ନୂଆଦିଲ୍ଲୀ,୨୮ା୯: ବର୍ତ୍ତମାନ ଦେଶର ପ୍ରତ୍ୟେକ ନାଗରିକ ମହାମାରୀ କରୋନା ଭୂତାଣୁ ସଂକ୍ରମଣରୁ କିପରି ରକ୍ଷା ପାଇବେ ସେ ନେଇ ଚିନ୍ତାରେ ପଡ଼ିଛନ୍ତି। ତେବେ ଦେଶର ପ୍ରତ୍ୟେକ ନାଗରିକଙ୍କୁ ଏହି ମହାମାରୀ ଏବଂ ସଂକ୍ରମଣରୁ ରକ୍ଷା କରିବାକୁ କେନ୍ଦ୍ର ସରକାର ବର୍ତ୍ତମାନ ପ୍ରସ୍ତୁତ ହେଉଛନ୍ତି। ଏହି ପର୍ଯ୍ୟାୟରେ ସରକାର ବିଚାର କରୁଛନ୍ତି ଯେ, ବଜାରରେ ମିଳୁଥିବା ଖାଇବା ତେଲରେ ଭିଟାମିନ ମିଶାଯିବା ଉଚିତ୍।
ଖାଦ୍ୟ ନିୟାମକ (FSSAI) ଖାଇବା ତେଲ ଉତ୍ପାଦନକାରୀମାନଙ୍କୁ ତେଲରେ ଭିଟାମିନ ‘ଏ’ ଏବଂ ‘ଡି’ ମିଶ୍ରଣ ଆବଶ୍ୟକ କରିବା ପାଇଁ ବିଚାର କରୁଛି। ଯାହା ଶରୀରର ରୋଗ ପ୍ରତିରୋଧକ ଶକ୍ତି ବଢ଼ାଇବାରେ ସହାୟକ ହେବ। FSSAIର ସିଇଓ ଅରୁଣ ସିଙ୍ଗଲ କହିଛନ୍ତି ଯେ, ଭିଟାମିନ ‘ଏ’ ଏବଂ ‘ଡି’ରେ ଖାଇବା ତେଲ ମିଶାଇବା ବାଧ୍ୟତାମୂଳକ କରିବା ପାଇଁ FSSAIବିଚାର କରୁଛି। ଯାହା ଦ୍ୱାରା ଭାରତର ଲୋକମାନେ ଉନ୍ନତ ପ୍ରତିରକ୍ଷା ସୁଯୋଗ ନେଇପାରିବେ।
ଭାରତରେ ମାଇକ୍ରୋନ୍ୟୁଟ୍ରିଏଣ୍ଟର ଅଭାବ ସହିତ ପୁଷ୍ଟିହୀନତାର ଅନେକ ସମସ୍ୟା ରହିଛି। ଆମ ଦେଶରେ ଏକ ବୃହତ ଜନସଂଖ୍ୟା ଭିଟାମିନ୍ ‘ଏ’ ଏବଂ ‘ଡି’ ଅଭାବରେ ପୀଡିତ। ଆମ ଶରୀରରେ ଏହି ଭିଟାମିନ ଅଭାବ ଜନିତ ମୃତ୍ୟୁ, ଉତ୍ପାଦନ ଏବଂ ଅର୍ଥନୈତିକ ଅଭିବୃଦ୍ଧି ଉପରେ ପ୍ରତିକୂଳ ପ୍ରଭାବ ପକାଇପାରେ। ଭିଟାମିନ ‘ଏ’ ଏବଂ ‘ଡି’ରୋଗ ପ୍ରତିରୋଧକ ଶକ୍ତି ବୃଦ୍ଧି କରେ ଯାହା କରୋନା ମହାମାରୀ ସମୟରେ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ।
