ଶ୍ରୀନଗର,୨୨ ।୯: ଉତ୍ତର କଶ୍ମୀରର ବାଳାମୁଳ ଜିଲାର ସୋପୋରରୁ ବୁଧବାର ରାତିରେ ସୁରକ୍ଷାକର୍ମୀ ଲସ୍କର-ଏ-ତୋଏବା ଆତଙ୍କବାଦୀ ସଙ୍ଗଠନର ଦୁଇ ଜଣ ହାଇବ୍ରିଡ ଆତଙ୍କବାଦୀଙ୍କୁ ଗିରଫ କରିଛନ୍ତି । ସେମାନଙ୍କ ନିକଟରୁ ପିସ୍ତଲ, ଚାଇନା ନିର୍ମିତ ଗ୍ରେନେଡ ତଥା ଗୁଳି ଜବତ କରାଯାଇଛି । ଧରାପଡିଥିବା ଦୁଇ ଆତଙ୍କବାଦୀଙ୍କୁ ପଚରା ଉଚରା କରାଯାଉଛି । ପୋଲିସର ସୂଚନା ଅନୁଯାୟୀ ଧରାପଡିଥିବା ଦୁଇ ଆତଙ୍କବାଦୀ ମଟିଂଗୁ ନିବାସୀ ଇମତିୟାଜ ଅହମଦ ଗନେଇ ଓ ୱସିମ ଅହମଦ ଲୋନ ଏମାନେ ଲସ୍କର-ଏ-ତୋଏବା ପାଇଁ ହାଇବ୍ରିଡ ଆତଙ୍କି ତଥା ଓଭର ଗ୍ରାଉଣ୍ଡ ୱାର୍କର ଭାବେ କାମ କରନ୍ତି ।
ସୋପୋରର ବ୍ରଥ କଲାଂ ନିବାସୀ ସକ୍ରିୟ ଆତଙ୍କବାଦୀ ବିଲାଲ ଇମାଜ ମିରଙ୍କ ଇସାରାରେ ସୋପୋର ଓ ଏହାର ଆଖପାଖ ଅଞ୍ଚଳରେ ସୁରକ୍ଷାକର୍ମୀ ଓ ସାଧାରଣ ନାଗରିକଙ୍କ ଉପରେ ଆକ୍ରମଣ କରିବା ଯୋଜନାରେ ଥିଲେ । ଆତଙ୍କବାଦୀଙ୍କ ଉପସ୍ଥିତି ଜାଣିବା ପରେ ବଟିଂଗୁ ଗ୍ରାମକୁ ଘେରାଉ କରି ତଲାସି ଅଭିଯାନ ଆରମ୍ଭ କରାଯାଇଛି ।
