Posted inଫୁରସତ

ଇଏ ବି ଭ୍ୟାକ୍ସିନେସନ ସେଣ୍ଟର

କୋଭିଡ୍‌-୧୯ର ମୁକାବିଲା ପାଇଁ ସାରା ପୃଥିବୀରେ ଚାଲିଛି ଟିକାକରଣ ବା
ଭ୍ୟାକ୍ସିନେସନ। ଭୟ ଓ ଆତଙ୍କ ମଧ୍ୟରେ ଜିଉଥିବା ମଣିଷଙ୍କ ପାଇଁ ଏହା ହିଁ ଜିଇବାର ଏକମାତ୍ର ଭରସା। ତେବେ ଲୋକଙ୍କ ମନରୁ ଭୟ ଦୂର କରିବା ତଥା ସକାରାତ୍ମକ ଭାବ ସୃଷ୍ଟି କରିବା ପାଇଁ ପୃଥିବୀର ବିଭିନ୍ନ ସ୍ଥାନରେ ଏମିତି କିଛି ସ୍ଥଳକୁ ଭ୍ୟାକ୍ସିନେସନ ସେଣ୍ଟର
କରାଯାଇଛି; ଯାହାକି ବେଶ୍‌ ଅଜବ…
କ୍ରାଇଷ୍ଟ ଦ ରିଡିମର୍‌ : ବ୍ରାଜିଲ୍‌ରେ ଭ୍ୟାକ୍ସିନେସନ ପ୍ରତି ଅଧିକ ଲୋକଙ୍କ ଦୃଷ୍ଟି ଆକର୍ଷଣ କରିବା ପାଇଁ ରିଓ ଡି ଜେନିରୋସ୍ଥିତ ଲୋକପ୍ରିୟ ସ୍ମାରକ କ୍ରାଇଷ୍ଟ: ଦ ରିଡିମର୍‌(ଯିଶୁ ଖ୍ରୀଷ୍ଟଙ୍କ ପ୍ରତିମା) କୁ ଭାକ୍ସିନେସନ ସେଣ୍ଟର ଭାବେ ବଛାଯାଇଛି। ଲୋକେ ଏହି ବିଶାଳ ପ୍ରତିମା ତଳେ ଭାକ୍ସିନ ନେଉଛନ୍ତି। ଆଉ ପ୍ରଭୁ ଯିଶୁଙ୍କ ନିକଟରେ ଭ୍ୟାକ୍ସିନ୍‌ ନେବାକୁ ସୌଭାଗ୍ୟ ମନେ କରିବା ସହ ନିଜକୁ ସୁରକ୍ଷିତ ବୋଲି ମଧ୍ୟ ମନେକରୁଛନ୍ତି।
ଡିଜ୍‌ନୀଲାଣ୍ଡ: ଡିଜ୍‌ନୀଲାଣ୍ଡ ସବୁ ପିଲାଙ୍କର ଅତି ପ୍ରିୟ ସ୍ଥାନ। ଏଠାକୁ ଯିବା ଅନେକଙ୍କ ଜୀବନର ଏକ ସ୍ବପ୍ନ ବି। ହେଲେ କୋଭିଡ୍‌ ଲାଗି ଶୂନ୍‌ଶାନ୍‌ ହୋଇଯାଇଥିବା ଫ୍ରାନ୍ସର ପ୍ୟାରିସ୍‌ରେ ଥିବା ଡିଜ୍‌ନୀଲାଣ୍ଡକୁ କୋଭିଡ୍‌-୧୯ ଭ୍ୟାକ୍ସିନେସନ ସେଣ୍ଟରରେ ରୁପାନ୍ତରିତ କରି ଦିଆଯାଇଛି। ସପ୍ତାହାନ୍ତ ବା ଓ୍ବିକେଣ୍ଡରେ ଏଠାରେ ଲୋକଙ୍କୁ ଭାକ୍ସିନ ଦିଆଯାଉଛି।
ଡ୍ରାକୁଲା କ୍ୟାସେଲ୍‌: ଟ୍ରାନ୍‌ସିଲଭାନିଆର ବ୍ରାନ୍‌ କ୍ୟାସେଲ୍‌, ଯାହା କି ଡ୍ରାକୁଲା କ୍ୟାସେଲ୍‌ଭାବେ ବହୁଳ ପରିଚିତ, ତାକୁ ମଧ୍ୟ ଭ୍ୟାକ୍ସିନେସନ ସେଣ୍ଟର କରାଯାଇଛି। ଭାବୁଥିବେ ଡ୍ରାକୁଲା ବୋଧେ ଭ୍ୟାକ୍ସିନ୍‌ର ଲୋଭ ଦେଖାଇ ନିଜ ଜାଲରେ ଫସାଇବାକୁ ଚାହୁଁଛି। କିନ୍ତୁ ସେମିତି କିଛି ନୁହେଁ, ଲୋକମାନେ ଏଠାରେ ସୁରକ୍ଷିତ ଭାବେ ଭ୍ୟାକ୍ସିନ ନେଇ ଘରକୁ ଫେରୁଛନ୍ତି।
ନ୍ୟୁୟର୍କ ମ୍ୟୁଜିୟମ୍‌: ଏପ୍ରିଲ ମାସରେ ନ୍ୟୁୟର୍କର ଆମେରିକାନ୍‌ ମ୍ୟୁଜିୟମ୍‌ ଅଫ୍‌ ନାଚୁରାଲ୍‌ ହିଷ୍ଟ୍ରୀରେ କୋଭିଡ୍‌-୧୯ର ଟିକାକରଣ ଆରମ୍ଭ ହୋଇଛି। ଏହି ଅଭିଯାନ ସମୟରେ ଲୋକମାନେ ସଂଗ୍ରହାଳୟରେ ନିର୍ମିତ ୯୪ ଫୁଟ୍‌ର ବିଶାଳ ବ୍ଲୁ ହ୍ବେଲ୍‌ ମଡେଲ ତଳେ ଭାକ୍ସିନ ନେଇଥିଲେ। ତେବେ ମଜାର କଥା ସେହି ବ୍ଲୁ ହ୍ବେଲ୍‌ ମଡେଲକୁ ବି ବ୍ୟାଣ୍ଡେଡ୍‌ ଲଗାଯାଇଥିଲା। ଯେମିତି କି ହ୍ବେଲ୍‌ଟି ଟିକାକରଣର ପ୍ରତୀକ ଭଳି ଲାଗିବ।
ଏପ୍‌ସମ୍‌ ଡାଉନ୍ସ ରେସ୍‌ କୋର୍ସ: ଦକ୍ଷିଣ ଇଂଲଣ୍ଡରେ ପ୍ରସିଦ୍ଧ ‘ଏପ୍ସମ୍‌ ଡାଉନ୍ସ ରେସ୍‌କୋର୍ସ’, ‘ଦ ଡର୍ବି’ ସମର୍‌ ହର୍ସ ରେସିଂ ବା ଘୋଡା ଦୌଡ ଇଭେଣ୍ଟ ଆୟୋଜନ କରିଥାଏ। ଏହାର ମଜା ଉଠାଇବାକୁ ଉକ୍ତ ରେସ୍‌କୋର୍ସରେ ଲୋକଙ୍କର ପ୍ରବଳ ଗହଳି ହୋଇଥାଏ। ତେବେ କୋଭିଡ ପାଇଁ ଶୂନ୍‌ଶାନ୍‌ ହୋଇଯାଇଥିବା ଏହି ସ୍ଥାନକୁ ବି ବ୍ରିଟେନ୍‌ରେ ଅସ୍ଥାୟୀ ଟିକାକରଣ ଭାବେ ପରିଣତ କରାଯାଇଛି।
ଓ୍ବାଟର ପାର୍କ: ଦିନେ ଏହି ଓ୍ବାଟରପାର୍କରେ ଛୋଟପିଲାଙ୍କଠାରୁ ଆରମ୍ଭ କରି ବୟସ୍କ ସମସ୍ତେ ଖୁବ୍‌ ମସ୍ତି କରୁଥିଲେ। କିନ୍ତୁ ମହାମାରୀ ଲାଗି ସେଠି ଏବେ ଦେଖିବାକୁ ମିଳୁନି ମଜାମସ୍ତିର ଦୃଶ୍ୟ। ତାହା ଏବେ ପାଲଟିଛି ଭ୍ୟାକ୍ସିନେସନ ସେଣ୍ଟର। ଏହି ସ୍ଥାନଟି ହେଉଛି ସ୍କଟଲାଣ୍ଡର ଟାଇମ୍‌ କ୍ୟାପ୍ସୁଲ ଓ୍ବାଟରପାର୍କ।
ଆଇସ୍‌ ରିଙ୍କ: ଆଇସ୍‌ ସ୍କେଟିଂ ପାଇଁ ତିଆରି ହୋଇଥିବା ଆଇସ୍‌ ରିଙ୍କ ବି ଭ୍ୟାକ୍ସିନେସନ୍‌ ସେଣ୍ଟର ଭାବେ ବ୍ୟବହାର ହେଉଛି। ବର୍ଲିନ୍‌ର ଏରିକା ହେସ୍‌ ଆଇସ୍‌ ଷ୍ଟାଡିୟମ ହେଉଛି ଜର୍ମାନୀ କ୍ୟାପିଟାଲ ବର୍ଲିିନ୍‌ର ପ୍ରଥମ ଭ୍ୟାକ୍ସିନେସନ୍‌ ସେଣ୍ଟର।
ବେସ୍‌ବଲ୍‌ ପାର୍କ: କୋଭିଡ୍‌ ପାଇଁ ସବୁ ପ୍ରକାରର କ୍ରୀଡା ପ୍ରତିଯୋଗିତା ବନ୍ଦ। ନ୍ୟୁୟର୍କର ସିଟି ଫିଲ୍ଡ ବେସ୍‌ବଲ୍‌ ପାର୍କରେ ବି ଆଉ ବେସ୍‌ ବଲ୍‌ ଖେଳର ଆୟୋଜନ ହେଉନି। ତେଣୁ ଏହାକୁ ଏବେ ଭ୍ୟାକ୍ସିନେସନ ସେଣ୍ଟର କରାଯାଇଛି।
କ୍ୟାଥେଡ୍ରାଲ୍‌ରେ ଭ୍ୟାକ୍ସିନ୍‌: ଇଂଲଣ୍ଡ, ସାଲିସ୍‌ବରିରେ ଥିବା ୮୦୦ ବର୍ଷ ପୁରାତନ ସାଲିସ୍‌ବରି କ୍ୟାଥେଡ୍ରାଲ ଏକ ପବିତ୍ର ସ୍ଥଳ। ଭର୍ଜିନ ମେରୀ ପୂଜା ପାଉଥିବା ଏହି କ୍ୟାଥେଡ୍ରାଲ୍‌ର ଶାନ୍ତ ପରିବେଶ ମଧ୍ୟରେ ଏବେ ଚାଲିଛି ଭ୍ୟାକ୍ସିନେସନ।
ନଦୀରେ ଭାକ୍ସିନେସନ ସେବା: ନିକଟରେ ଶ୍ରୀନଗରର ଡାଲ୍‌ ହ୍ରଦ କୂଳରେ ଡଙ୍ଗା ଚଳାଉଥିବା ଶିକାରାଓ୍ବାଲାଙ୍କୁ ହ୍ରଦ କୂଳରେ ଡଙ୍ଗା ଉପରେ ବସାଇ ଭ୍ୟାକ୍ସିନ ଦିଆଯାଉଥିଲା। ସେହିଭଳି ବ୍ରାଜିଲ୍‌ର ସୋଲିମସ୍‌ ନଦୀରେ ଜଳସ୍ତର ବଢିବା ଯୋଗୁ ଆମାଜନ୍‌ ନଦୀରେ ବନ୍ୟା ଆସିଥିଲା। ସେତେବେଳେ ଲୋକଙ୍କୁ ଆମାଜନ ନଦୀରେ ଡଙ୍ଗା ଉପରେ ଭ୍ୟାକ୍ସିନ ଦିଆଯାଇଥିଲା।
ଭ୍ୟାକ୍ସି ବସ୍‌: ପୂର୍ବ ଫ୍ରାନ୍ସରେ ବୟୋଜ୍ୟେଷ୍ଠ ବ୍ୟକ୍ତିଙ୍କ ଅସୁବିଧାକୁ ଧ୍ୟାନରେ ରଖି ‘ଭ୍ୟାକ୍ସି ବସ୍‌’ର ସୁବିଧା ପ୍ରଦାନ କରାଯାଉଛି। ଏହି ସୁବିଧା ସେହି ବୟୋଜ୍ୟେଷ୍ଠ ବ୍ୟକ୍ତିଙ୍କ ପାଇଁ, ଯେଉଁମାନେ କି ଭ୍ୟାକ୍ସିନେସନ ସେଣ୍ଟର ପର୍ଯ୍ୟନ୍ତ ଯିବାକୁ ସମର୍ଥ ନୁହନ୍ତି।


Enter your email to get our daily news in your inbox.

All Right Reserved By Dharitri.Com

IPL ଇତିହାସରେ ହେବାକୁ ଯାଉଛି ସବୁଠାରୁ ବଡ଼ ପରିବର୍ତ୍ତନ! ICC ପ୍ରସ୍ତୁତ କରିଛି ବିଶାଳ ଯୋଜନା

ନୂଆଦିଲ୍ଲୀ,୧୭।୧୧: ଆଇପିଏଲ (IPL) ସମ୍ବନ୍ଧୀୟ ଏକ ବଡ଼ ଖବର ସାମ୍ନାକୁ ଆସିଛି, ଯାହା ନିଶ୍ଚିତ ଭାବରେ କ୍ରିକେଟ ପ୍ରଶଂସକମାନଙ୍କୁ ଖୁସି କରିବ। ବିଶ୍ୱର ସବୁଠାରୁ ବଡ଼ ଟି-୨୦…

ହର୍ମୁଜ ପ୍ରଣାଳୀରେ ବାରୁଦ ସୁଡ଼ଙ୍ଗ ସହ ଧକ୍କା ହେଲା ତୈଳ ଟ୍ୟାଙ୍କ; ଇଞ୍ଜିନ ରୁମରେ ଲାଗିଲା ନିଆଁ

ତେହରାନ,୧୭।୧୧: ପଶ୍ଚିମ ଏସିଆରେ ଚାଲିଥିବା ସଂଘର୍ଷଯେଉଁଥିରେ ଆମେରିକା, ଇସ୍ରାଏଲ ଏବଂ ଇରାନ ସାମିଲ ଅଛନ୍ତିତାହା ବର୍ତ୍ତମାନ ସାମୁଦ୍ରିକ ବାଣିଜ୍ୟ ପଥ ଉପରେ ପ୍ରଭାବ ପକାଉଛି। ଓମାନ ନିକଟସ୍ଥ…

ଡେବ୍ରିଗଡ଼ ଅଭୟାରଣ୍ୟରେ ବନ୍ୟପ୍ରାଣୀ ଶିକାର ଯୋଜନା ପଣ୍ଡ: ୪ ଅଭିଯୁକ୍ତ ଗିରଫ

ସମ୍ବଲପୁର,୧୭।୧୧(ପ୍ରମୋଦ ବହିଦାର): ଡେବ୍ରିଗଡ଼ ବନ୍ୟପ୍ରାଣୀ ଅଭୟାରଣ୍ୟରେ ବନ୍ୟଜନ୍ତୁ ଶିକାର ପାଇଁ ଫାଶ ବସାଇବା ଯୋଜନାକୁ ବନ ବିଭାଗ ପଣ୍ଡ କରିବା ସହ ୪ ଜଣ ଅଭିଯୁକ୍ତଙ୍କୁ ଗିରଫ…

ଏଇ ଭାରତରେ

ମହାରାଷ୍ଟ୍ରର କୋହ୍ଲାପୁର ଜିଲା କରବିର ବ୍ଲକ୍‌ର ଛୋଟ ଗାଁ ଶିଲ୍‌କଓ୍ବାଡ଼ି। ଏଠାରେ କେବଳ ଗୋଲାପି ରଙ୍ଗର ଘର ଦେଖିବାକୁ ମିଳେ। ସେଥିପାଇଁ ଏହା ପିଙ୍କ୍‌ ଭିଲେଜ ବା…

ଦାନ, ଦମ୍ଭ ଓ ଦୁର୍ଦ୍ଦିନର ଆତ୍ମସମ୍ମାନ

ଯେତେବେଳେ ଜଣେ ବ୍ୟକ୍ତି କିମ୍ବା ଗୋଷ୍ଠୀ ସାମାଜିକ ସ୍ତରରେ ନିଜକୁ ଅନ୍ୟମାନଙ୍କଠାରୁ ଶ୍ରେଷ୍ଠ ବୋଲି ପ୍ରମାଣ କରିବାକୁ ଚେଷ୍ଟା କରନ୍ତି, ସେତେବେଳେ ତାହା ଅହଂକାରରେ ପରିଣତ ହୁଏ।…

ସମବାୟରେ ମାନବ ସମ୍ବଳ ନୀତି

ନୂଆଦିଲ୍ଲୀଠାରେ ମିଳିତ ଜାତିସଂଘ ତରଫରୁ ୨୦୨୪ ନଭେମ୍ବରରେ ଯେଉଁ ଅନ୍ତର୍ଜାତୀୟ ସମବାୟ ସମ୍ମିଳନୀ କରାଯାଇଥିଲା ତାହାର ନିଷ୍କର୍ଷକୁ କାର୍ଯ୍ୟକାରୀ କରିବା ପାଇଁ କେନ୍ଦ୍ର ସମବାୟ ମନ୍ତ୍ରଣାଳୟ ଯୋଜନାମାନ…

ପୋଲିସ ଏନ୍‌କାଉଣ୍ଟର

ପଶ୍ଚିମବଙ୍ଗର ବୀରଭୂମ ଜିଲାରେ ୧୫ ନଭେମ୍ବରରେ ପୋଲିସ ଗୁଳିରେ ରତନ ଶେଖ୍‌ ନାମକ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ଏହି ହତ୍ୟାକୁ ଏନ୍‌କାଉଣ୍ଟର ଆଖ୍ୟା ଦିଆଯାଇଛି। ପୋଲିସ…

ବଡ଼ ଗୁମର ଖୋଲିଲେ ଆର୍ଯ୍ୟବୀର ସେହ୍ବାଗ: ଯନ୍ତ୍ରଣାରେ ଛଟପଟ ହେଉଥିଲେ….

ନୂଆଦିଲ୍ଲୀ,୧୭।୧୧: କ୍ରିକେଟ ପଡ଼ିଆରେ ଲଢ଼େଇ କେବଳ ବ୍ୟାଟ ଓ ବଲ୍‌ରେ ହୁଏ ନାହିଁ, ବେଳେବେଳେ ମନୋବଳ ଓ ଈଶ୍ୱରଙ୍କ ଉପରେ ବିଶ୍ୱାସ ମଧ୍ୟ ବଡ଼ ଭୂମିକା ନିଭାଇଥାଏ।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?