ତୁହାକୁତୁହା ବର୍ଷା, ଚାଷୀ ଆଖିରେ ଲୁହ

କେନ୍ଦ୍ରାପଡ଼ା ଅଫିସ,୬ା୧୨: କେନ୍ଦ୍ରାପଡ଼ା ଜିଲାରେ ଗତ ଦୁଇଦିନ ଧରି ଝିପିଝିପି ବର୍ଷା ହେଉଥିଲା। ରବିବାର ସକାଳଠାରୁ ବାତ୍ୟା ଜଓ୍ବାଦ ପ୍ରଭାବରେ ତୁହାକୁ ତୁହା ବର୍ଷା ହେଉଛି। ସକାଳ ୮ଟା ସୁଦ୍ଧା ଜିଲାରେ ମୋଟ ୪୩୪ ମିଲିମିଟର ବର୍ଷା ହୋଇଛି; ଯାହା ଚାଷୀଙ୍କ ଖରିଫ ଧାନ ଓ ପନିପରିବା ଚାଷ ପ୍ରତି ବିପଦ ସାଜିଛି। ବାତ୍ୟା ପ୍ରଭାବରୁ ସମୁଦ୍ର ଜୁଆର ପାଣି ଲୁଣା ତଟବନ୍ଧ ଡେଇଁ ଜିଲାର ବିଭିନ୍ନ ସ୍ଥାନରେ କ୍ଷେତରେ ଜମି ଓ ଗ୍ରାମକୁ ମାଡି ଆସିଛି। ଜଳ ନିଷ୍କାସନ ସମସ୍ୟାରେ ଚାଷୀ ଥିବା ବେଳେ ଜିଲାପାଳ ଅମୃତ ଋତୁରାଜ କହିଛନ୍ତି, ବାତ୍ୟା ପୂର୍ବରୁ ଫସଲ ଅମଳକୁ ନେଇ ଚାଷୀମାନଙ୍କୁ ସଚେତନ କରାଯାଇଥିଲା। ଆସନ୍ତା ୭ ଦିନ ମଧ୍ୟରେ ଚାଷ କ୍ଷୟକ୍ଷତି ସମ୍ପର୍କରେ ରିପୋର୍ଟ ଏସ୍‌ଆରସିଙ୍କୁ ପ୍ରଦାନ କରାଯିବ। ଜିଲା ଜରୁରିକାଳୀନ ବିଭାଗ ତଥ୍ୟ ଅନୁଯାୟୀ ଶନିବାର ସକାଳ ସୁଦ୍ଧା ଜିଲାରେ ହାରାହାରି ୧୨.୫୬ ମି.ମି. ବର୍ଷା ହୋଇଥିଲା। ଜିଲାର ଗରଦପୁର ବ୍ଲକ ଅଞ୍ଚଳରେ ବର୍ଷା ହୋଇ ନ ଥିବା ବେଳେ ମହାକାଳପଡା ବ୍ଲକରେ ସର୍ବାଧିକ ୨୫ ମି.ମି. ବର୍ଷା ହୋଇଥିଲା। ଶନିବାର ସକାଳ ସୁଦ୍ଧା ଜିଲାର ୯ ବ୍ଲକରେ ମୋଟ ୧୧୩ ମି.ମି. ବର୍ଷା ହୋଇଥିଲା। ସେହିପରି ରବିବାର ସକାଳ ୮ଟା ସୁଦ୍ଧା ସର୍ବାଧିକ ୬୫ ମି.ମି. ବର୍ଷା ରାଜନଗର ବ୍ଲକ ଅଞ୍ଚଳରେ ହୋଇଛି। ଏହି ସମୟରେ ଜିଲାର ବିଭିନ୍ନ ବ୍ଲକ ଅଞ୍ଚଳରେ ୩୨୧ ମି.ମି. ବର୍ଷା ହୋଇଛି।

ମହାକାଳପଡ଼ାର ସୁନୀଲ ଗନ୍ତାୟତ କହିଛନ୍ତି, ଏହି ବାତ୍ୟା ଚାଷୀଙ୍କ ଆଖିରେ ଲୁହ ଆଣିଛି। ଲଗାଣ ବର୍ଷାରେ ଧାନ କ୍ଷେତରେ ପ୍ରାୟ ୨ ଫୁଟ ଉଚ୍ଚତାର ପାଣି ଜମିଗଲାଣି। ପାଚିଲା ଧାନ କ୍ଷେତରେ ଶୋଇ ପଡିବାରୁ ଗଜା ହେବା ସମ୍ଭାବନା ଅଧିକ ହୋଇଛି। ବର୍ଷା ପବନରେ ଧାନ ଝଡିଯାଇଛି। ଜଳ ନିଷ୍କାସନ କୃଷି ଭିତ୍ତିଭୂମି ପାଇଁ ବାଧକ ହୋଇଥିଲେ ମଧ୍ୟ କୌଣସି ରାଜନେତା ଅଥବା ପ୍ରଶାସକ ଏ ନେଇ ଚିନ୍ତା କରିନାହାନ୍ତି। ଯାହାଦ୍ୱାରା ପ୍ରାକୃତିକ ବିପର୍ଯ୍ୟୟ ସମୟରେ ଚାଷୀଙ୍କ ଆର୍ଥିକ ସ୍ଥିତିକୁ ଦୋହଲାଇ ଦେଉଛି। ବାତ୍ୟା ଜିଲାର ଜନଜୀବନକୁ ବ୍ୟତିବ୍ୟସ୍ତ କରିଦେଇଛି। ଏ ନେଇ ମହାକାଳପଡ଼ାର ଲକ୍ଷ୍ମୀଧର ସ୍ବାଇଁ କହିଛନ୍ତି, ଜିଲାର ଅଧିକାଂଶ ଚାଷ ସମବାୟ ସମିତିର ଋଣ ଉପରେ ନିର୍ଭରଶୀଳ। ତେବେ କୃଷି ଭିତ୍ତିଭୂମି ବିକାଶ ପାଇଁ କୌଣସି ଯୋଜନା ନାହିଁ। ଚଳିତବର୍ଷ ଜିଲାର ୨ ଲକ୍ଷ ୧୭ ହଜାରରୁ ଅଧିକ ଚାଷୀ କୃଷି ସମବାୟ ସମିତିରୁ ଋଣ ଆଣି ଖରିଫ ଧାନ ଚାଷ କରିଛନ୍ତି। ଗତ ସେପ୍ଟେମ୍ବରରେ ଲଗାଣ ବର୍ଷା ଫଳରେ ଦୀର୍ଘଦିନ ଧରି କ୍ଷେତରେ ପାଣି ଜମି ରହି ଚାଷ ଆରମ୍ଭରୁ ଧାନ ତଳି ନଷ୍ଟ କରିଥିଲା। କୌଣସି ପ୍ରକାର ଏହି କ୍ଷେତରେ ପୁନର୍ବାର ଚାଷ କରିଥିବା ବେଳେ ଅମଳ ସମୟରେ ଆସିଥିବା ବାତ୍ୟା ଧାନ ଓ ପନିପରିବା ଫସଲକୁ ନଷ୍ଟ କରିଛି। ଏବେ ଋଣ ଶୁଝିବା ନେଇ ଚିନ୍ତା ବଢ଼ିଛି। ରାଜନଗର ବ୍ଲକ ବସନ୍ତ କୁମାର ହାତୀ କହିଛନ୍ତି, ବାତ୍ୟା ସାମୁଦ୍ରିକ ଜୁଆରକୁ ଉତ୍ତାଳ କରିଛି। ସମୁଦ୍ର ତଟ ଅଞ୍ଚଳ ନିକଟବର୍ତ୍ତୀ ରାଜନଗର ଓ ମହାକାଳପଡ଼ା ବ୍ଲକ ଅଞ୍ଚଳରେ ତଟବନ୍ଧକୁ ଭାଙ୍ଗି ବିଭିନ୍ନ ଗ୍ରାମ ଓ କ୍ଷେତକୁ ଲୁଣି ପାଣି ପଶିଯାଇଛି। ତାଳଚୁଆ, ଖରିନାସୀ, କନ୍ଦରାପାଟିଆ, ବତିଘର, ବଡଟୁବି, ସାନ ଟୁବି, ଅଜଗରପାଟିଆ, ଜମ୍ବୁ ଆଦି ଗ୍ରାମରେ ସମୁଦ୍ରର ଲୁଣି ପାଣି ନଦୀ, ନାଳ ମାଧ୍ୟମରେ ମାଡି ଯାଇଛି। ଜଳ ପରିଚାଳନା ପାଇଁ ସ୍ବତନ୍ତ୍ର ଭାବେ ଆଳି ତଟବନ୍ଧ କାର୍ଯ୍ୟାଳୟ ପ୍ରତିଷ୍ଠା ହୋଇଛି। ତେବେ କାର୍ଯ୍ୟାଳୟ ପ୍ରତିଷ୍ଠାଠାରୁ ଅଦ୍ୟାବଧି ତଟବନ୍ଧକୁ ଅଧିକ ସୁଦୃଢ଼ କରାଯାଇନାହିଁ। ପ୍ରତିବର୍ଷ ମରାମତି ନାମରେ ଅର୍ଥ ହରିଲୁଟ ହେଉଛି। ବାତ୍ୟା ବା ଲଗାଣ ବର୍ଷାରେ ତଟବନ୍ଧକୁ ଡେଇଁ କ୍ଷେତରେ ଲୁଣି ପାଣି ପଶୁଛି। ଫଳରେ ଚାଷ କ୍ଷତି ଦର୍ଶାଇ ଯୁବବର୍ଗ କର୍ମନିଯୁକ୍ତି ନିମନ୍ତେ ବାହାରକୁ ଯାଉଛନ୍ତି। ଚଳିତ ବାତ୍ୟାରେ ଅଧିକ ପବନ ନ ଥାଇ ମଧ୍ୟ କାହିଁକି ଚାଷରେ କ୍ଷତି ହେଲା, ତାହାର ତର୍ଜମାର ଆବଶ୍ୟକତା ଅଛି।


Enter your email to get our daily news in your inbox.

All Right Reserved By Dharitri.Com

ପ୍ରାକୃତିକ ବାଲିସ୍ତୂପ ଉଭାନ୍‌ : ମାଡ଼ିଆସୁଛି ଅଶାନ୍ତ ସମୁଦ୍ର

କାକଟପୁର,୧୨ା୮: ବିସ୍ତୀର୍ଣ୍ଣ ସମୁଦ୍ର ତଟ ପାଇଁ ପୁରୀ ଜିଲା ପର୍ଯ୍ୟଟନ ମାନଚିତ୍ରରେ ବିଶେଷ ସ୍ଥାନ ଅଧିକାର କରିଛି। ମାତ୍ର ଗତ କେତେ ବର୍ଷ ଧରି ପୁରୀ...

ଅଶ୍ୱିନୀଙ୍କୁ ରେଳ ଓ ଆଇଟି

ନୂଆଦିଲ୍ଲୀ,୭।୭: ବୁଧବାର କେନ୍ଦ୍ର ମନ୍ତ୍ରିମଣ୍ଡଳର ସମ୍ପ୍ରସାରଣ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ୪୩ ଜଣ ମନ୍ତ୍ରୀ ଶପଥ ଗ୍ରହଣ କରିଛନ୍ତି। ଏଥିରେ ଓଡ଼ିଶାର ଭାଜପା ନେତା...

ଖଣ୍ଡଗିରି ଅଞ୍ଚଳର ଯୁବତୀଙ୍କୁ ବଳାତ୍କାର ଘଟଣା: ପୀଡ଼ିତାଙ୍କୁ ଭେଟିଲେ ମହିଳା କମିଶନ ଅଧ୍ୟକ୍ଷା

ଭୁବନେଶ୍ୱର,୫।୧୨(ବ୍ୟୁରୋ): ଖଣ୍ଡଗିରି ଥାନା ଅଞ୍ଚଳର ବଳାତ୍କାର ପୀଡ଼ିତାଙ୍କୁ ମହିଳା କମିଶନ ଅଧ୍ୟକ୍ଷା ମିନତୀ ବେହେରା ଗୁରୁବାର ଭେଟିଛନ୍ତି। ପ୍ରଥମେ ଖଣ୍ଡଗିରି ଥାନାରେ ପହଞ୍ଚିବା ପରେ ପୀଡ଼ିତାଙ୍କ...

ବାହାର ଶ୍ରଦ୍ଧାଳୁଙ୍କ ପାଇଁ ଦର୍ଶନ ମନା

ଢେଙ୍କାନାଳ ଅଫିସ,୧।୩ : ଆଜି ପବିତ୍ର ମହାଶିବରାତ୍ରି। ଏହି ଅବସରରେ ଚଳଚଞ୍ଚଳ ହୋଇ ଉଠିଛି ବାବା କପିଳାଶଙ୍କ ପୀଠ। ସକାଳୁ ସକାଳୁ ବାବାଙ୍କ ଦର୍ଶନ ପାଇଁ...

ମହାପ୍ରଭୁଙ୍କୁ ଦର୍ଶନ କଲେ ୫ ଶିକ୍ଷାନବୀଶ ଆଇଏଏସ୍‌ ଅଫିସର

ପୁରୀ ଅଫିସ, ୧୪ା୯: ବଦଳିଯିବ ପୁରୀର ଚେହେରା। ପୁରୀ ହେବ ବିଶ୍ୱ ଐତିହ୍ୟ ନଗରୀ। ଭକ୍ତ, ପର୍ଯ୍ୟଟକ, ତୀର୍ଥଯାତ୍ରୀଙ୍କ ପାଇଁ ବିଶ୍ୱସ୍ତରୀୟ ସୁବିଧା କରାଯିବ। ଭିତ୍ତିଭୂମିର...

୪ ସାଇବର ଠକଙ୍କୁ ବାନ୍ଧିଲା ପୋଲିସ: ପ୍ରି ଆକ୍ଟିଭେଟ ସିମ୍‌ ବ୍ୟବହାର କରି…

ଭୁବନେଶ୍ୱର,୯ା୪(ବ୍ୟୁରୋ): ପ୍ରି ଆକ୍ଟିଭେଟ ସିମ୍‌ ବ୍ୟବହାର କରି ଲୋକଙ୍କୁ ଠକୁଥିବା ୪ ସାଇବର ଠକଙ୍କୁ ରାଜଧାନୀରୁ ଗିରଫ କରାଯାଇଛି। ସାଇବର ଠକଙ୍କ ମଧ୍ୟରେ ସିମ୍‌ ପ୍ରୋଭାଇଡର...

ମନ୍ଦିର ଖୋଲା ନ ଯିବା ନେଇ ପ୍ରଶ୍ନ ଉଠାଇଲା ଭାଜପା

ଭୁବନେଶ୍ୱର,୨୦ା୮(ବ୍ୟୁରୋ): କରୋନା ମହାମାରୀ ଏବଂ ଲୋକଙ୍କ ସ୍ବାସ୍ଥ୍ୟକୁ ଦୃଷ୍ଟିରେ ରଖି ଧର୍ମାନୁଷ୍ଠାନ ବନ୍ଦ ରଖିବା ପାଇଁ କଟକଣା ଜାରି କରାଯାଇଥିଲା। କିନ୍ତୁ ପରବର୍ତ୍ତୀ ସମୟରେ କେନ୍ଦ୍ର...

ସ୍ବାବ୍‌ ଟେଷ୍ଟ ପାଇଁ ଡରୁଛନ୍ତି ଲୋକେ୍‌

ସିମୁଳିଆ,୧୧।୭(ଡି.ଏନ.ଏ.)-ବାଲେଶ୍ୱର ଜିଲା ସିମୁଳିଆ ବ୍ଲକରେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ଏହାକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ବ୍ଲକର ସଦର ମହକୁମା ମାର୍କୋଣା...

Advertisement
Archives

Model This Week