କୋଶାମ୍ବି,୮।୭: ଉତ୍ତରପ୍ରଦେଶର କୋଶାମ୍ବିରେ ଜିଲା ପଞ୍ଚାୟତ ବୈଠକରେ ଅଫଜଲପୁରୱାରୀ ଗାଁର ନାମ ପରିବର୍ତ୍ତନ ପାଇଁ ଦାବି ହୋଇଛି। ଜିଲା ପଞ୍ଚାୟତ ସଦନର ଅନୁଷ୍ଠିତ ଏହି ବୈଠକରେ ଜିଲା ପଞ୍ଚାୟତ ସଦସ୍ୟ ତୁଫାନ ସିଂ ଯାଦବ ଏକ ପ୍ରସ୍ତାବ ଉପସ୍ଥାପନ କରିଥିଲେ। ବିଶେଷ କଥା ହେଉଛି, ଉତ୍ତରପ୍ରଦେଶ ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟଙ୍କ ଶଶୂର ଘର ଗାଁ ହେଉଛି ଅଫଜଲପୁରୱାରୀ। ମଙ୍ଗଳବାର ଜିଲା ପଞ୍ଚାୟତ ସଦସ୍ୟ ତୋଫାନ ସିଂ ଯାଦବ ବୈଠକରେ କହିଛନ୍ତି ଯେ, ସଂସଦ ଭବନ ଆକ୍ରମଣରେ ଦୋଷୀ ସାବ୍ୟସ୍ତ ହୋଇଥିବା ମାଷ୍ଟରମାଇଣ୍ଡ ଆତଙ୍କବାଦୀ ଅଫଜଲଙ୍କ ନାମ ଭଳି ଅଫଜଲପୁରଓ୍ବାରୀ ଗାଁ ନାମ ପ୍ରକାଶ ପାଉଛି। ଏଭଳି ପରିସ୍ଥିତିରେ ଗାଁ ନାମକୁ ପରିବର୍ତ୍ତନ କରି ଶିବପୁର ରଖିବା ଉଚିତ୍ ବୋଲି ସେ କହିଛନ୍ତି। ବର୍ତ୍ତମାନ ଆଶା କରାଯାଉଛି ଯେ, ଜିଲା ପଞ୍ଚାୟତ ସଭାପତି କଳ୍ପନା ସୋନକର ଯଥାଶୀଘ୍ର ଏହି ପ୍ରସ୍ତାବ ଉପରେ କାର୍ଯ୍ୟ କରିବେ ଏବଂ ତାଙ୍କର ଶେଷ ମୋହର ଲାଗିପାରେ ବୋଲି ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି। ତେବେ ଦେଖାଯାଉ ଗାଁର ନାମ କେବେ ପରିବର୍ତ୍ତନ ହେଉଛି ତା’କୁ ନେଇ ଅଞ୍ଚଳବାସୀ ଅପେକ୍ଷା କରିଛନ୍ତି।
