ମୁମ୍ବାଇ,୨୮।୪: ଆଇପିଏଲ ୨୦୨୨ର ୪୦ତମ ମ୍ୟାଚରେ ଗୁଜରାଟ ଟାଇଟାନ୍ସ ଏକ ରୋମାଞ୍ଚକର ମ୍ୟାଚରେ ସନରାଇଜର୍ସ ହାଇଦ୍ରାବାଦକୁ ୫ ଉଇକେଟରେ ପରାସ୍ତ କରିଛି। ଏହି ମ୍ୟାଚ୍ରେ କ୍ୟାପଟେନ ହାର୍ଦ୍ଦିକ ପାଣ୍ଡ୍ୟା ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ। ପାଣ୍ଡ୍ୟା ବ୍ୟାଟିଂରେ ବିଶେଷ କିଛି କରି ପାରି ନ ଥିଲେ। ସେ ବ୍ୟାଟିଂ କରୁଥିବାବେଳେ ତାଙ୍କ କାନ୍ଧରେ ବଲ ବାଜି ଯାଇଥିଲା। ଏହା ଦେଖି ଷ୍ଟାଡିୟମରେ ଉପସ୍ଥିତ ଥିବା ତାଙ୍କ ସ୍ତ୍ରୀ ନତାଶା ଷ୍ଟାନକୋଭିକ ଚିନ୍ତା ବ୍ୟକ୍ତ କରିଥିଲେ।
ହାର୍ଦ୍ଦିକ ପାଣ୍ଡ୍ୟା ଉମ୍ରାନ ମଲିକଙ୍କ ବଲରେ ଏକ ବଡ ସଟ ମାରିବାକୁ ଚାହୁଁଥିଲେ, କିନ୍ତୁ ବଲ ତାଙ୍କ କାନ୍ଧରେ ବାଜିଥିଲା। ସେ ଯନ୍ତ୍ରଣାରେ ହାତ ଏପଟ ସେପଟ କରୁଥିବାର ଦେଖାଯାଇଥିଲା। ସଙ୍ଗେ ସଙ୍ଗେ ପଡ଼ଆରେ ଫିଜିଓ ମଧ୍ୟ ପହଞ୍ଚିଥିଲେ। ଏହା ଦେଖି ତାଙ୍କ ନତାଶା ଷ୍ଟାନକୋଭିକ ଚିନ୍ତାରେ ପଡିଯାଇଥିଲେ। ଏବେ ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ମ୍ୟାଚରେ ହାର୍ଦ୍ଦିକ ପାଣ୍ଡ୍ୟା ଏକ ବଡ଼ ଇନିଂସ ଖେଳିପାରି ନ ଥିଲେ। ସେ ମାତ୍ର ୧୦ ରନରେ ଉମ୍ରାନ୍ଙ୍କ ବଲ୍ରେ ଆଉଟ୍ ହୋଇଥିଲେ। ମ୍ୟାଚ୍ ପରେ ଉମରାନ୍ ନତାଶାଙ୍କୁ ହାତଯୋଡି କ୍ଷମା ମାଗିଛନ୍ତି। ହାର୍ଦ୍ଦିକ ପାଣ୍ଡ୍ୟା ଉମ୍ରାନଙ୍କୁ ପଛରୁ ଧରିଛନ୍ତି, ସେ ଷ୍ଟାଣ୍ଡ୍ରେ ଥିବା ନତାଶାଙ୍କୁ ଦେଖି ହାତ ଯୋଡୁଥିବାର ଫଟୋ ୱିସଡେନ ଇଣ୍ଡିଆର ଅଫିସିଆଲ ଟୁଇଟର୍ରେ ଶେୟାର କରାଯାଇଛି।
ଏହି ଫଟୋ ଶେୟାର କରି କ୍ୟାପସନ ଲେଖାଯାଇଛି, ‘ସରି ସିନିୟର!’। ଏହି ଫଟୋ ଦେଖି ଜଣେ ପ୍ରଶଂସକ ଲେଖିଛନ୍ତି ଯେ ଷ୍ଟାଡିୟମରେ ଉପସ୍ଥିତ ଥିବା ନତାଶାଙ୍କୁ ଉମରାନ କ୍ଷମା ମାଗୁଛନ୍ତି।
https://twitter.com/JamesTyler_99/status/1519362459865206784
