ନୀଳଗିରି, ୨୭।୪( ପ୍ରଶାନ୍ତ ବିଶ୍ୱାସ ): ବିଦ୍ୟାଳୟ ଅଫିସରେ ତାଲା, ଭାରପ୍ରାପ୍ତ ପ୍ରଧାନ ଶିକ୍ଷକ ଗୋବିନ୍ଦ ଚନ୍ଦ୍ର ସାମଲଙ୍କ ସହିତ ଦୁଇ ଶିକ୍ଷୟତ୍ରୀ ଗୃହବନ୍ଦୀ। ବାଲେଶ୍ବର ଜିଲା ଖନ୍ତାପଡ଼ା ଥାନା ଶାସନପଦା ୟୁଜି ୟୁପି ବିଦ୍ୟାଳୟରେ ଅଫିସ ରୁମରେ ପ୍ରଧାନଶିକ୍ଷକ ସହ ଦୁଇ ଶିକ୍ଷୟିତ୍ରୀଙ୍କୁ ରଖି ତାଲା ପକାଇଛନ୍ତି ଗାଁ ଲୋକେ। ଅଭିଯୋଗ ଅନୁଯାୟୀ, ସ୍କୁଲର ଶିକ୍ଷୟିତ୍ରୀ ଶୁଭସ୍ମିତା ପାଢ଼ିଙ୍କ ବଦଳି ନିକଟରେ ସ୍କୁଲ କମିଟି ଅଜାଣତରେ ହୋଇଥିବା ବେଳେ ସୋମବାର ଅଭିଭାବକ ସମେତ କମିଟି ସଦଶ୍ୟ ପ୍ରଧାନଶିକ୍ଷକଙ୍କୁ ପଚାରିବାକୁ ଆସିଥିଲେ। ହେଲେ ସନ୍ତୋଷଜନକ ଉତ୍ତର ପରିବର୍ତ୍ତେ ପ୍ରଧାନଶିକ୍ଷକ ସଭିଙ୍କୁ ଖରାପ ବ୍ୟବହାର କରିଥିବାବେଳେ ସ୍କୁଲ ଅଫିସ ରୁମରେ ଦୁଇ ଶିକ୍ଷୟିତ୍ରୀଙ୍କ ସମେତ ପ୍ରଧାନଶିକ୍ଷକଙ୍କୁ ତିନିଘଣ୍ଟା ଧରି ତାଲା ପକାଇଛନ୍ତି ଅଭିଭାବକ ସମେତ ଗାଁ ଲୋକେ। ସେପଟେ ଖନ୍ତାପ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା ପରେ ସମାଧାନ ହୋଇଥିଲା।
