ଗୋପାଳପୁର,୬ା୬(ନବୀନ ରାଜ ଆଚାରୀ): ଗଞ୍ଜାମ ଜିଲାରେ ଏକ ଅଭାବନୀୟ ଘଟଣା ଘଟିଛ। ଗୋଳନ୍ଥରା ଥାନା ଅଞ୍ଚଳର ଏକ ଗ୍ରାମର ଦୁଇ ସମ୍ପର୍କୀୟ ନାବାଳିକା ଭଉଣୀଙ୍କୁ ଉଠାଇ ନେଇ ଦୁଇଦିନ ବିଭିନ୍ନ ସ୍ଥାନରେ ରଖି ବାରମ୍ବାର ଗଣବଳାତ୍କାର କରିଥିବା ନେଇ ଗୁରୁବାର ରାତିରେ ଗୋଳନ୍ଥରା ଥାନାରେ ଅଭିଯୋଗ ହୋଇଛି। ଏ ନେଇ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
ଖବର ଅନୁସାରେ ଏହି ଥାନା ଅଧିନସ୍ଥ ଏକ ଗ୍ରାମର ଦୁଇ ସମ୍ପର୍କୀୟ ନାବାଳିକା ଭଉଣୀଙ୍କୁ ଗତ ୩ ତାରିଖରେ ସେହି ଗ୍ରାମର ୪ ଜଣ ଯୁବକ ବିଭିନ୍ନ ପ୍ରକାର ପ୍ରଲୋଭନ ଦେଖାଇ ଉଠାଇ ନେଇ ବିଭିନ୍ନ ସ୍ଥାନ ରଖି ଜୋର ଜବରଦସ୍ତ ବାରମ୍ବାର ବଳାତ୍କାର କରି କରିଥିଲେ। ଯୁବକ ଘଟଣା ସମ୍ପର୍କରେ କାହାକୁ ନ କହିବା ପାଇଁ ଦୁଇ ନାବାଳିକାଙ୍କୁ ଧମକ ଚମକ ଦେଇଥିଲେ। ଯୁବକମାନେ ଗ୍ରାମରେ ଛାଡ଼ିଥିଲେ। ପରଦିନ ପୁଣି ଯୁବକମାନେ ନାବାଳିକାଙ୍କୁ ଡାକିଥିଲେ କିନ୍ତୁ ସେ ଆସି ନ ଥିଲେ। ଅସୁସ୍ଥ ଅନୁଭବ କରି ଦୁଇ ନାବାଳିକା ଚାଲି ପାରି ନ ଥିଲେ। ପରିବାର ଲୋକେ ପଚାରିବାରୁ ଘଟଣା ବଖାଣିଥିଲେ ଯାହା କି ଚକିତ କରିଥିଲା। ଏ ନେଇ ପୀଡ଼ିତାଙ୍କ ପରିବାର ଲୋକ ଓ ଗ୍ରାମବାସୀ ଗୁରୁବାର ରାତିରେ ଗୋଳନ୍ଥରା ଥାନାରେ ଅଭିଯୋଗ କରିଥିଲେ। ଥାନା କେସ୍ ନଂ ୨୪୦/୨୫ ପ୍ରକାରେ ପୋଲିସ ବଳାତ୍କାର ମାମଲା ରୁଜୁ କରିଛିl ଗିରଫ ଭୟରେ ଅଭିଯୁକ୍ତ ଫେରାର ଥିବା ସୂଚନା ମିଳିଛି। ଅଭିଯୁକ୍ତ ଧରିବା ପାଇ ବ୍ରହ୍ମପୁର ଏସ୍ପି ଡା. ସର୍ବଣା ବିବେକ ଏମ୍ ନିର୍ଦ୍ଦେଶ କ୍ରମେ ଗୋଳନ୍ଥରା ଥାନା ଅଧିକାରୀ ବିବେକାନନ୍ଦ ସ୍ବାଇଁ ନେତୃତ୍ୱରେ ଦୁଇଟି ଟିମ୍ ଗଠନ କରି ବିଭିନ୍ନ ସ୍ଥାନ ଚଢ଼ାଉ ଜାରି ରଖିଛି। କିଭଳି କେଉଁ ପରିସ୍ଥିତି ଦୁଇ ନାବାଳିକାଙ୍କୁ ୪ ଯୁବକ ଅତି ନୃଶଂସ ଭାବେ ବଳାତ୍କାର କରିଥିଲେ। ଯାହା କି ଜିଲାରେ ଆଲୋଡ଼ନ ଖେଳିଯାଇଛି। ଅନ୍ୟ ଶୁକ୍ରବାର ଗ୍ରାମରେ ବୈଠକ କରି ବଳାତ୍କାରୀ କରିଥିବା ପରିବାର ଲୋକ ଘଟଣାକୁ ଚପାଇ ଦେବା ପାଇଁ ଉଦ୍ୟମ ଆରମ୍ଭ ହୋଇଥିବା ଶୁଣିବାକୁ ମିଳୁଛି।
