ନୂଆଦିଲ୍ଲୀ, ୧୮।୧୦: ଗାଜାର ଅଲ-ଅହଲୀ ହସପିଟାଲରେ କଥିତ ଇସ୍ରାଏଲି ଆକ୍ରମଣ ଏୟାର ଷ୍ଟ୍ରାଇକରେ ଅତି କମରେ ୫୦୦ ଲୋକେ ମୃତ୍ୟୁ ବରଣ କରିଛନ୍ତି । ଅନେକ ମୁସଲିମ ଦେଶ ଇସ୍ରାଏଲକୁ ଏଥିପାଇଁ ଦାୟୀ କରୁଥିବା ବେଳେ , ଇସ୍ରାଏଲ ଏହି ଦାବୀକୁ ଖଣ୍ଡନ କରିଛି । ଇସ୍ରାଏଲ ଏଥିପାଇଁ ପାଲେଷ୍ଟାଇନର ଆତଙ୍କବାଦୀ ସଙ୍ଗଠନକୁ ଦାୟୀ କରିଛି। ଇସ୍ରାଏଲି ଡିଫେନ୍ସ ଫୋର୍ସ ଏକ୍ସ ରେ ଲେଖିଛନ୍ତି, ‘ ଆଇଡିଏଫର ବ୍ଲିଶେଷଣ ଏବଂ ଗୁଇନ୍ଦା ସୂତ୍ରରୁ ମିଳିଥିବା ସୂଚନା ଅନୁଯାୟୀ ପାଲେଷ୍ଟାଇନର ଆତଙ୍କବାଦୀମାନେ ହସପିଟାଲ ଉପରେ ଏହି ଆକ୍ରମଣ କରିଛନ୍ତି।
ଏହା ବ୍ୟତୀତ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟହୁ କହିଛନ୍ତି ଯେ, ”ଏହା ପୁରା ଦୁନିଆକୁ ଜଣା ପଡୁ କି ଗାଜା ଆକ୍ରମଣରେ ଅମାନୁଷିକ ଆତଙ୍କବାଦୀମାନେ ଥିଲେ। ଯେଉଁମାନେ ଗାଜା ହାସପିଟାଲ ଉପରେ ଆକ୍ରମଣ କରିଥିଲେ, ନା କି ଇସ୍ରାଏଲଇ ସୈନ୍ୟମାନେ। ଏହା ସହିତ ସେ କହିଛନ୍ତି ଯେ , ଯେଉଁମାନେ ଆମର ପିଲା ମାନଙ୍କୁ ହତ୍ୟା କରିଥିଲେ ସେମାନେ ଏବେ ନିଜର ପିଲାଙ୍କୁ ହତ୍ୟା କରୁଛନ୍ତି।”
କ’ଣ କହିଲେ ବିଶ୍ୱର ନେତାମାନେ
ମଧ୍ୟପ୍ରାଚ୍ୟ ଦେଶ କତାର, ଇଜିପ୍ଟ ସରକାର ଏହି ଆକ୍ରମଣକୁ ନିନ୍ଦା କରିଛନ୍ତି, ଏବଂ ମନୁଷ୍ୟକୃତ୍ୟ ସଙ୍କଟ ଉପରେ ଚିନ୍ତା ପ୍ରକଟ କରିଛନ୍ତି। ତୁର୍କୀ ରାଷ୍ଟ୍ରପତି ରିସେପ ତାଇପେ ଏର୍ଡୌଗାନୋ ମଧ୍ୟ ହାସପିଟାଲ ଆକ୍ରମଣକୁ ନିନ୍ଦା କରିଛନ୍ତି। ଏପରିକି କାନାଡ଼ାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ଏହି ଘଟଣାର ନିନ୍ଦା କରିଛନ୍ତି।
