ଓସ୍ଲୋ: ୟୁକ୍ରେନ୍ର ରାଷ୍ଟ୍ରପତି ଭୋଲୋଦିମିର ଜେଲେନସ୍କିଙ୍କ ବିମାନ ଏକ ବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତିଥିବା ଖବର ସାମ୍ନାକୁ ଆସିଛି। ମୋଲଦୋଭାରୁ ନରୱେ ଯାଉଥିବା ସମୟରେ ତାଙ୍କ ବିମାନ ଏକ ଅଜଣା ଡ୍ରୋନ୍ର ନିକଟ ସଂସ୍ପର୍ଶରେ ଆସିଥିବା ଜଣାପଡ଼ିଛି। ଏହି ଘଟଣା ଜେଲେନସ୍କିଙ୍କ ସୁରକ୍ଷା ବ୍ୟବସ୍ଥାକୁ ନେଇ ଗୁରୁତର ପ୍ରଶ୍ନ ଉଠାଇଛି।
ନରୱେର ପ୍ରଧାନମନ୍ତ୍ରୀ ଜୋନାସ ଗାର୍ ଷ୍ଟୋରେ ବୁଧବାର ସରକାରୀ ପ୍ରସାରକ NRK ସହ କଥା ହୋଇ ଏହି ଘଟଣା ସମ୍ପର୍କରେ ସୂଚନା ଦେଇଛନ୍ତି। ସେ କହିଛନ୍ତି, ମୋଲଦୋଭାରୁ ଉଡ଼ାଣ ଭରିବା ସମୟରେ ଜେଲେନସ୍କିଙ୍କ ବିମାନ ପ୍ରାୟ ଏକ ଡ୍ରୋନ୍ର ଧକ୍କାରେ ପଡ଼ିବାକୁ ଯାଇଥିଲା। ଏହା ତାଙ୍କ ଯାତ୍ରା ସମୟରେ ସୃଷ୍ଟି ହୋଇଥିବା ସୁରକ୍ଷା ବିପଦର ଗମ୍ଭୀରତାକୁ ଦର୍ଶାଉଛି।
ଏହି ଘଟଣା ସମ୍ପର୍କରେ ୟୁକ୍ରେନ ସରକାରଙ୍କ ପକ୍ଷରୁ ଏପର୍ଯ୍ୟନ୍ତ କୌଣସି ଅଧିକାରିକ ପୁଷ୍ଟି କରାଯାଇନାହିଁ। ତେବେ ନରୱେ ପ୍ରଧାନମନ୍ତ୍ରୀଙ୍କ ବୟାନ ପରେ ଜେଲେନସ୍କିଙ୍କ ଯାତ୍ରା ସମୟର ସୁରକ୍ଷା ବ୍ୟବସ୍ଥାକୁ ନେଇ ଚର୍ଚ୍ଚା ଆରମ୍ଭ ହୋଇଛି।
