ଚାନ୍ଦବାଲି, ୨୨।୨ (ଡି.ଏନ.ଏ.): ଭଦ୍ରକ ଜିଲା ଚାନ୍ଦବାଲି ବ୍ଲକ ଅଧୀନ ନାଲଗୁଣ୍ଡା ପଞ୍ଚାୟତ ଇଟୁଆ ୧୨ନଂ. ୱାର୍ଡରେ ବୁଥ୍ କ୍ୟାପଚରିଂ ଯୋଗୁ ଆସନ୍ତା ୨୩ ତାରିଖରେ ପୁନଃ ନିର୍ବାଚନ ଅନୁଷ୍ଠିତ ହେବ। ବିଜେଡି ସମର୍ଥିତ ସରପଞ୍ଚ ପ୍ରାର୍ଥୀ ପ୍ରତିଭା ବିଶ୍ୱାଳ ଓ ଦଳର ବ୍ଲକ ମହିଳା ସଭାପତି ମାନସୀ ପାଢ଼ୀ ଇଟୁଆ ଗଁାରେ ପହଞ୍ଚି ଜଗନ୍ନାଥଙ୍କ ଫଟୋ ଛୁଆଁଇ ଭୋଟ ଦେବା ପାଇଁ ଭୋଟରଙ୍କୁ ଶପଥ କରାଉଛନ୍ତି। ଏନେଇ ଏକ ଭିଡିଓ ଭାଇରାଲ ହୋଇଛି। ଉକ୍ତ ଗାଁର ପୁରୁଷ ଓ ମହିଳାଙ୍କୁ ଜବରଦସ୍ତି ନିୟମ କରାଇ ଭୋଟ୍ ଦେବାକୁ ବାଧ୍ୟ କରାଯାଉଥିବା ଭାଜପା ସମର୍ଥିତ ସରପଞ୍ଚ ପ୍ରାର୍ଥୀ ଭାରତୀ ବିଶ୍ୱାଳ ଅଭିଯୋଗ ଆଣିଛନ୍ତି। ଜଗନ୍ନାଥଙ୍କ ଫଟୋ ଧରି ଭୋଟରଙ୍କୁ ଶପଥ କରାଉଥିବା ମହିଳା ଜଣଙ୍କ ବିଜେଡିର ବ୍ଲକ ମହିଳା ସଭାପତି ହୋଇଥିବା ବେଳେ ପାଖରେ ବସିଛନ୍ତି ସରପଞ୍ଚ ପ୍ରାର୍ଥିନୀ।
ଏ ସମ୍ପର୍କରେ ସରପଞ୍ଚ ପ୍ରାର୍ଥତ୍ନୀ ପ୍ରତିଭା କହିଛନ୍ତି, ମୁଁ ସେ ଜାଗାରେ ଥିଲି। ହେଲେ ଏଭଳି ଶପଥପାଠ ନେଇ କୌଣସି ସତ୍ୟତା ନାହିଁ। ଏପଟେ ବିଜେଡି ବ୍ଲକ ମହିଳା ସଭାପତି ପାଢ଼ୀ ଏହି ଘଟଣା ମିଛ ଏବଂ ମହିଳା ସଭାପତି ହିସାବରେ ସେ ପ୍ରଚାରରେ ଯାଇଥିଲେ ବୋଲି କହିଛନ୍ତି। ପ୍ରକାଶ ଥାଉକି, ଏଠାରେ ୨ୟ ପର୍ଯ୍ୟାୟ ନିର୍ବାଚନ ବେଳେ କେତେଜଣ ଲୋକ ଜବରଦସ୍ତି ଏକ ନିର୍ଦ୍ଦିଷ୍ଟ ଦଳ ସମର୍ଥତ୍ତ ପ୍ରାର୍ଥୀଙ୍କୁ ଭୋଟ ଦେଇଥିଲେ। ଏନେଇ ପ୍ରିଜାଇଡିଂ ଅଫିସରଙ୍କ ଲିଖିତ ଅଭିଯୋଗ ପରେ ସାନି ମତଦାନ ପାଇଁ ରାଜ୍ୟ ନିର୍ବାଚନ ଅଧିକାରୀ ନିର୍ଦ୍ଦେଶ ଦେଇଛନ୍ତି।
