ନୂଆଦିଲ୍ଲୀ,୧୯।୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର କର୍ନାଟକର କୋଡାକାଲରେ ଜଳସେଚନ, ପାନୀୟ ଜଳ ଏବଂ ଜାତୀୟ ରାଜପଥ ବିକାଶ ପ୍ରକଳ୍ପ ସହ ଜଡିତ ବିଭିନ୍ନ ବିକାଶମୂଳକ ପ୍ରକଳ୍ପର ମୂଳଦୁଆ ପକାଇଛନ୍ତି। ଚଳିତ ମାସରେ ଏହା ହେଉଛି ମୋଦିଙ୍କର ଦ୍ୱିତୀୟ କର୍ନାଟକ ଗସ୍ତ। ଏହି ଗସ୍ତ ସମୟରେ କର୍ନାଟକର କାଲାବୁରାଗି ଜିଲାରେ ମୋଦି ଢୋଲ ବଜାଇଛନ୍ତି। ମୋଦି ଢୋଲ ବଜାଇବା ସମୟରେ ବେଶ୍ ଖୁସି ଜଣାପଡୁଥିଲେ। ଉପସ୍ଥିତ ଜନତା ଏବଂ ନେତା କରତାଳି ଦେଇ ଉତ୍ସାହିତ କରିଥିଲେ।
ଏହି ଅବସରରେ ପ୍ରଧାନମନ୍ତ୍ରୀ କହିଛନ୍ତି, ଅଧିକାଂଶ ଦଳିତ, ପଛୁଆ, ଆଦିବାସୀ ଯଉଁମାନେ କେବେ ବି ବ୍ୟାଙ୍କର ଦ୍ୱାର ଦେଖି ନ ଥିଲେ, ଜନ ଧନ ବ୍ୟାଙ୍କ ଆକାଉଣ୍ଟଗୁଡିକ କୋଟି କୋଟି ବଞ୍ଚିତ ଲୋକଙ୍କୁ ବ୍ୟାଙ୍କ ସହିତ ସଂଯୋଗ କରିଛି। ପୂର୍ବ ସରକାର କେବଳ ଅଳ୍ପ ଜଙ୍ଗଲଜାତ ଦ୍ରବ୍ୟ ଉପରେ ଏମଏସପି ଦେଉଥିବାବେଳେ ଆମ ସରକାର ୯୦ରୁ ଅଧିକ ଜଙ୍ଗଲ ଉତ୍ପାଦ ଉପରେ ଏମଏସପି ଦେଉଛନ୍ତି। କର୍ନାଟକ ସରକାରଙ୍କ ନିଷ୍ପତ୍ତି ପରେ, ବର୍ତ୍ତମାନ ଏହାର ସୁବିଧା ତାଣ୍ଡାରେ ରହୁଥିବା ସମସ୍ତ ପରିବାର ପାଇଁ ମଧ୍ୟ ଉପଲବ୍ଧ ହେବ।
#WATCH | Karnataka: PM Narendra Modi plays traditional drum during a public rally in Kalaburagi district pic.twitter.com/vyfgKAVQnO
— ANI (@ANI) January 19, 2023
