ରସୁଲପୁର,୧୧ା୭(ରଞ୍ଜିତ ରାଉତ): ସ୍ବାମୀଙ୍କ ମାଡ଼ ସହ୍ୟ କରି ନ ପାରି ସ୍ବୀ ଘର ଛାଡ଼ିଛନ୍ତି। ଏଥିସହିତ ସ୍ବାମୀଙ୍କ ନାମରେ ଥାନାରେ ଅଭିଯୋଗ କରିବାକୁ ସେ ୧୦ କି.ମି. ଊର୍ଦ୍ଧ୍ୱ ରାସ୍ତା ଚାଲିଚାଲି ଆସିଛନ୍ତି। ଏଭଳି ଘଟଣା କୁଆଖିଆ ଥାନା ଅନ୍ତର୍ଗତ ନଠୁଆବର ପଞ୍ଚାୟତ କୃଷ୍ଣପଡା ଗ୍ରାମରେ ଘଟିଛି। ଗ୍ରାମର ଆଲୋକ ବେହେରା ନାମକ ବ୍ୟକ୍ତି ତାଙ୍କ ସ୍ତ୍ରୀ ଟିକିଲି ଓରଫ୍ ଇପ୍ସିତା ପ୍ରିୟଦର୍ଶିନୀ ବେହେରାଙ୍କୁ ନିର୍ଯାତନା ଦେଉଥିବା ଅଭିଯୋଗ ହୋଇଛି।
ଢେଙ୍କାନାଳ ଜିଲା ଭୁବନ ଗ୍ରାମର ମହିଳା ଟିକିଲିଙ୍କ ଅଭିଯୋଗ ମୁତାବାକ, ୫ବର୍ଷ ତଳେ ସେ କୃଷ୍ଣପଡ଼ା ଗ୍ରାମର ଅଲୋକଙ୍କୁ ବୈଦିକ ରୀତିରେ ବିବାହ କରିଥିଲେ। ତାଙ୍କର ଏକ ୪ବର୍ଷର ପୁଅ ରହିଛି। ହେଲେ ଅଲୋକ ବିନା କାରଣରେ ତାଙ୍କୁ ନାନା ସମୟରେ ମାରଧର କରୁଛନ୍ତି। ତଣ୍ଟି ଚିପି ମାରିଦେବାକୁ ଉଦ୍ୟମ କରୁଛନ୍ତି। ଶରୀରର ସମ୍ବେଦନଶୀଳ ଅଂଶକୁ ମାଡ ମାରିବାକୁ ପଛାଉନାହାନ୍ତି। ଏଭଳି ବାରମ୍ବାର ମାରଧରକୁ ସହ୍ୟ କରି ନ ପାରି ସୋମବାର ଅପରାହ୍ନରେ ଟିକିଲି ଘରୁ ପଳାଇ ଆସିଛନ୍ତି। ତାଙ୍କ ଜୀବନ ପ୍ରତି ବିପଦ ଥିବାରୁ ସେ ଘର ଛାଡ଼ିବାକୁ ବାଧ୍ୟ ହୋଇଛନ୍ତି ବୋଲି ପ୍ରକାଶ କରିଛନ୍ତି। ସେ ସ୍ବାମୀଙ୍କ ନାମରେ ଥାନାରେ ଅଭିଯୋଗ କରିବାକୁ ଆସି ୧୦ କି.ମି.ରୁ ଊର୍ଦ୍ଧ୍ୱ ଚାଲିବା ପରେ ଥାନା ନ ପାଇ ଭୋଟକା ପଞ୍ଚାୟତର ବଣିଛକ ନିକଟରେ ପହଞ୍ଚତ୍ଥିଲେ। ଚାଲି ଚାଲି ଥକି ପଡିବାରୁ ଛରେ ଥିବା ଏକ ଦୋକାନ ବାରଣ୍ଡାରେ ବିଶ୍ରାମ ନେଇଥିଲେ। ଲୋକଙ୍କୁ ଦେଖି ଟିକିଲି କାନ୍ଦିବାକୁ ଲାଗିଥିଲେ। କାନ୍ଦିବାର କାରଣ ସମ୍ପର୍କରେ ଲୋକେ ଅବଗତ ହୋଇ ତାଙ୍କ ବାପଘର ଲୋକଙ୍କୁ ଫୋନ ଯୋଗେ ଯୋଗାଯୋଗ କରିଥିଲେ। ମା’ କୁନି ବେହେରା ଓ ବାପା ଲକ୍ଷ୍ମୀଧର ବେହେରା ସନ୍ଧ୍ୟାରେ ଛକରେ ପହଞ୍ଚତ୍ଥିଲେ। ପରେ ସ୍ଥାନୀୟ ଲୋକଙ୍କ ସହାୟତାରେ ଟିକିଲି ଓ ତାଙ୍କ ମା’ବାପା କୁଆଖିଆ ଥାନାରେ ପହଞ୍ଚତ୍ ଅଭିଯୋଗ କରିଛନ୍ତି। ଝିଅଙ୍କ ଜୀବନ ପ୍ରତି ବିପଦ ଥିବାରୁ ତାଙ୍କୁ ସାଙ୍ଗରେ ଘରକୁ ନେଇଯିବେ ବୋଲି ବାପା ଲକ୍ଷ୍ମୀଧର ପ୍ରକାଶ କରିଛନ୍ତି। ଅଭିଯୋଗ ପାଇବା ପରେ ପୋଲିସ ଟିକିଲିଙ୍କ ସ୍ବାମୀଙ୍କୁ ଥାନାକୁ ଡାକି ତଦନ୍ତ ଚଳାଇଛି। ମାତ୍ର ଟିକିଲିଙ୍କ ସ୍ବାମୀ ସହ ଯୋଗାଯୋଗ ହୋଇ ନ ପାରିବାରୁ ତାଙ୍କ ପ୍ରତିକ୍ରିୟା ମିଳିପାରିନାହିଁ।
