେ ସ୍ବତନ୍ତ୍ରତା ହେଉଛି ଯେ କ୍ୟାରିୟରରେ ଏହି ସୀମିତ ଓଭର କ୍ରିକେଟ ମ୍ୟାଚ୍ରେ କୋହଲି ଓପନିଂ କରିଥିଲେ।
ଏମ୍ଏସ୍ ଧୋନୀଙ୍କ ନେତୃତ୍ୱାଧୀନ ଭାରତୀୟ ଦଳରୁ କୋହଲି ଓପନିଂ କରି କ୍ରିଜ୍ରେ ୩୩ ମିନିଟ ବିତାଇଥିଲେ। ଏହି ସମୟରେ ସେ ୨୨ ବଲ ଖେଳି ୧୨ ରନ୍ କରିଥିଲେ। ଶ୍ରୀଲଙ୍କାର ମଧ୍ୟମ ପେସର୍ ନୁଓ୍ବାନ କୁଲାସେକରା କୋହଲିଙ୍କୁ ଇନିଂସର ଅଷ୍ଟମ ଓଭରରେ ଆଉଟ୍ କରିଥିଲେ। ଏହି ମ୍ୟାଚ୍ରେ ଭାରତୀୟ ଦଳ ମାତ୍ର ୧୪୬ ରନରେ ଅଲଆଉଟ୍ ହୋଇଥିଲା। ଶ୍ରୀଲଙ୍କା ୯୧ ବଲ୍ ବାକି ଥାଇ ଲକ୍ଷ୍ୟ ହାସଲ କରିନେଇଥିଲେ।
#OnThisDay in 2008, @imVkohli made his debut in international cricket.
13 years later, with 4⃣3⃣8⃣ international matches & 2⃣2⃣,9⃣3⃣7⃣ runs under his belt, the #TeamIndia captain remains one of the finest cricketers going around. 👏 🙌 pic.twitter.com/hQaihyNQJF
— BCCI (@BCCI) August 18, 2021
କ୍ୟାରିୟର ଆରମ୍ଭ ପରର ୧୪ ମ୍ୟାଚ୍ ଖେଳିବା ପରେ କୋହଲି ଶତକ ମାରିଥିଲେ। ୨୦୦୯ରେ କୋଲକାତାରେ ଶ୍ରୀଲଙ୍କା ବିପକ୍ଷ ମ୍ୟାଚ୍ରେ ସେ ୧୦୦ ରନ୍ କରିଥିଲେ। ଏହାପରଠାରୁ ତାଙ୍କର ଶତକ ମାରିବା ଆରମ୍ଭ ହୋଇଥିଲା। ଏଯାବତ ସେ ଦିନିକିଆ କ୍ରିକେଟରେ ୪୯ ଶତକ ମାରିଛନ୍ତି। ଏବେ ସେ କ୍ରିକେଟ ଇତିହାସରେ ସବୁଠାରୁ ଅଧିକ ରନ୍ ଚେସର୍ ଭାବେ ନିଜର ପ୍ରତିଛବି ପ୍ରତିଷ୍ଠା କରିଛନ୍ତି।
କୋହଲି ୨୫୪ ଏକଦିବସୀୟ ମ୍ୟାଚ୍ ଖେଲି ୧୨,୧୬୯ ରନ୍ କରିଛନ୍ତି। ପାକିସ୍ତାନ ବିପକ୍ଷରେ ତାଙ୍କର ୧୮୩ ରନ୍ ସର୍ବଶ୍ରେଷ୍ଠ ଭାବେ ଗଣାଯାଏ। ଦିନିକିଆ କ୍ରିକେଟରେ ସର୍ବାଧିକ ଶତକ ହାସଲ କରିବାରେ ଏହି ବ୍ୟାଟ୍ସମ୍ୟାନ୍ ମହାନ ସଚିନ ତେନ୍ଦୁଲକରଙ୍କ ପରେ ଦ୍ୱିତୀୟ ସ୍ଥାନରେ ଅଛନ୍ତି।
