ଦକ୍ଷିଣ ଏସିଆ କରାଟେରେ ଭାଗନେବେ ଭାଲେଣ୍ଟିନା, ବ୍ରତତୀ, ମଧୁପ୍ରିୟା
11:26 amNovember 26, 2022November 26, 2022 / 41

ଭୁବନେଶ୍ୱର, ୨୬।୧୧(ସ୍ପୋଟର୍‌ସ ବ୍ୟୁରୋ): ଶ୍ରୀଲଙ୍କାର କଲମ୍ବୋଠାରେ ଦକ୍ଷିଣ ଏସିଆ କରାଟେ ପ୍ରତିଯୋଗିତା ଅନୁଷ୍ଠିତ ହେଉଛି। ଏଥିରେ ଅଂଶଗ୍ରହଣ କରିବା ଲାଗି ଓଡ଼ିଶାର ଭାଲେନା ଭାଲେଣ୍ଟିନା, ବ୍ରତତି ବିଶ୍ୱପ୍ରଭା ପତି ଓ ମଧୁପ୍ରିୟା କଲମ୍ବୋ ଯାତ୍ରା କରିଛନ୍ତି। ଜାତୀୟ ପ୍ରତିଯୋଗିତାର ଫଳାଫଳ ଭିତ୍ତିରେ କରାଟେ ଇଣ୍ଡିଆ ଅର୍ଗାନାଇଜେଶନ (କେଆଇଓ) ଦ୍ୱାରା ଉପରୋକ୍ତ ୩ଜଣ ଓଡ଼ିଶାରୁ ଭାରତୀୟ ଦଳରେ ପ୍ରତିନିଧିତ୍ୱ କରିବା ସୁଯୋଗ ପାଇଛନ୍ତି। ଭାଲେଣ୍ଟିନା ମହିଳା ବ୍ୟକ୍ତିଗତ କାଟା, ମଧୁପ୍ରିୟା କ୍ୟାଡେଟ୍‌ ମହିଳା ବ୍ୟକ୍ତିଗତ କାଟା ଏବଂ ବ୍ରତତୀ ମହିଳା ୫୦ କିଗ୍ରା କୁମିତେ ପ୍ରତିଯୋଗିତାରେ ଭାଗ ନେବେ। ଓଡ଼ିଶା ରାଜ୍ୟ କରାଟେ ସଂଘ ସମ୍ପାଦକ ଡ. ଗୌରି ମହାନ୍ତି ଓ ଅନ୍ୟକର୍ମକର୍ତ୍ତାଗଣ ସେମାନଙ୍କର ଶୁଭକାମନା କରିଛନ୍ତି।