Posted inଜାତୀୟ

ଖାଲରେ କେନ୍ଦ୍ର ପରିବହନ ମନ୍ତ୍ରୀ

ନୂଆଦିଲ୍ଲୀ,୧୨ା୩: ୧୯୮୦ ଦଶକରେ ସ୍ବିଡେନର ଏକ ରେଡିଓ ପକ୍ଷରୁ ପ୍ରସାରିତ ରିପୋର୍ଟରେ ବୋଫର୍ସ ମାମଲାର ପର୍ଦ୍ଦାଫାଶ ହୋଇଥିଲା। ଭାରତକୁ ବିକ୍ରି କରାଯାଇଥିବା ବୋଫର୍ସ ତୋପରେ ବିପୁଳ ଲାଞ୍ଚ କାରବାର ହୋଇଥିବା ଏଥିରେ ଅଭିଯୋଗ ଅଣାଯାଇଥିଲା। ଏହା ଭାରତରେ ରାଜନୈତିକ ଝଡ଼ ସୃଷ୍ଟି କରି ୧୯୮୯ ସାଧାରଣ ନିର୍ବାଚନରେ ରାଜୀବ ଗାନ୍ଧୀ ସରକାରଙ୍କ ପତନର କାରଣ ସାଜିଥିଲା। ସେହିପରି ୨୦୧୩ରେ ଅଗୁସ୍ତା ଓ୍ବେଷ୍ଟଲାଣ୍ଡ ଭିଭିଆଇପି ହେଲିକପ୍ଟର କିଣା ଦୁର୍ନୀତିକୁ ପଦାକୁ ଆଣିବାରେ ମଧ୍ୟ ସ୍ବିଡେନ ଗଣମାଧ୍ୟମର ବଡ଼ ଭୂମିକା ରହିଥିଲା। ଏବେ ସ୍ବିଡେନର ଆଉ କେତେକ ମିଡିଆ ଭିନ୍ନ ଏକ ଦୁର୍ନୀତିକୁ ଲୋକଲୋଚନକୁ ଆଣି ଭାରତର ସଡ଼କ ପରିବହନ ଓ ରାଜପଥ ମନ୍ତ୍ରୀ ନୀତିନ ଗଡ଼କରୀଙ୍କୁ ଖାଲରେ ପକାଇଦେଇଛନ୍ତି। ସ୍ବିଡେନ ଗଣମାଧ୍ୟମରେ ପ୍ରକାଶିତ ଏକ ଅନୁସନ୍ଧାନମୂଳକ ରିପୋର୍ଟ ଭାରତର ସଡ଼କ ପରିବହନ ଓ ରାଜପଥ ମନ୍ତ୍ରୀ ନୀତିନ ଗଡ଼କରୀଙ୍କୁ କାଠଗଡ଼ାରେ ଛିଡ଼ା କରାଇଛି। ଅଟୋ ମେକର୍‌ ସ୍କେନିଆ ଭାରତର କେତେକ ରାଜ୍ୟକୁ ସିଟି ବସ୍‌ ଦେବା କଣ୍ଟ୍ରାକ୍ଟ ପାଇବା ଲାଗି ଗଡ଼କରୀଙ୍କୁ ଫାଇଦା ଦେଇଥିବା ଏଥିରେ କୁହାଯାଇଛି। ମିଡିଆ ରିପୋର୍ଟରେ ଦାବି କରାଯାଇଛି ଯେ ବସ୍‌ ଓ ଟ୍ରକ୍‌ ନିର୍ମାଣକାରୀ ଉକ୍ତ କମ୍ପାନୀର ଆଭ୍ୟନ୍ତରୀଣ ତଦନ୍ତ ଅନୁସାରେ ଗଡ଼କରୀଙ୍କ ପୁଅମାନଙ୍କ ସହ ସମ୍ପର୍କ ଥିବା ଜଣେ ବ୍ୟକ୍ତିଙ୍କୁ ଏକ ବିଳାସପୂର୍ଣ୍ଣ ‘ମେଟ୍ରୋଲିଙ୍କ୍‌ ଏଚ୍‌ଡି’ ବସ୍‌ ଦିଆଯାଇଥିଲା। ସେହି ବସ୍‌ ୨୦୧୬ରେ ଗଡ଼କରୀଙ୍କ ଝିଅ ବାହାଘର ବେଳେ କାମରେ ଲଗାଯାଇଥିଲା। ତେବେ ଏହି ଅଭିଯୋଗକୁ ଗଡ଼କରୀ ଗୁରୁବାର ଖଣ୍ଡନ କରିଛନ୍ତି। ଏହାସହ ଏ ସମ୍ପର୍କିତ ରିପୋର୍ଟ ପ୍ରକାଶ କରିଥିବା ସ୍ବିଡେନ୍‌ର ଏସ୍‌ଟିଭି ଏବଂ ଜର୍ମାନୀ ବ୍ରଡ୍‌କାଷ୍ଟର ଜେଡ୍‌ଡିଏଫ୍‌କୁ ଆଇନଗତ ମାନହାନି ମାମଲା ପାଇଁ ନୋଟିସ ପଠାଇଛନ୍ତି।
ନିକଟରେ ଏସ୍‌ଟିଭି ନ୍ୟୁଜ୍‌ ଚ୍ୟାନେଲ ଦାବି କରିଥିଲା ଯେ ୨୦୧୭ ଶେଷରେ ସ୍କେନିଆର ଅଡିଟରମାନେ ଏହି ଦୁର୍ନୀତି ସମ୍ପର୍କରେ ଜାଣିବାକୁ ପାଇଥିଲେ। ସ୍କେନିଆ ପକ୍ଷରୁ ଭାରତର ସଡ଼କ ପରିବହନ ମନ୍ତ୍ରୀ ନୀତିନ ଗଡ଼କରୀଙ୍କୁ ସ୍ବତନ୍ତ୍ର ଭାବେ ଡିଜାଇନ୍‌ କରାଯାଇଥିବା ଏକ ବିଳାସପୂର୍ଣ୍ଣ ବସ୍‌ ଉପହାର ରୂପେ ଦିଆଯାଇଥିଲା। ଭାରତରେ କାମ ପାଇବା ପାଇଁ ବସ୍‌ ନିର୍ମାଣକାରୀ କମ୍ପାନୀ ଏହି ଉପହାର ଦେଇଛି ବୋଲି ସ୍ପେନିଆର ମାଲିକାନା ସ୍ବତ୍ୱାଧିକାରୀ ଜର୍ମାନୀର ଭୋଲ୍କସଓ୍ବାଗେନ୍‌କୁ ମଧ୍ୟ ତଥ୍ୟ ପ୍ରଦାନ କରାଯାଇଥିବା ଉକ୍ତ ରିପୋର୍ଟରେ ଦର୍ଶାଯାଇଥିଲା।
ଏସ୍‌ଟିଭି ରିପୋର୍ଟ ଅନୁସାରେ ଅଟୋ ମେକର୍‌ ସ୍କେନିଆ ପକ୍ଷରୁ ତାମିଲନାଡୁ, କର୍ନାଟକ, କେରଳ, ଗୋଆ, ମହାରାଷ୍ଟ୍ର, ଆନ୍ଧ୍ରପ୍ରଦେଶ, ଉତ୍ତରପ୍ରଦେଶ, ଗୁଜରାଟ ଓ ରାଜସ୍ଥାନ ଭଳି ୧୨ ରାଜ୍ୟକୁ ବସ୍‌ ଦେବା ପାଇଁ ଉଦ୍ୟମ କରିଥିଲା। ସେଥିରୁ ୭ ରାଜ୍ୟରେ କଣ୍ଟ୍ରାକ୍ଟ ପାଇବା ଲାଗି ଭାରତୀୟ ଅଧିକାରୀମାନଙ୍କୁ ବିପୁଳ ଅର୍ଥ ଲାଞ୍ଚ ଦିଆଯାଇଥିଲା। ଉକ୍ତ ବସ୍‌ଗୁଡ଼ିକୁ ସମ୍ପୃକ୍ତ ରାଜ୍ୟର ପୌରପାଳିକା ଓ ମହାନଗର ନିଗମଗୁଡ଼ିକରେ ସାଧାରଣ ପରିବହନ ପାଇଁ ବ୍ୟବହାର କରାଯାଇଥିଲା। ଗଡ଼କରୀ ପ୍ରକରଣ ୨୦୧୬ ଶେଷ ଆଡ଼କୁ ଘଟିଥିଲା, ଯେତେବେଳେ ଏକ ଲକ୍‌ଜ୍ୟୁରି ବସ୍‌ ଜଣେ ପ୍ରାଇଭେଟ୍‌ ସ୍କେନିଆ ରିସେଲର ବା ଡିଲରଙ୍କ ଜରିଆରେ ବିକ୍ରି କରାଯାଇଥିଲା। ସମ୍ପୃକ୍ତ ଡିଲର ତାକୁ ଏକ କମ୍ପାନୀକୁ ବିକ୍ରି କରିଥିଲେ କିମ୍ବା ଲିଜ୍‌ରେ ଦେଇଥିଲେ, ଯାହାର ସମ୍ପର୍କ ଗଡ଼କରୀଙ୍କ ପୁଅମାନଙ୍କ ସହିତ ରହିଛି। ତେବେ ସେତେବେଳେ ସେହି ବସ୍‌ କିଣାର ଟଙ୍କା ପଇଠ କରାଯାଇ ନ ଥିଲା। ଗଡ଼କରୀଙ୍କ ଝିଅ ବାହାଘରରେ ବ୍ୟବହାର ପାଇଁ ଏପରି କରାଯାଇଥିବା ଉକ୍ତ ରିପୋର୍ଟରେ ଦର୍ଶାଯାଇଛି। ଅନ୍ୟପକ୍ଷେ ଗଡ଼କରୀଙ୍କ ଅଫିସ୍‌ ଏଭଳି ଅଭିଯୋଗକୁ ଭିତ୍ତିହୀନ ଓ ଗଣମାଧ୍ୟମର ମନଗଢ଼ା କଥା ବୋଲି କହିଛି। ୨୦୧୬ର ମିଡିଆ ରିପୋର୍ଟ ଅନୁସାରେ ଗଡ଼କରୀଙ୍କ ଝିଅ ବାହାଘର ବେଳେ ବିପୁଳ ଅର୍ଥ ଖର୍ଚ୍ଚ କରାଯାଇଥିଲା। ଅତିଥିମାନଙ୍କ ଉଡ଼ାଣ ସୁବିଧା ପାଇଁ ୫୦ଟି ଚାର୍ଟାର୍ଡ ଫ୍ଲାଇଟ୍‌ ଭଡ଼ା କରାଯାଇଥିଲା, ଯାହାକୁ ସଡ଼କ ପରିବହନ ମନ୍ତ୍ରୀଙ୍କ ଅଫିସ ଭିତ୍ତିହୀନ ବୋଲି ଦର୍ଶାଇଛି। ବସ୍‌ କିଣାରେ କେନ୍ଦ୍ରମନ୍ତ୍ରୀଙ୍କ ପରିବାରର କିଛି ସମ୍ପର୍କ ନାହିଁ। ଯେଉଁ ବ୍ୟକ୍ତି ବସ୍‌ ନେଇଛନ୍ତି ତାଙ୍କ ସହ ମଧ୍ୟ ଗଡ଼କରୀ ବା ତାଙ୍କ ସମ୍ପର୍କୀୟଙ୍କ ସମ୍ପର୍କ ନାହିଁ ବୋଲି ଏକ ବିବୃତିରେ କୁହାଯାଇଛି।
ମହାରାଷ୍ଟ୍ରର ନାଗପୁରକୁ ସ୍କେନିଆ କମ୍ପାନୀର ଏଥାନୋଲ୍‌ ଚାଳିତ ବସ୍‌ ଆଣିବାରେ ଗଡ଼କରୀ ମୁଖ୍ୟ ଭୂମିକା ଗ୍ରହଣ କରିଥିଲେ। ନାଗପୁରରେ ପାଇଲଟ ପ୍ରୋଜେକ୍ଟ ଆରମ୍ଭ ହେବା ପରେ ଚୁକ୍ତି ଅନୁସାରେ ଦେଶର ଅନ୍ୟ କେତେକ ମହାନଗର ନିଗମର ସଡ଼କରେ ଏହି ବସ୍‌ ଗଡ଼ିଥିଲା। ତେବେ ସ୍କେନିଆର ଏହି ସମ୍ପୂର୍ଣ୍ଣ ପ୍ରକରଣ ସ୍ବିଡେନ୍‌ କମ୍ପାନୀର ଆଭ୍ୟନ୍ତରୀଣ ମାମଲା। ତେଣୁ ଭାରତରେ ଏହି ବ୍ୟାପାର ବୁଝାବୁଝି କରୁଥିବା ସ୍କେନିଆ ଇଣ୍ଡିଆର ଆନୁଷ୍ଠାନିକ ବିବୃତିକୁ ଅପେକ୍ଷା କରିବା ଗଣମାଧ୍ୟମ ପାଇଁ ଉଚିତ ହେବ ବୋଲି ଗଡ଼କରୀଙ୍କ ଅଫିସ କହିଛି। ଅନ୍ୟପକ୍ଷରେ ଏହି ସବୁ ଘଟଣା ସାମ୍ନାକୁ ଆସିବା ପରେ ସ୍କେନିଆ ଭାରତୀୟ ବଜାରରେ ସିଟି ବସ୍‌ ନିର୍ମାଣ ଓ ବିକ୍ରି ବନ୍ଦ କରିଦେଇଥିବା ଜଣାପଡ଼ିଛି।


Enter your email to get our daily news in your inbox.

All Right Reserved By Dharitri.Com

ଦିଲ୍ଲୀ ‘ମିନି କାବୁଲ’ରେ ନିରାଶା

ନୂଆଦିଲ୍ଲୀ,୨୦।୮: ୧୯୧୯ ପରଠାରୁ ପ୍ରତିବର୍ଷ ଅଗଷ୍ଟ ୧୯ରେ ସ୍ବାଧୀନତା ଦିବସ ପାଳନ କରିଥାନ୍ତି ଆଫଗାନିସ୍ତାନବାସୀ। ଏବେ ତାଲିବାନ କବଳକୁ ଦେଶ ଚାଲିଯିବା ସମୟରେ ପୁଣି ସିନା...

ଗୁଜରାଟ ସୀମାରେ ଚାଇନା ଯୁଦ୍ଧ ବିମାନ

ଅହମଦାବାଦ୍‌,୮।୧୨: ଗୁଜରାଟ ସୀମାରେ ଚାଇନା ଯୁଦ୍ଧ ବିମାନ ଠୁଳ କରିବା ସହିତ ସୈନ୍ୟ ବାହିନୀଙ୍କ ସଂଖ୍ୟା ବଢ଼ାଇଛି। ପାକିସ୍ତାନ ସହିତ ଚାଇନା ମିଳିତ ଭାବେ ସୈନ୍ୟ...

ଏକକ ଖଣ୍ଡପୀଠରୁ ବୃହତ୍‌ ଖଣ୍ଡପୀଠକୁ ଗଲା ହିଜାବ ମାମଲା…

ବେଙ୍ଗାଲୁରୁ, ୯।୨ : କର୍ନାଟକରେ ଦେଖାଦେଇଥିବା ହିଜାବ ବିବାଦରେ ନୂଆ ମୋଡ଼ ଆସିଛି। ଏବେ ଏହାକୁ ହାଇକୋର୍ଟଙ୍କ ଏକକ ଖଣ୍ଡପୀଠରୁ ବୃହତ୍‌ ଖଣ୍ଡପୀଠକୁ ସ୍ଥାନାନ୍ତର କରାଯାଇଛି।...

୩ ସେନାର ଆଧୁନିକୀକରଣ ପାଇଁ ମେଗା ଯୋଜନା: ବ୍ୟୟ ହେବ ୧୩୦ ବିଲିୟନ ଡଲାର

ନୂଆଦିଲ୍ଲୀ,୧୦ା୯(ପି.ଟି.): ଆଗାମୀ ୫ରୁ ୭ ବର୍ଷ ମଧ୍ୟରେ ଭାରତୀୟ ସୈନ୍ୟବାହିନୀର ଆକ୍ରମଣ କ୍ଷମତା ବୃଦ୍ଧି ସହ ଏହାର ଆଧୁନିକୀକରଣ ଲାଗି ସରକାର ମେଗା ଯୋଜନା ପ୍ରସ୍ତୁତ...

ଭାରତ ଗସ୍ତ ବାତିଲ କରିପାରନ୍ତି ଜାପାନ ପ୍ରଧାନମନ୍ତ୍ରୀ

ନୂଆଦିଲ୍ଲୀ,୧୩।୧୨: ନାଗରିକତ୍ୱ ସଂଶୋଧନ ବିଲ୍‌କୁ ନେଇ ଏବେ ଜଳୁଛି ଉତ୍ତର ଭାରତ। ଆଉ ଏହି ଖବର ଏବେ ବିଦେଶରେ ମଧ୍ୟ ପହଞ୍ଚି ସାରିଛି। ଏହାର ପ୍ରଭାବ...

ଲେଖାହେବ ଭାରତୀୟ ସୀମା ବିବାଦର ଇତିହାସ: ସଚେତନ ହେବେ ସୀମା ବାସିନ୍ଦା

ନୂଆଦିଲ୍ଲୀ,୧୯।୯: ସୀମାବର୍ତ୍ତୀ ଅଞ୍ଚଳରେ ବସବାସ କରୁଥିବା ଲୋକଙ୍କୁ ସଚେତନ କରାଇବା ପାଇଁ ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ସ୍ବତନ୍ତ୍ର ପଦକ୍ଷେପ ଗ୍ରହଣ କରାଯିବା ଲାଗି ଯୋଜନା ହୋଇଛି।...

ଲକ୍ଷ୍ନୌ, ନଏଡାରେ ରହିବେ ପୋଲିସ କମିଶନର

ଲକ୍ଷ୍ନୌ,୧୩।୧: ଉତ୍ତର ପ୍ରଦେଶର ଲକ୍ଷ୍ନୌ ଓ ନଏଡାରେ କମିଶନରେଟ ବ୍ୟବସ୍ଥା ଲାଗୁ କରିବାକୁ ନେଇ ସୋମବାର ଉତ୍ତର ପ୍ରଦେଶ କ୍ୟାବିନେଟ ମଞ୍ଜୁରୀ ପ୍ରଦାନ କରିଛି। ମୁଖ୍ୟମନ୍ତ୍ରୀ...

ପଞ୍ଜାବ ସ୍ୱାସ୍ଥ୍ୟମନ୍ତ୍ରୀ କରୋନା ପଜିଟିଭ: ଗୋଟିଏ ଦିନ ପୂର୍ବରୁ ରାହୁଲଙ୍କ ସହ କରିଥିଲେ ରାଲି

ଚଣ୍ଡିଗଡ଼,୬ ।୧୦: ପଞ୍ଜାବର ସ୍ୱାସ୍ଥ୍ୟମନ୍ତ୍ରୀ ବଲବୀର ସିଂ ସିଦ୍ଧୁ କରୋନାରେ ପୀଡ଼ିତ ହୋଇଥିବା ଜଣାପଡିଛି । ଏହାକୁ ନେଇ ସାରା ପଞ୍ଜାବ ସମେତ କଂଗ୍ରେସ ଦଳରେ...

Advertisement
Archives

Model This Week