ଗୋପାଳପୁର,୨୨ା୧୨(ଡି.ଏନ.ଏ.): ସହର ଉପକଣ୍ଠସ୍ଥ ଶୀତାଳପଲ୍ଲୀସ୍ଥିତ ପାରଳା ମହାରାଜା ଯାନ୍ତ୍ରିକ ମହାବିଦ୍ୟାଳୟର ଛାତ୍ର ତଥା ଇମାଜିକ୍ସ କ୍ଲବର ସଦସ୍ୟ କେ. ବିଜୟ କୁମାର ରେଡ଼ି ଗୋପାଳପୁର ବେଳାଭୂମି ମହୋତ୍ସବ ପାଳନ ଅବସରରେ ଚକଖଡିରେ ଅତି ସୁକ୍ଷ୍ମ ତଥା ସୁନ୍ଦର କାରୁକାର୍ଯ୍ୟରେ ଲାଇଟ୍ ହାଉସ ନିର୍ମାଣ କରିଛନ୍ତି। ଏହି ସୂକ୍ଷ୍ମ କାରିଗରିକୁ ବିଜୟ ବୁଧବାର ବ୍ରହ୍ମପୁର ଉପଜିଲାପାଳ ଆଶୁତୋଷ କୁଲକର୍ଣ୍ଣିଙ୍କୁ ଭେଟି ଉପହାର ସୂରପ ପ୍ରଦାନ କରିଛନ୍ତି। ଏହି ସୂକ୍ଷ୍ମ କାରିଗରି ୨ ସେମି ଉଚ୍ଚ ହୋଇଥିବା ବେଳେ ମାତ୍ର ଗୋଟିଏ ଲେଖାଏଁ ଖଡ଼ିରେ ନିର୍ମିତ ହୋଇଛି। ଚକରେ ନିର୍ମିତ ଏହି ପ୍ରତିକୃତିକୁ ସେ ମାତ୍ର ୧ ଘଣ୍ଟା ସମୟ ମଧ୍ୟରେ ନିର୍ମାଣ କରିଥିଲେ। ବିଜୟ ଏହା ପୂର୍ବରୁ ଏପରି ସୂକ୍ଷ୍ମ କାରିଗରୀମାନ ନିର୍ମାଣ କରି ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରି ପାରିଥିବା ବେଳେ ନିଜ ନାମକୁ ଇଣ୍ଡିଆ ଓ ଏସିଆ ବୁକ ଅଫ ରେକର୍ଡରେ ସ୍ଥାନିତ କରିପାରିଛନ୍ତି। ତାଙ୍କର କାଳକୃତି ନିର୍ମାଣକୁ ଗୋପାଳପୁର ବେଳାଭୂମି ମହୋତ୍ସବରେ ପଲିଶ୍ରୀ ମେଳାରେ ପରିଦର୍ଶନ କରାଯିବା ଏବଂ କଳାକାରଙ୍କୁ ଚକ ପ୍ରଦାନ କରିବେ ବୋଲି କହିଛନ୍ତି। ବିଜୟଙ୍କ ଏହି ସୁନ୍ଦର କାରୁକାର୍ଯ୍ୟକୁ ମହାବିଦ୍ୟାଳୟ ଅଧ୍ୟକ୍ଷ ପ୍ରଫେସର ରଞ୍ଜନ କୁମାର ସ୍ବାଇଁ, ପ୍ରଫେସର ସାଗର, ଭଗବତ ପଣ୍ଡା ପ୍ରମୁଖ ପ୍ରଶଂସା କରିଥିଲେ।
