ଟକ୍ ଟକ୍ ହୋଇ ଫୁଟୁଛି ପାଣି। ତା ଭିତରେ ସମାଧିସ୍ଥ ହୋଇ ବେଶ୍ ଆରାମରେ ବସିଛନ୍ତି ଜଣେ ଶିଶୁ। ପାଖରେ ବହୁ ସଂଖ୍ୟାରେ ଲୋକ ଉପସ୍ଥିତ ଥିଲେ ହେଁ ତାଙ୍କୁ କେହି ବାହାରକୁ ଆଣିବା ଲାଗି ଚେଷ୍ଟା କରୁନାହାନ୍ତି। ଏଭଳି କିଛି ଭିଡିଓ ସୋସିଆଲ ମିଡିଆରେ ଏବେ ଭାଇରାଲ ହେବାରେ ଲାଗିଛି।
କଳ୍ପନା କରନ୍ତୁ, ଯଦି ଚା’ କିମ୍ବା ଫୁଟୁଥିବା ପାଣି ଶରୀର ଉପରେ ପଡେ ତେବେ ଆମର ଅବସ୍ଥା କିଭଳି ଖରାପ ହୋଇଯାଏ। ହେଲେ ଭିଡିଓରେ ଦେଖୁଥିବା ଶିଶୁ ଏପରି କିଛି କରୁଛନ୍ତି ଯାହାକୁ ଦେଖିଲେ ଲୋମ ଟାଙ୍କୁରୀ ଉଠୁଛି। କାରଣ ପିଲାଟି ହାତଯୋଡ଼ି ବେଶ ଆରାମରେ ଫୁଟୁଥିବା ପାଣି ଭିତରେ ବସି ରହିଛନ୍ତି। ପାଣିରେ କିଛି ଫୁଲ ପଡ଼ିଥିବା ଦେଖାଯାଉଛି। ଲୋକମାନେ ଆଶ୍ଚର୍ଯ୍ୟ ହୋଇ ତାଙ୍କୁ ଚାହିଁ ରହିଛନ୍ତି।
ସୋସିଆଲ ମିଡିଆରେ ଭିଡିଓଟି ଧମାଲ କରୁଛି। ଭିଡିଓଟିକୁ ଶେୟାର କରିବା ବେଳେ ବ୍ୟକ୍ତିଜଣଙ୍କ ଏହା ହେଉଛି ୨୦୨୧ର ଭାରତ ବୋଲି କ୍ୟାପ୍ଶନ ଲେଖିଛନ୍ତି। ଇତି ମଧ୍ୟରେ ଲକ୍ଷ ଲକ୍ଷ ଲୋକ ଏହାକୁ ଦେଖିସାରିଲେଣି। ହଜାର ହଜାର ଲୋକ ମଧ୍ୟ ଏହାକୁ ପସନ୍ଦ କରିଛନ୍ତି।
This is 2021 India 🇮🇳 pic.twitter.com/iSE0xDeGgP
— Sandeep Bisht (@iSandeepBisht) September 7, 2021
