ଆଶ୍ରୟ ଦେଇପାରୁନି ‘ଆଶ୍ରୟ’ ଯୋଜନା

ଅନୁଗୋଳ ଅଫିସ, ୨୯ା୭

ସହରକୁ ଆସି ବିଭିନ୍ନ ନିର୍ମାଣ କାର୍ଯ୍ୟ କରୁଥିବା ପ୍ରବାସୀ ନିର୍ମାଣ ଶ୍ରମିକମାନଙ୍କୁ ସ୍ବଳ୍ପ ଦେୟରେ ସାମୟିକ ରାତ୍ରି ରହଣିର ସୁବିଧା ଦେବାକୁ ରାଜ୍ୟ ସରକାର କାର୍ଯ୍ୟକାରୀ କରିଥିବା ‘ଆଶ୍ରୟ’ ଯୋଜନା ଅନୁଗୋଳ ଜିଲାରେ ଏଯାଏ ସଫଳତା ପାଇପାରି ନାହିଁ। ଏଥିରେ ସାମିଲ ହୋଇଥିବା ଜିଲାର ଅନୁଗୋଳ ଓ ତାଳଚେର ପୌରପାଳିକାରେ ଏହି ରାତ୍ରି ଆଶ୍ରୟସ୍ଥଳୀ କାର୍ଯ୍ୟକ୍ଷମ ହୋଇପାରି ନ ଥିବାରୁ ପ୍ରବାସୀ ନିର୍ମାଣ ଶ୍ରମିକମାନେ କେଉଁଠି ଖୋଲା ଆକାଶ ତଳେ ତ ଆଉ କେଉଁଠି ବସ୍‌ଷ୍ଟପ୍‌ରେ ଶୋଇବାକୁ ବାଧ୍ୟ ହେଉଛନ୍ତି।
ପ୍ରବାସୀ ନିର୍ମାଣ ଶ୍ରମିକମାନଙ୍କୁ ଅଧିକ ସୁବିଧା ଦେବାକୁ ୨୦୧୮ ମସିହାରୁ ରାଜ୍ୟ ସରକାର ଆଶ୍ରୟ ଯୋଜନାରେ ସେଲଟର ଫର ଅରବାନ୍‌ ହୋମ୍‌ ଲେସ୍‌ (ରାତ୍ରି ଆଶ୍ରୟସ୍ଥଳୀ) ନିର୍ମାଣ କରିବାକୁ ନିଷ୍ପତ୍ତି ନେଇଥିଲେ। ପ୍ରଥମ ପର୍ଯ୍ୟାୟରେ ୫ଟି ମହାନଗର ନିଗମ ଓ ୫ଟି ପୌରପାଳିକାରେ ଏଭଳି ବ୍ୟବସ୍ଥା ଲାଗୁ କରାଯାଇଥିଲା। ଏହି ଯୋଜନାରେ ଅନୁଗୋଳ ଓ ତାଳଚେର ପୌରପାଳିକାକୁ ୪୦ ଲକ୍ଷ ଟଙ୍କା ଲେଖାଏ ଅନୁଦାନ ଆସିଥିଲା। ଉକ୍ତ ଅର୍ଥ ନିଅଣ୍ଟ ପଡ଼ୁଥିଲେ ବି ତାଳଚେର ପୌରପାଳିକା ପକ୍ଷରୁ ବସ୍‌ଷ୍ଟାଣ୍ଡ ନିକଟରେ ଯେନତେନ ପ୍ରକାର ୫୦ ଶଯ୍ୟା ବିଶିଷ୍ଟ ଏହି ରାତ୍ରି ଆଶ୍ରୟସ୍ଥଳୀ କାର୍ଯ୍ୟ ନିକଟରେ ଶେଷ କରାଯାଇଛି। କିନ୍ତୁ ଏହାର ପରିଚାଳନା ଦାୟିତ୍ୱ ହସ୍ତାନ୍ତର କରାଯାଇ ନ ଥିବାରୁ ଏହା କାର୍ଯ୍ୟକ୍ଷମ ହୋଇପାରି ନାହିଁ। ସେହିପରି ଅନୁଗୋଳ ପୌରପାଳିକା ପକ୍ଷରୁ ଇକୋ ପାର୍କ ନିକଟରେ ରାତ୍ରି ଆଶ୍ରୟସ୍ଥଳୀ ନିର୍ମାଣ ପାଣ୍ଠି ଅଭାବରୁ ଶେଷ ହୋଇପାରୁନାହିଁ। ସରକାରଙ୍କୁ ଅଧିକ ଟଙ୍କା ମଗାଯାଇଛି। ଟଙ୍କା ଆସିଲେ କାର୍ଯ୍ୟ ଆରମ୍ଭ ହେବ ବୋଲି କୁହାଯାଉଛି। ନିର୍ମାଣ ଶେଷ ପରେ ପୌରପାଳିକା ପକ୍ଷରୁ ଉକ୍ତ ଆଶ୍ରୟସ୍ଥଳୀକୁ ସ୍ବୟଂ ସହାୟକ ଗୋଷ୍ଠୀକୁ ହସ୍ତାନ୍ତର କରାଯିବ। ଗୋଷ୍ଠୀ ପକ୍ଷରୁ ଏହାକୁ ଲିଜ୍‌ ଆକାରରେ ନିଆଯିବା ସହ ରକ୍ଷଣାବେକ୍ଷଣ କରାଯିବ। ଏହି ରାତ୍ରି ଆଶ୍ରୟସ୍ଥଳୀରେ ଯେଉଁ ପ୍ରବାସୀ ନିର୍ମାଣ ଶ୍ରମିକମାନେ ରାତ୍ରି ଯାପନ କରିବେ ସେମାନଙ୍କୁ ଅଳ୍ପ କିଛି ଟଙ୍କା ଦେବାକୁ ପଡ଼ିବ। ତେବେ କେତେ ଟଙ୍କା ଦେବାକୁ ହେବ ସେ ନେଇ ନିଷ୍ପତ୍ତି ହୋଇନାହିଁ। ସ୍ବୟଂ ସହାୟକ ଗୋଷ୍ଠୀକୁ ହସ୍ତାନ୍ତର କରିବା ପରେ ଏ ନେଇ ନିଷ୍ପତ୍ତି ନିଆଯିବ ବୋଲି ସୂଚନା ମିଳିଛି।

ନିର୍ମାଣ ସରିଛି, ହସ୍ତାନ୍ତର ହୋଇନି
ରାତ୍ରି ଆଶ୍ରୟସ୍ଥଳୀ କାର୍ଯ୍ୟ ଶେଷ ହୋଇଛି। ଅର୍ଥ ନିଅଣ୍ଟ ପଡ଼ିଥିବାରୁ ଏହାକୁ ସମ୍ପୂର୍ଣ୍ଣ କରିବାରେ ସାମାନ୍ୟ ବିଳମ୍ବ ହୋଇଥିଲା। ଏଯାଏ କାହାକୁ ହସ୍ତାନ୍ତର କରାଯାଇ ନାହିଁ। ନିୟମାନୁଯାୟୀ ଟେଣ୍ଡର କରାଯାଇ ସ୍ବୟଂସହାୟକ ଗୋଷ୍ଠୀକୁ ହସ୍ତାନ୍ତର କରାଯିବ।
– ଅତସି ପରିଡ଼ା, ପୌର ନିର୍ବାହୀ ଅଧିକାରୀ,
ତାଳଚେର ପୌରପାଳିକା
ଅର୍ଥ ଅଭାବରୁ ଶେଷ ହୋଇନାହିଁ
ଖାଲୁଆ ସ୍ଥାନକୁ ପୋତାଯାଇ ଆଶ୍ରୟସ୍ଥଳୀ ନିର୍ମାଣ କରାଯାଉଥିବାରୁ ଅର୍ଥ ନିଅଣ୍ଟ ପଡ଼ିଛି। ସରକାରଙ୍କୁ ଅଧିକ ୧୫ ଲକ୍ଷ ଟଙ୍କା ମଗାଯାଇଛି। ଉକ୍ତ ଅର୍ଥ ଆସିଲେ କାର୍ଯ୍ୟ ସମ୍ପୂର୍ଣ୍ଣ କରାଯିବା ସହ ଏହାକୁ କାର୍ଯ୍ୟକ୍ଷମ କରିବାର ବନ୍ଦୋବସ୍ତ କରାଯିବ।
– ବିନୋଦ ଚନ୍ଦ୍ର ପଣ୍ଡା, ନିର୍ବାହୀ ଅଧିକାରୀ,
ଅନୁଗୋଳ ପୌରପାଳିକା
ରାତ୍ରି ଆଶ୍ରୟସ୍ଥଳୀ ହେଲେ ଆଉ ଭୟ ରହିବ ନାହିଁ
ଜିଲାର ବିଭିନ୍ନ ସ୍ଥାନକୁ କାମ କରିବାକୁ ଯାଉଥିବାରୁ କେତେବେଳେ ଘରକୁ ଫେରୁ ତ ଆଉ କେତେବେଳେ କେଉଁଠି ରହିଯାଉ। ଏଥିପାଇଁ ମନରେ ଭୟ ରହିଥାଏ। ଅନୁଗୋଳରେ ରାତ୍ରି ଆଶ୍ରୟସ୍ଥଳୀ ମିଳିଗଲେ ସେ ଭୟ ଆଉ ରହନ୍ତା ନାହିଁ।
– ହାଡ଼ିଆ ପ୍ରଧାନ, ଗରୁଡ଼ୁ, ବଇଣ୍ଡା
କାମ ସରିଲେ ରହିବା ଚିନ୍ତା ବଢ଼େ
ଢେଙ୍କାନାଳରୁ ଦୈନିକ ଅନୁଗୋଳ ଆସି କାମ କରୁଛି। ବେଳେ ବେଳେ ଫେରି ନ ପାରି ରାତିରେ ଏଠି ସେଠି ଶୋଇପଡ଼ୁଛି। ସରକାରଙ୍କ ପକ୍ଷରୁ ରାତି ଆଶ୍ରୟସ୍ଥଳୀର ବ୍ୟବସ୍ଥା ହୋଇପାରିଲେ ମୁଣ୍ଡ ଗୁଞ୍ଜିବା ଚିନ୍ତା ରହନ୍ତା ନାହିଁ।
– ଘାସିରାମ ସାମଲ, ଠୋକର, ହିନ୍ଦୋଳ


Enter your email to get our daily news in your inbox.

All Right Reserved By Dharitri.Com

ପଦ୍ମପୁର ଆସନରେ ପ୍ରାର୍ଥୀ ଘୋଷଣା ଦ୍ୱନ୍ଦ୍ୱ

ପଦ୍ମପୁର,୨୮।୩. (ପ୍ରଦୀପ୍ତ ଦାଶ): ବରଗଡ଼ ଜିଲାରେ ଥିବା ବିଧାନସଭା ଆସନ ପାଇଁ ବିଜେଡି ବୁଧବାର ପ୍ରାର୍ଥୀ ଘୋଷଣା କରିଛି। କିନ୍ତୁ ପଦ୍ମପୁର ବିଧାନସଭା ଆସନ ପାଇଁ...

ମା’ ପୁଅଙ୍କୁ ହତ୍ୟା କଲେ ମାଓବାଦୀ

ରାଉରକେଲା,୨୮।୩(ସଙ୍ଗୀତା ଜେନା): ଓଡ଼ିଶା-ଝାଡ଼ଖଣ୍ଡ ସୀମାବର୍ତ୍ତୀ ପଶ୍ଚିମ ସିଂହଭୂମ ଚାଇଁବାସା ଅଞ୍ଚଳରେ ମାଓବାଦୀମାନେ ଜଣେ ବୃଦ୍ଧା ଓ ତାଙ୍କ ପୁଅଙ୍କୁ ହତ୍ୟା କରିଛନ୍ତି। ମୃତକ ହେଲେ ଚାଇଁବାସା...

ରାଜ୍ୟରେ ବଢିବ ତାପମାତ୍ରା, ୨ଦିନରେ ୪୦ ଛୁଇଁବ

ଭୁବନେଶ୍ୱର,୨୮।୩(ଅସମାପିକା ସାହୁ): ମାର୍ଚ୍ଚ ମାସ ଶେଷ ନ ହେଉଣୁ ରାଜ୍ୟରେ ପାରଦ ଉପରମୁହାଁ ହୋଇଛି। ଗୁରୁବାର ରାଜ୍ୟର ୧୬ଟି ସହରରେ ତାପମାତ୍ରା ୩୮ଡିଗ୍ରୀ ଅତିକ୍ରମ କରିଥିବାବେଳେ...

ମାହାଙ୍ଗା ଡବଲ ମର୍ଡର ମାମଲା: ଅନ୍ତରୀଣ ସୁରକ୍ଷା ବଳବତ୍ତର

କଟକ,୨୮ା୩ (କାର୍ତ୍ତିକ ସାହୁ) ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ଅନ୍ତରୀଣ ସୁରକ୍ଷାକୁ ହାଇକୋର୍ଟ ବଳବତ୍ତର ରଖିଛନ୍ତି। ନିମ୍ନକୋର୍ଟର ନିର୍ଦ୍ଦେଶ ବିରୋଧରେ ବିଧାୟକ...

କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ, ବିଜେଡିରେ ଯୋଗଦେବା ସମ୍ଭାବନା

ନୂଆଦିଲ୍ଲୀ ,୨୮।୩: ବିଧାନସଭା ନିର୍ବାଚନ ପୂର୍ବରୁ ଟିଟିଲାଗଡର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି। ତିନିଥର ପୂର୍ବତନ କଂଗ୍ରେସ ବିଧାୟକ...

ଭାଜପା ସହ ହେଲା ନାହିଁ ମେଣ୍ଟ ତ ନବୀନ ଖେଳିଲେ ନୂଆ ଗେମ! ପୁରୁଷଙ୍କ ଟିକେଟ କାଟି ପତ୍ନୀମାନଙ୍କୁ କଲେ ପ୍ରାର୍ଥୀ

ନୂଆଦିଲ୍ଲୀ/ଭୁବନେଶ୍ୱର,୨୮।୩: ଓଡ଼ିଶାରେ ଶାସକ ବିଜୁ ଜନତା ଦଳ (ବିଜେଡି) ଆଗାମୀ ବିଧାନସଭା ନିର୍ବାଚନ ପାଇଁ ୪ ମହିଳାଙ୍କୁ ସେମାନଙ୍କ ସ୍ବାମୀଙ୍କ ସ୍ଥାନରେ ପ୍ରାର୍ଥୀ କରିଛି। ଏହି...

ରାଜ୍ୟର ୬ଟି ଲୋକ ସଭା ଆସନରେ କାହାକୁ ଟିକେଟ ଦେବ ବିଜେଡି, ଚର୍ଚ୍ଚାରେ ଏହି ନାଁ

ଭୁବନେଶ୍ୱର,୨୮।୩: ୨୦୨୪ ସାଧାରଣ ନିର୍ବାଚନ ପାଇଁ ଓଡ଼ିଶାର ୨୧ଟି ଲୋକ ସଭା ନିର୍ବାଚନ ମଣ୍ଡଳୀ ଭିତରୁ ୧୮ଟି ସ୍ଥାନରେ ନିଜର ପ୍ରାର୍ଥୀ ଘୋଷଣା କରିଥିବା ବେଳେ...

ଓଡ଼ିଶା ପାଇଁ ଏପ୍ରିଲ ପ୍ରଥମ ସପ୍ତାହରେ ପ୍ରାର୍ଥୀ ଘୋଷଣା କରିବ କଂଗ୍ରେସ

ଭୁବନେଶ୍ୱର,୨୮।୩: ଓଡ଼ିଶା ପାଇଁ ଭାରତୀୟ ଜନତା ପାର୍ଟି(ଭାଜପା) ୧୮ ଟି ଲୋକ ସଭା ଆସନ ପାଇଁ ପ୍ରାର୍ଥୀ ଘୋଷଣା କରିଥିବା ବେଳେ ବିଜୁ ଜନତା ଦଳ(ବିଜେଡି)...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri