‘ଡଙ୍ଗାରେ ବିଜୁବାବୁଙ୍କ ସହ ବିତିଥିବା ମୁହୂର୍ତ୍ତ ଅଭୁଲା’

ମହାକାଳପଡ଼ା,୧୮ା୪(ଡି.ଏନ୍‌.ଏ.): ପ୍ରବାଦପୁରୁଷ ବିଜୁ ପଟ୍ଟନାୟକଙ୍କ ଶ୍ରାଦ୍ଧଦିବସ ରବିବାର ପାଳିତ ହୋଇଯାଇଛି। ହେଲେ ବିଜୁବାବୁଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ଆଜି ବି ଅନେକ ଲୋକ ତାଙ୍କୁ ଝୁରୁଛନ୍ତି। ସେମାନଙ୍କ ମଧ୍ୟରୁ କେନ୍ଦ୍ରାପଡ଼ା ଜିଲା ମହାକାଳପଡ଼ା ଅଞ୍ଚଳର ନାଉରିଆ ବିଧାନ ଅଧିକାରୀ ଅନ୍ୟତମ। ସେ ଡଙ୍ଗାରେ ବିଜୁବାବୁଙ୍କ ସହ ବିତାଇଥିବା ମୁହୂର୍ତ୍ତ ଅଭୁଲା ରହିବ ବୋଲି କହିଛନ୍ତି। ବିଧାନଙ୍କ କହିବା ମୁତାବକ, ୧୯୮୪-୮୫ ମସିହାର କଥା। ବିଜୁବାବୁ କେନ୍ଦ୍ରାପଡ଼ା ଲୋକ ସଭା ନିର୍ବାଚନରେ ସାଂସଦ ପ୍ରାର୍ଥୀ ଭାବେ ପ୍ରଚାର ପାଇଁ ମହାକାଳପଡ଼ା ବ୍ଲକ ଗସ୍ତରେ ଆସିଥିଲେ। ତତ୍କାଳୀନ ବିଧାୟକ ସ୍ବର୍ଗତ ନଳିନୀକାନ୍ତ ମହାନ୍ତିଙ୍କୁ ସାଙ୍ଗରେ ଧରି ନିଜ ସପକ୍ଷରେ ଭୋଟ ଦେବାକୁ ଏକ ଲଞ୍ଚ୍‌ ଯୋଗେ ଜମ୍ବୁଘାଟରୁ ଯାତ୍ରା ଆରମ୍ଭ କରିଥିଲେ। ଜଳପଥରେ ଜମ୍ବୁ, ବତିଘର ଆଦି ଗସ୍ତ ପରେ ଖରିନାସୀ ଗଳିଆ ନଦୀରେ ଲଞ୍ଚ୍‌ ପହଞ୍ଚତ୍ଥିଲା। ନଦୀରେ ଜଳସ୍ତର କମିଯିବାରୁ ଲଞ୍ଚ୍‌ ଆଗକୁ ଯାଇ ପାରି ନ ଥିଲା। ଅନ୍ୟ ପଞ୍ଚାୟତକୁ ଯାତାୟାତ ପାଇଁ ସଡ଼କ ପଥର ସୁବିଧା ନ ଥିବାରୁ ରାମନଗର, ଖରିନାସୀ ପଞ୍ଚାୟତଗୁଡ଼ିକୁ ନଦୀପଥରେ ଯିବାକୁ ଖୋଜାପଡ଼ିଲା ଏକ ଡଙ୍ଗା ଓ ନାବିକ। ନଳିନୀବାବୁଙ୍କ ନିର୍ଦ୍ଦେଶରେ ଖରିନାସୀ ସରପଞ୍ଚ ନାରାୟଣ ହାଲ୍‌ଦାରଙ୍କୁ ଡାକି ନାଉରିଆ ଯୋଗାଡ଼ କରିବାକୁ କହିଥିଲେ। ସରପଞ୍ଚ ହାଲ୍‌ଦାର ଦୁଇ ଦକ୍ଷ ନାବିକଙ୍କୁ ଯୋଗାଡ଼ କରିଥିଲେ। ସେ ସମୟରେ ନଦୀର ଗଭୀର ଜଳସ୍ରୋତ ଓ କୁମ୍ଭୀରଭରା ନଦୀରେ ଯାତାୟାତ ପାଇଁ ଭୟ ଥାଏ। ନିଜ ଜୀବନକୁ ଖାତିର ନ କରି ଦୁଇଜଣ ଡଙ୍ଗା ମଙ୍ଗୁଆଳ ବିଧାନ ଅଧିକାରୀ ଓ ତପୁ ବିଶ୍ୱାସ ଏକ ମାଛଧରା ଡଙ୍ଗାରେ ବିଜୁବାବୁ ଏବଂ ମହାନ୍ତିଙ୍କୁ ସାଙ୍ଗରେ ଧରି ଖରିନାସୀ-ଟୁବି ଘାଟରୁ ବାହାରି ଏକ ଘଣ୍ଟା ଜଳପଥରେ ରାମନଗର ପୁରୁଣାହାଟ ଘାଟ ଅଭିମୁଖେ ଯାଇଥିଲୁ। ବାଟରେ ନାଉରିଆମାନଙ୍କ ପରିବାର ଓ ଜୀବନଜୀବିକା କଥା ପଚାରି ବୁଝିଥିଲେ। ନାଉରିଆ ବିଧାନଙ୍କୁ ବିଜୁବାବୁ ପଚାରିଥିଲେ ନିର୍ବାଚନରେ ମୁଁ ଜିତିବି ନା ନାହିଁ। ବିଧାନ ବିଜୁବାବୁଙ୍କୁ କହିଥିଲେ, ଆପଣ ବହୁ ଭୋଟରେ ଜିତିବେ। ନଦୀପଥରେ ଯାତ୍ରାବେଳେ ବିଜୁବାବୁ ବିସ୍ତୀର୍ଣ୍ଣ ହେନ୍ତାଳବଣ ସାଙ୍ଗକୁ ପ୍ରାକୃତିକ ସୌନ୍ଦର୍ଯ୍ୟକୁ ଖୁବ୍‌ ଉପଭୋଗ କରିଥିଲେ। ଡଙ୍ଗା ଯାଉଥିବା ବେଳେ ଜଗର ଜାତୀୟ ମାଛ ନଦୀ ମଧ୍ୟରୁ ଡଙ୍ଗା ଭିତରକୁ ଡେଇଁପଡ଼ୁଥିଲେ। ଏହା କି ମାଛ ବୋଲି ବିଧାନକୁ ବିଜୁବାବୁ ପଚାରିଥିଲେ। ବିଗତ ଦିନର ବିଜୁବାବୁଙ୍କ ସହ ବିତାଇଥିବା କିଛି ମୁହୂର୍ତ୍ତ କଥା ଭାବି ଆଜି ଭାବବିହ୍ବଳ ହୋଇପଡ଼ିଛନ୍ତି ବିଧାନ। ଯଦି ବିଜୁବାବୁ ଆଜି ଥା’ନ୍ତେ ତେବେ ଏପରି ନୂଅଁାଣିଆ ଚାଳଛପର ଘରେ ଜଳଖିଆ ଦୋକାନ କରି ଦୁଃଖକଷ୍ଟରେ ପରିବାର ପ୍ରତିପୋଷଣ କରୁ ନ ଥାନ୍ତେ ବୋଲି ଦୁଃଖର ସହ କହିଛନ୍ତି ବିଧାନ। ବିଧାନଙ୍କ କହିବା କଥା, ଆଉ ସେଦିନର ଡଙ୍ଗା ନାହିଁ କି ବିଜୁବାବୁ ନାହାନ୍ତି। କିନ୍ତୁ ନଦୀ ଭିତରେ ଆମ ସହ ବିତିଥିବା କେଇ ମୁହୂର୍ତ୍ତ କେବେ ବି ଭୁଲି ହେବନାହିଁ।


Enter your email to get our daily news in your inbox.

All Right Reserved By Dharitri.Com

ଅନ୍ତର୍ଜାତୀୟ ବାଲୁକା କଳା ପ୍ରଦର୍ଶନୀ ପାଇଁ ଓମ ପ୍ରକାଶଙ୍କ ପ୍ରସ୍ତୁତି: ଓଡ଼ିଶାର ଐତିହ୍ୟକୁ ବିଶ୍ୱ ଦରବାରରେ ପହଞ୍ଚାଇବା ଲକ୍ଷ୍ୟ

କର୍ଲାମୁଣ୍ଡା,୧୬।୧୧(ପ୍ରଦୀପ କୁମାର ସାହୁ):କୋଣାର୍କର ଚନ୍ଦ୍ରଭାଗା ବେଳାଭୂମିରେ ଡିସେମ୍ବର ୧ରୁ ୫ ତାରିଖ ପର୍ଯ୍ୟନ୍ତ କୋଣାର୍କ ମହୋତ୍ସବ ଅନୁଷ୍ଠିତ ହେବ। ଏଥିରେ ଭାଗ ନେବା ପାଇଁ ପଶ୍ଚିମ ଓଡ଼ିଶାର…

ଆଞ୍ଚଳିକସ୍ତରୀୟ କବାଡି ପ୍ରତିଯୋଗିତା ଉଦ୍‌ଯାପିତ: ଭବାନୀପାଟଣା ଚାମ୍ପିୟନ

ରିଷିଡ଼ା,୧୬ା୧୧(ସୁଶାନ୍ତ ମଲ୍ଲିକ): କର୍ଲାମୁଣ୍ଡା ବ୍ଲକ ରିଷିଡ଼ାସ୍ଥିତ ଜଗନ୍ନାଥ କୌଶଲ୍ୟା ଉଚ୍ଚ ମାଧ୍ୟମିକ ବିଦ୍ୟାଳୟଠାରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଓଡ଼ିଶା ପକ୍ଷରୁ ତ୍ରିଦିବସୀୟ ଆଞ୍ଚଳିକସ୍ତରୀୟ କବାଡି ପ୍ରତିଯୋଗିତା…

ଟେଷ୍ଟ କ୍ରିକେଟରୁ ଅବସର ନେଇ ବଡ଼ ଭୁଲ କରିଦେଲେ କୋହଲି-ଶାମି: କପିଳଙ୍କ ଚାଞ୍ଚଲ୍ୟକର ଦାବି, କହିଲେ-୧୦ ବର୍ଷ ପରେ…

ନୂଆଦିଲ୍ଲୀ,୧୬।୧୧: ଭାରତୀୟ କ୍ରିକେଟର ଦିଗ୍ଗଜ ବ୍ୟାଟର ବିରାଟ କୋହଲି ଏବଂ ଅଭିଜ୍ଞ ଦ୍ରୁତ ବୋଲର ମହମ୍ମଦ ଶାମି ଟେଷ୍ଟ କ୍ରିକେଟରୁ ସନ୍ନ୍ୟାସ ନେଇସାରିଛନ୍ତି। କୋହଲି ୨୦୨୫ ଜୁନରେ…

ଟିମ ଇଣ୍ଡିଆକୁ ବଡ଼ ଝଟ୍‌କା: ପୁଣି ଆହତ ହେଲେ ଷ୍ଟାର୍‌ ଖେଳାଳି

ନୂଆଦିଲ୍ଲୀ,୧୬।୧୧: ଭାରତୀୟ କ୍ରିକେଟ ଦଳର ଅନେକ ଷ୍ଟାର୍‌ ଖେଳାଳି ଏବେ ସୟଦ ମୁସ୍ତାକ ଅଲ୍ଲୀ ଟ୍ରଫି ୨୦୨୬ରେ ଖେଳୁଥିବା ନଜର ଆସୁଛନ୍ତି। ଏହି ଟୁର୍ନାମେଣ୍ଟରେ ଭଲ ପ୍ରଦର୍ଶନ…

ବରିଷ୍ଠ ଆଇନଜୀବୀ ଦୁର୍ଗା ପ୍ରସାଦ ମଣିପାତ୍ରଙ୍କ ବିୟୋଗରେ ଗୁଣପୁର ଓକିଲ ସଂଘର ଶୋକସଭା

ଗୁଣପୁର, ୧୬।୧୧ (ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଓକିଲ ସଂଘର ବରିଷ୍ଠ ଆଇନଜୀବୀ ଦୁର୍ଗା ପ୍ରସାଦ ମଣିପାତ୍ରଙ୍କ ୭୫ ବର୍ଷ ବୟସରେ ଶନିବାର ପରଲୋକ ଘଟିଥିଲା।…

ପର୍ଯ୍ୟଟକଙ୍କ ପାଇଁ ଖୋଲିଲା ଦାରିଙ୍ଗବାଡ଼ି ଇକୋ ରିଟ୍ରିଟ: ୨୮ ତମ୍ବୁ ଘର ସହ ପଞ୍ଚତାରକା ହୋଟେଲ୍‌ର ସୁବିଧା

ଦାରିଙ୍ଗବାଡ଼ି, ୧୬।୧୧ (ଅରୁଣ ସାହୁ): ପର୍ଯ୍ୟଟକଙ୍କ ପାଇଁ ଖୋଲିଲା କନ୍ଧମାଳ ଜିଲାର ପ୍ରସିଦ୍ଧ ପର୍ଯ୍ୟଟନସ୍ଥଳୀ ଦାରିଙ୍ଗବାଡ଼ି ଇକୋ ରିଟ୍ରିଟ। ଚଳିତ ବର୍ଷର ଇକୋ ରିଟ୍ରିଟକୁ ରାଜ୍ୟ ପର୍ଯ୍ୟଟନ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

କେନ୍ଦୁଝରରେ ଚାଞ୍ଚଲ୍ୟ: ଜୀବନ ଯୁଦ୍ଧରେ ହାରିଗଲେ ବଳାତ୍କାର ପୀଡିତା, ଅଭିଯୁକ୍ତଙ୍କୁ ଖୋଜୁଛି ପୋଲିସ…

କେନ୍ଦୁଝର,୧୬।୧୧(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଜିଲା ତେଲକୋଇ ଥାନା ଅଞ୍ଚଳରେ ଜଣେ ୪୫ ବର୍ଷୀୟା ଜୁଆଙ୍ଗ ଆଦିମ ଜନଜାତି ବିଧବା ମହିଳା ବଳାତ୍କାରର ଶିକାର ହୋଇଥିଲେ। ଗୁରୁତର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?