Posted inଖେଳ

ଦୁର୍ଦ୍ଦିନରେ ସଚିନ, କୋହଲିଙ୍କ ବ୍ୟାଟ୍‌ ପ୍ରସ୍ତୁତକାରୀ

ନୂଆଦିଲ୍ଲୀ,୨୧।୮: କେତେକ ଭାରତୀୟ ତାରକା କ୍ରିକେଟରଙ୍କ ପାଇଁ ବ୍ୟାଟ ତିଆରି କରିଥିବା ବ୍ୟକ୍ତି ଏବେ ଦୁର୍ଦ୍ଦିନରେ ଗତି କରୁଛନ୍ତି। ସେ ହେଉଛନ୍ତି ଆଶ୍ରଫ୍‌ ଚୌଧୁରୀ। କ୍ରିକେଟ ଆଇକନ୍‌ ସଚିନ ତେନ୍ଦୁଲକର ଓ ଅଧିନାୟକ ବିରାଟ କୋହଲିଙ୍କ ପାଇଁ ବ୍ୟାଟ ତିଆରି କରିଥିବା ଆଶ୍ରଫ୍‌ ଅଷ୍ଟ୍ରେଲିଆ ପୂର୍ବତନ ଅଧିନାୟକ ଷ୍ଟିଭ୍‌ ସ୍ମିଥ୍‌, ଦକ୍ଷିଣ ଆଫ୍ରିକାର ଫାଫ୍‌ ଡୁପ୍ଲେସି ଓ ଓ୍ବେଷ୍ଟଇଣ୍ଡିଜ୍‌ ଧୂଆଁଧାର ବ୍ୟାଟ୍ସମ୍ୟାନ କ୍ରିସ୍‌ ଗେଲ ଏବଂ କିରନ ପୋଲାର୍ଡଙ୍କ ବ୍ୟାଟ୍‌ ମରାମତି କରିଛନ୍ତି। ସେ ବ୍ୟାଟ୍ସମ୍ୟାନଙ୍କ ସପୋର୍ଟ ଷ୍ଟାଫ୍‌ ବିବେଚିତ ହେଉଥିଲେ। ଭଙ୍ଗା ବ୍ୟାଟ୍‌କୁ ସଜାଡିବା ସହ ତାହାକୁ ପୁଣିଥରେ ଖେଳିବା ପାଇଁ ସମ୍ପୂର୍ଣ୍ଣ ରୂପେ ଠିକ୍‌ କରୁଥିଲେ। ବ୍ୟାଟ୍ସମ୍ୟାନଙ୍କ ସୁବିଧା ଅନୁଯାୟୀ ସେ ବ୍ୟାଟ୍‌ଗୁଡିକର ଓଜନ କମାଇବା ସହ ହ୍ୟାଣ୍ଡଲର ମୋଟେଇ ଓ ଲମ୍ବ କମାଇ ଆଶ୍ରଫ୍‌ ବେଶ୍‌ ପ୍ରଶଂସା ସାଉଁଟିଥିଲେ।
ମୁମ୍ବାଇର ମେଟ୍ରୋ ସିନେମା ଆଗରେ ଆଶ୍ରଫ୍‌ଙ୍କ ସ୍ପୋଟର୍‌ସଗୁଡ୍‌ ଦୋକାନ ରହିଛି। ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌) ଓ ଅନ୍ତର୍ଜାତୀୟ ମ୍ୟାଚ୍‌ ଅବସରରେ ଆଶ୍ରଫ୍‌ ଏକ ବଡ଼ କ୍ରିକେଟ କିଟ୍‌ ବ୍ୟାଗ୍‌ କାନ୍ଧରେ ପକାଇ ନିଜର ଉପସ୍ଥିତି ଜାହିର କରିଥାନ୍ତି। ଏହି କିଟ୍‌ ବ୍ୟାଗ୍‌ରେ ଏକାଧିକ ବ୍ୟାଟ୍‌ ଓ ବ୍ୟାଟ୍‌ ଗ୍ରିପ୍ସ ଦେଖିବାକୁ ମିଳିଥାଏ।
ଗତ କେତେ ସପ୍ତାହରେ ଆଶ୍ରଫ୍‌ ଅସୁସ୍ଥ ହୋଇପଡିବାରୁ ସବରବନ ମୁମ୍ବାଇ ହସ୍ପିଟାଲରେ ଭର୍ତ୍ତି କରାଯାଇଛି। ତେବେ ସେ କୋଭିଡ୍‌-୧୯ ସଂକ୍ରମଣର ଶିକାର ହୋଇ ନାହାନ୍ତି। କିଡ୍‌ନୀ ଷ୍ଟୋନ୍‌ ଓ ଅନ୍ୟ କେତେକ ରୋଗର ସେ ଶିକାର ହୋଇଛନ୍ତି। ଆଶ୍ରଫ୍‌ଙ୍କୁ ଗତ ୧୫ ବର୍ଷ ଧରି ଜାଣିଥିବା ପ୍ରଶାନ୍ତ ଜେଠମାଳିନୀ ନାମକ ଜଣେ ତାଙ୍କର ଶୁଭଚିନ୍ତକ ତାଙ୍କ ଚିକିତ୍ସା ପାଇଁ ପାଣ୍ଠି ସଂଗ୍ରହ କରିବା ନେଇ ପ୍ରୟାସ ଜାରି ରଖିଛନ୍ତି। ଆଶ୍ରଫ୍‌ଙ୍କ ଅବସ୍ଥା ଏବେ ଭଲ ନାହିଁ। ତାଙ୍କର କିଡ୍‌ନୀ ଷ୍ଟୋନ୍‌ ଜନିତ କେତେକ ସମସ୍ୟା ରହିଛି। କୋଭିଡ୍‌-୧୯ ପାଇଁ ଜାରି ହୋଇଥିବା ଲକ୍‌ଡାଉନ୍‌ ଫଳରେ କ୍ରିକେଟ ସମ୍ପୂର୍ଣ୍ଣ ରୂପେ ଠପ୍‌ ହୋଇଯାଇଛି ଓ ତାଙ୍କର ବ୍ୟବସାୟ ଗୁରୁତର ଭାବେ ପ୍ରଭାବିତ ହୋଇଛି। ତାଙ୍କ ପାଖରେ ଯାହା ଅର୍ଥ ଥିଲା ତାହା ଶେଷ ହୋଇଛି ବୋଲି ଜେଠମାଳିନୀ କହିଛନ୍ତି। ଆମେ ୨ ଲକ୍ଷ ଟଙ୍କା ଯୋଗାଡ କରିଛୁ। ତେବେ ଭବିଷ୍ୟତ ପାଇଁ ଆଉ କିଛି ଅର୍ଥର ଆବଶ୍ୟକତା ରହିଛି।
୧୯୨୦ ତାଙ୍କ ପରିବାର ତାଙ୍କ ପରିବାର ମୁମ୍ବାଇରେ ରହିଆସୁଛନ୍ତି। ସେବେଠାରୁ ଏମ୍‌. ଆଶ୍ରଫ୍‌ ବ୍ରୋଜ୍‌ ନାମକ ଏକ ଛୋଟ ଦୋକାନର ମାଲିକ ଭାବେ ସେ ବ୍ୟବସାୟ କରିଆସୁଛନ୍ତି। ଲକ୍‌ଡାଉନ୍‌ କାରଣରୁ ବ୍ୟବସାୟ ପ୍ରଭାବିତ ହୋଇଥିଲା। ଦୁଇମାସ ତଳେ ବଡ଼ଭାଇଙ୍କ ପରଲୋକ ହେବା ଫଳରେ ପରିସ୍ଥିତି ଆହୁରି ଖରାପ ହୋଇଛି। ଆଶ୍ରଫ ବିନା ମୂଲ୍ୟରେ ବହୁ ଖେଳାଳିଙ୍କୁ ସାହାଯ୍ୟ କରିଥିଲେ। ୨୦୧୬ରେ ମୁମ୍ବାଇରେ ଓ୍ବେଷ୍ଟଇଣ୍ଡିଜ୍‌ ବିପକ୍ଷ ଟି୨୦ ବିଶ୍ୱକପ୍‌ ମ୍ୟାଚ୍‌ ଖେଳାଯାଇଥିଲା। ସମ୍ପୂର୍ଣ୍ଣ ଓ୍ବେଷ୍ଟଇଣ୍ଡିଜ ଦଳକୁ ଆଶ୍ରଫ୍‌ ୧୬ଟି ବ୍ୟାଟ୍‌ ପ୍ରଦାନ କରିଥିଲେ। ସେତେବେଳେ ଅର୍ଥ ପାଇଁ ଓ୍ବେଷ୍ଟଇଣ୍ଡିଜ ବୋର୍ଡ ଓ ଖେଳାଳିଙ୍କ ମଧ୍ୟ ମତପାର୍ଥକ୍ୟ ଦେଖାଦେଇଥିଲା। ସେ ଏହାକୁ ହୃଦୟଙ୍ଗମ କରି ବ୍ୟାଟ୍‌ ଡୋନେଟ୍‌ କରିବାକୁ ନିଷ୍ପତ୍ତି ନେଇଥିଲେ।
ଏବେ କ୍ରିକେଟ ଖେଳାଯାଉନି। ଆଇପିଏଲ୍‌ ବିଦେଶରେ ଖେଳାଯିବ। ତେଣୁ ଆଉ କେହି ବ୍ୟାଟ୍‌ ଖୋଜୁନାହାନ୍ତି। ତେଣୁ ଆଶ୍ରଫ୍‌ଙ୍କ ପାଖରେ ଆଉ କାମ ନାହିଁ। କିନ୍ତୁ ଏପର୍ଯ୍ୟନ୍ତ କାହାଠାରୁ ସାହାଯ୍ୟ ମାଗି ନାହାନ୍ତି। ତାଙ୍କଠାରୁ ସାହାଯ୍ୟ ପାଇଥିବା କ୍ରିକେଟରମାନେ ତାଙ୍କର ଏହି ଦୁର୍ଦ୍ଦିନରେ ସାହାଯ୍ୟ କରିବାକୁ ଆଗେଇ ଆସିବା ଦରକାର ବୋଲି ଜେଠମାଳିନୀ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଦେଶ ଛାଡିବେ ଇଂଲଣ୍ଡ କ୍ରିକେଟର୍‌: ଏବେ ଭାରତୀୟ ଖେଳାଳିଙ୍କ ସହ ଆରମ୍ଭ କରିବେ କ୍ୟାରିୟର୍‌

ଲଣ୍ଡନ,୧।୯: ଇଂଲଣ୍ଡ ଅଲରାଉଣ୍ଡର ଲିଆମ ପ୍ଲଙ୍କେଟ ନିଜ ଦେଶ ଛାଡିଛନ୍ତି ଏବଂ ଏବେ ସେ ଭାରତୀୟ ଖେଳାଳିଙ୍କ ସହ ଏକ ନୂତନ ଦଳ ସହିତ ନିଜର...

ବାପା ମ୍ୟାଚ୍‌ ହାରିବା ପରେ ବି ଖୁସିରେ ନାଚିଲେ ଜିଭା: ଜାଣନ୍ତୁ କାହିଁକି

ଦୁବାଇ,୮।୧୦: ଆଇପିଏଲରେ ଚେନ୍ନାଇ ଏବଂ ପଞ୍ଜାବ ମଧ୍ୟରେ ହୋଇଥିବା ମ୍ୟାଚ ଅତ୍ୟନ୍ତ ଉତ୍ସାହଜନକ ଥିଲା। ଚେନ୍ନାଇ ହୁଏତ ମ୍ୟାଚ ହାରିଥାଇପାରେ କିନ୍ତୁ ଚେନ୍ନାଇର ପ୍ରଶଂସକମାନେ ଏହା...

ଅଲିମ୍ପିକ୍ସ ଯୋଗ୍ୟତା ମୁଖ୍ୟ ଲକ୍ଷ୍ୟ: ଶାର୍କି

ଭୁବନେଶ୍ୱର, ୨୬।୧୦(କ୍ରୀଡ଼ା ପ୍ରତିନିଧି)- ନଭେମ୍ବର ୧ ଓ ୨ ତାରିଖରେ କଳିଙ୍ଗ ଷ୍ଟାଡିୟମରେ ଅଲିମ୍ପିକ୍‌ କ୍ୱାଲିଫାୟର୍ସ ହକି ମ୍ୟାଚ୍‌ ଅନୁଷ୍ଠିତ ହେବ। ଏଥିରେ ଭାରତୀୟ ମହିଳା...

ବଡ଼ କ୍ଷତି ସହିବ ବିସିସିଆଇ

ମୁମ୍ବାଇ,୪।୫ : ବିଭିନ୍ନ ଦଳର ଖେଳାଳି କୋଭିଡ୍‌-୧୯ରେ ଆକ୍ରାନ୍ତ ଥିବା ଜଣାପଡ଼ିବା ପରେ ଆଇପିଏଲର ୧୪ତମ ସଂସ୍କରଣକୁ ସ୍ଥଗିତ କରି ଦିଆଯାଇଛି। ଏଥି ଯୋଗୁ ଭାରତୀୟ...

ଇଂଲଣ୍ଡ ବିପକ୍ଷ ପ୍ରଥମ ଦିନିକିଆ ପାଇଁ ଆୟର୍ଲାଣ୍ଡ ଦଳ

ସାଉଥାମ୍ପଟନ, ୨୯ା୭ (ପି.ଟି.)- ଗୁରୁବାର ଏଜାସ ବାଓଲଠାରେ ଆୟର୍ଲାଣ୍ଡ-ଇଂଲଣ୍ଡ ୩ମ୍ୟାଚ ବିଶିଷ୍ଟ ଅନ୍ତର୍ଜାତୀୟ ଦିନିକିଆ ସିରିଜ ଆରମ୍ଭ ହେବ। ଓପନିଂ ମ୍ୟାଚ ପାଇଁ ଆୟର୍ଲାଣ୍ଡ ୧୪...

ଟିମ୍‌ ଇଣ୍ଡିଆରେ ଯୋଗଦେଲେ ରୋହିତ

ମେଲବୋର୍ନ,୩୦ା୧୨- ଷ୍ଟାର ବ୍ୟାଟ୍ସମ୍ୟାନ ରୋହିତ ଶର୍ମା ଦୁଇ ସପ୍ତାହ କ୍ୱାରାଣ୍ଟାଇନ୍‌ ପିରିୟଡ୍‌ ଶେଷ କରିଛନ୍ତି। ଭାରତୀୟ ଦଳରେ ବୁଧବାର ଯୋଗ ଦେଇଛନ୍ତି ଏହି ବିସ୍ଫୋରକ ବ୍ୟାଟ୍ସମ୍ୟାନ।...

ବାର୍ସିଲୋନାକୁ ମେସିଙ୍କ ସମାଲୋଚନା

ବାର୍ସିଲୋନା, ୨୬ା୯ (ଏପି): ଲୁଇସ୍‌ ସୁଆରେଜଙ୍କୁ ଆଟ୍‌ଲେଟିକୋ ମାଡ୍ରିଡ୍‌କୁ ବଦଳି କରାଯିବା ନିଷ୍ପତ୍ତିରେ ଆର୍ଜେଣ୍ଟିନାର ଷ୍ଟାର ଫୁଟ୍‌ବଲର ତାଙ୍କ କ୍ଲବ ବାର୍ସିଲୋନାକୁ ସମାଲୋଚନା କରିଛନ୍ତି। ଉରୁଗୁଏ...

ଶାସ୍ତ୍ରୀ କହିଲେ, ‘ନା..ଏବେ ନୁହେଁ’

ନୂଆଦିଲ୍ଲୀ,୧୧।୬: ଟିମ୍‌ ଇଣ୍ଡିଆର ପୂର୍ବତନ ମୁଖ୍ୟ କୋଚ୍‌ ରବି ଶାସ୍ତ୍ରୀ ଦ୍ରୁତ ବୋଲର୍‌ ଉମ୍ରାନ ମଲିକଙ୍କୁ ନେଇ ଏବ ବଡ଼ ବୟାନ ଦେଇଛନ୍ତି। ଅକ୍ଟୋବର-ନଭେମ୍ବରରେ ଖେଳାଯିବାକୁ...

Advertisement
Archives

Model This Week