ଜ୍ୟୋତିଷ ଅନୁସାରେ ସିଂହ ରାଶିରେ ସୂର୍ଯ୍ୟ ଏବଂ କେତୁଙ୍କ ଯୁତି ଯୋଗୁ କିଛି ରାଶିର ଲୋକଙ୍କୁ ସତର୍କ ରହିବାକୁ ପଡ଼ିପାରେ। ସୂର୍ଯ୍ୟଙ୍କ ଉପରେ କେତୁଙ୍କ ଛାୟା ରହିବ। ସୂର୍ଯ୍ୟ ଗ୍ରହ ୧୭ ସେପ୍ଟେମ୍ବରରେ ସିଂହ ରାଶିରୁ ବାହାରି କନ୍ୟା ରାଶିରେ ପ୍ରବେଶ କରିବେ। ଏହି ସମୟ ମଧ୍ୟରେ ସୂର୍ଯ୍ୟ-କେତୁଙ୍କ ଯୁତି ଯୋଗୁ କିଛି ରାଶିଙ୍କୁ ସମସ୍ୟାର ସାମ୍ନା କରିବାକୁ ପଡ଼ିପାରେ।
ଜ୍ୟୋତିଷ ଗଣନା ଅନୁସାରେ ବିଛା, ମକର ଏବଂ କୁମ୍ଭ ରାଶିର ଲୋକଙ୍କ ପାଇଁ ଏହି ସମୟ ଚ୍ୟାଲେଞ୍ଜିଂ ହୋଇପାରେ। ଆର୍ଥିକ କ୍ଷତି ସହ ସ୍ବାସ୍ଥ୍ୟ ସମ୍ପର୍କିତ ସମସ୍ୟା ମଧ୍ୟ ଚିନ୍ତାର କାରଣ ହୋଇପାରେ।
ବିଛା ରାଶିର ଲୋକଙ୍କୁ କ୍ୟାରିୟର କ୍ଷେତ୍ରରେ କିଛି ସମସ୍ୟାର ସାମ୍ନା କରିବାକୁ ପଡ଼ିପାରେ। ଅଫସରେ କାହା ସହ ଯୁକ୍ତିତର୍କ କରିବାରୁ ଦୂରେଇ ରୁହନ୍ତୁ। ତରବରିଆ ଭାବେ କୌଣସି ନିଷ୍ପତ୍ତି ନେଲେ ତାହା ଭାରି ପଡ଼ିପାରେ। ଏହି ସମୟରେ ନିବେଶ କରିବା ଦ୍ୱାରା କ୍ଷତି ହେବାର ଆଶଙ୍କା ରହିଛି। ତେଣୁ ଆର୍ଥିକ ମାମଲାରେ ବିଶେଷ ସତର୍କ ରହିବା ଆବଶ୍ୟକ।
ମକର ରାଶିର ଲୋକଙ୍କୁ ଯାତ୍ରା ସମୟରେ ଅଧିକ ସତର୍କ ରହିବାକୁ ପଡ଼ିପାରେ। କୋର୍ଟ-କଚେରୀ ସମ୍ପର୍କିତ ମାମଲାରେ ହାରର ସାମ୍ନା କରିବାକୁ ପଡ଼ିପାରେ। ହଠାତ୍ ଖର୍ଚ୍ଚ ବଢ଼ିଯିବାରୁ ଆର୍ଥିକ ଚାପ ମଧ୍ୟ ବଢ଼ିପାରେ। ତେଣୁ ଏହି ସମୟରେ ଖର୍ଚ୍ଚ ଉପରେ ନିୟନ୍ତ୍ରଣ ରଖିବା ଭଲ।
ସୂର୍ଯ୍ୟ-କେତୁଙ୍କ ଯୁତି କୁମ୍ଭ ରାଶିର ଲୋକଙ୍କ ପାଇଁ ଚ୍ୟାଲେଞ୍ଜିଂ ହୋଇପାରେ। ମାନସିକ ଚାପ ବଢ଼ିପାରେ। ପାର୍ଟନର୍ସିପ ବ୍ୟବସାୟରେ କ୍ଷତି ହେବାର ଆଶଙ୍କା ରହିଛି। ସୱାସ୍ଥ୍ୟକୁ ନେଇ ମଧ୍ୟ ସତର୍କ ରହିବା ଆବଶ୍ୟକ। ବ୍ୟବସାୟୀମାନେ ଏହି ସମୟରେ କୌଣସି ବଡ଼ ନିଷ୍ପତ୍ତି ନେବାରୁ ଦୂରେଇ ରହିବା ଭଲ।
